Едното видео е од доминантно курдскиот град во Сирија, Џандарис. Другото е од турски Хатај. Во двете видеа, две бебиња. Најбебиња. Двете зафатени од земјотресот што не дискриминира по никаква основа.

Претседателката на Европската комисија се потегна до Украина за на голема врата да ја одбележи најновата сојузничка пратка помош за земјата која е во војна. Европа на Украинците им носи ЛЕД сијалици. За да ги заменеле старите сијалици, за да заштеделе енергија. Уште па на Твитер мегаломански напиша: „Заедно носиме светлина во Украина!“

Да не знаеш што е пострашно колку се моќни експлозиите што новинарката на секое се вади од памет или што овие што се поодамна во Бахмут се станати ѓон на сè што се случува околу нив.

Додека сме принудени да се занимаваме со Бугарите и со нивните глупи офанзиви да нè убедуваат кои сме и што сме, забораваме дека во животот постојат и други прашања за кои е благородно човек да се бори. На пример, кога ќе ти наточат пиво на подмолен начин. Односно, ќе ти го избугарат штуцот или криглата.

Девојката има право да има свој став за односите меѓу машко-женските односи. Девојката има право да каже дека таа го избира човекот на својот живот и таа му ја дава неговата позиција во нејзиниот живот. Девојката има право да ги повика другите да размислат за нејзиниот поглед. Ја сослушавме и накратко заклучивме: девојката има право :) 

Постојат разни начини да се скршат нежните детски чувства и да се навреди едно младо, чисто и искрено суштество. На пример, да не му купиш играчка, да го тераш да јаде брокула, да не му исполниш ветување дека ќе го носиш некаде, да му кажеш дека не постои Дедо мраз... Додаваме уште еден јак удар.

Ако може да се бира род како ќе текне, зошто да не може да се бира и боја на кожа, поточно припадност на раса? Ете го него, од нигде никаде, еден ден се почувствувал како белец. Стручно кажано, има транс-расен идентитет. Мајка му, нормална, вика, и јас сакам еден ден да се рабудам и да речам, јас сум Ријана, ама, не оди тоа така.

На отворање на првенство во уметничко лизгање, Финска реши да биде претставена од трансџендер, тоест „родово неутрална жена“ (што и да е тоа). Во име на „еднаквоста и диверзитетот“ да покажеле дека на мразот има место за сите. До 43 години бил Марку-Пека, сега е Мина- Марија и има 59 години. Да видите само каков балван е тоа.

Од 2014 до 2022 година гледавме како некој ја провоцира Русија за да дојде до оваа војна, и ете, дојде. И, што е планот? Да се победи нуклеарна супер-сила со конвенционални средства? Како е можно тоа? Да се распарчи? Па после таа во очај да ги испали оние 6.000 нуклеарни глави кои ги има и сите да отидеме бестрага?

40 години беа потребни за создавање вистински инклузивно скијачко општество. Прилог од дамнешната 1985 година, во времето на бордерскиот апартхејд и сегрегација, кога тие се гледаа како опасни натрапници па не беа пуштани ни на ски-лифтови, па онда мораа пешки да се пентарат по тоа патеките.

Да се биде уметник е сигнал за некаква дисфункционалност, вели Дејви Боуви. Затоа што на човек не му треба култура, таа е екстра. Рационален човек треба да се најаде, размножи и преживее. Па сепак, благодарејќи на неговиот ирационален дел, не му е битно само да се најаде туку и од каква чинија ќе јаде.

Пен и Телер се прославија демаскирајќи магионачарски трикови и илузионистички точки, покажувајќи колку е лесно мозокот да се измами за да верува во она што го гледа. Кога тие двајца некого ќе проследат со аплауз, значи озбилна е работата.

Доколку нивото на тестостерон и бројот на сперматозоиди ви е битен (сакате да имате деца), тогаш мобилниот никако да се носи во преден џеб фармерки / тренерки... Дури и да не е 5Г-то и ви-фи мрежата, пак проблем е топлината што ја шири вашиот мобилен. Подетално што се случува ќе ви објасни Хуберман.

Дете од Бангладеш сред криенка се крие во бродски контејнер. Потоа не се знае што прво следува, дали тој прво заспива или другарите прво забораваат да го побараат. Затоа се знае дека во контејнерот минува 6 дена и прв пат од него излегува на пристаниште во Малезија.

Видеото со руско-британскиот дечко кој им отвора чакри на студенти од Оксфорд дојде и до Пирс Морган, кому (како и нам) фасцинантни му се тие теми за разбуденоста, културата на откажување и како дојдовме до дереџе најнекадарните да го киднапираат терминот прогрес. Вие на Запад се чудите од сите тие канселирања, ама кај нас во СССР одамна се даваше тој филм.

Морлокот е вознемирен бидејќи некоја жена со две мали деца не му дала да биде со нив во женското веце. А сите знаеле дека тој е Кели и дека е транс- жена.  Го болело мешето па морал брзо во веце (може треба да добие?) Може ли мала желба од нас, за прогресивните сили на денешното општество? Од такви како Кели, на ред да не можете да дојдете.

Ова треба да стане химна на богатата, моќна и вонаби зелена елита која секоја година се истура во Давос на Светскиот економски форум. Затоа што на сè ќе им текне, само на тоа (од насловот) нема да им текне. Офанзивата започнува со 1.500 приватни авиони. Како тоа, кога Давос, заради географската локација (во тесна котлина е) нема аеродром?

П.с. реално кучињата во Кина имаат многу поголеми проблеми од петардите за на кого било да му падне на памет да прави кампања да не се рокаат петарди и огномети за Новата година.

Aјова има најниска стапка на разводи. Кој ги чува тие бракови во Ајова? Гласни жени и послушни мажи. Првиве имаат и натпревар, натпревар во тоа која од нив најдобро (најстрашно) го повикува својот маж. А ги има - прав хорор. Снимка од натпреварот објаснува и зошто Ајова истовремено има една од највисоките стапки на конзумирање алкохол.

Го начекаа во Давос првиот човек на Фајзер и едно три минути го напнаа зошто лажел/молчел за вакцината и трансмисијата на вирусот. Со наведната глава, Бурла одмолчи, каејќи се што решил да оди пешки. Бадијала плебсот ќе се сити, тој утре пак ќе се разбуди со милијардите кои ги направи, меѓу другото и со Урсула од ЕК, која му нарача по 10 вакцини за секој човек од ЕУ. 

Додека за иста завршена работа, два мајмуна наградуваш исто, макар била тоа и незанимлива краставица, нема никаков проблем. Меѓутоа, кога еден од нив ќе наградиш со краставица, а другиот ќе добие  грозје - е тогаш станува озбилен проблем и во првиот мајмун се раѓа синдикалец! Го маваше со краставица, бе!

Во сè се согласуваме со Горчин Стојановиќ (театарски режисер), од тоа дека не сме сигурни дека враќање на Џони би било паметно и дека би сакале тоа да го гледаме, до она дека ќе треба уште долго време да се сфати каков неповторлив опус тој ни остави, две третини песни да се успешни, половина одлични а една четвртина - генијални.

Двајца скејтери уиграно крадат продавница (едниот го зазборува преодавачот, другиот трпа работи во ранец), кога во истото место доаѓа посериозен апаш, вооружен со пушка. Прводојдените без зборови ќе се согласат дека тоа не е фер, ќе го совладаат воружениот, ќе го поклопат со рафт, ќе ја остават неговата пушка на каса и ќе фатат штрафта. Господа.

Уште кога со Џорџ Харисон ги вежбале основните рокенрол акорди, на Пол Макартни му се има бендисано една хармонија од класичната музика, за која не ни знаел како се вика. По некое време, дошол момент тоа (Буре во Е-мол од Бах) да биде „прошверцувано“ во “Blackbird” од Белиот албум. Генијалности.