Канцерот што нас одвнатре нè јаде и ги урнисува сите можни професионални стандарди и лични квалитети и заслуги а се вика Рамковен договор и од него изведените етнички квоти (кои веднаш се преведуваат во партиски квоти), тоа на Запад во последно време се прави во име на прогресивноста и диверзитетот. Глупичко е кога таа малигна идеологија ќе влезе во Холивуд, ама страшно е кога ќе влезе во пилотската кабина.  

На дечкото му беше укината можноста за помилување и условна, по што одлучи дополнително, ама барем филмски, да се дозакопа во казнено-поправниот систем на САД.

Пазете го вие овој досетлив мангуп. Се вика Адам Кругер и е главен метео човек во една хјустонска телевизија. Пошто тој метеоролошки јазик е ужасно сувопарен (се очекува влажен северен бран, сончево до местимично облачно, сообраќајот се одвива по суви коловози...), Адам ги прошарува своите извештаи со познати стихови од познати песни. И мнооогу добро тоа го пакува.

Со етикета „BREAKING!“, ова видео од тоа како руски бомби и проектили бескрупулозно паѓаат по рандом цели низ цивилен Киев, се ширеше со брзина на омикрон по глобалните мрежи, проследено со содветно грозење од ужасната Москва. Сè додека некој не напиша: „Дечки, ова не е Русија - Киев 2023 година, ова е кога Американците го гранатираа Багдад во 2003 година“. Е, добро онда, ништо.

Скроламе по листата и едно-две викаме: да бее, и тој... да бее, и таа... Многу музика отиде во 2023. Џеф Бек, Дејвид Крозби, Том Верлеин, Вејн Шортер, Руичи Сакамото, Хари Белафонте, Тина Тарнер, Аструд Жилберто, Тони Бенет, Шинед О Конор, Сиксто, Роби Робертсон, Шејн.... Да послушаме уште малку некои од нив, пред да ги надвика секојдневниот саундтрак од Десингерица и Теа Таировиќ.

На американската елита ѝм тече по ногавици од објавувањето на имињата поврзани со озлогласениот Епстин и неговиот педофилски ланец за сексуални услуги. Право време да се потсетиме и да станат појасни киселите насмевки на холивудскиот крем кога Џервеис им го спомна Епстин и патем ги ребреше дека некои од нив имаат поминато помалку време на школски клупи од Грета Тунберг.

Во сторијата „Анатомија на еден виц“, на пример на махерот Луи Сикеј е објаснета структурата на една заебанција и елементите кои треба да ги поседува (премиса, акцент, контра...) за да се дојде до завршниот удар. Шапел (кого повеќе го почитуваме од што ни е смешен) многу добро го знае сето тоа и почнува да раскажува случка со Џим Кери, за да изгради заебанција која нема врска со Џим Кери.

Само во 2017-та, во крипто-стартапи се инвестирале скоро 5 милијарди долари. Подоцна се покажа дека 78% од нив биле гола измама. Една таква мрсна дубара раскажува нов (и добар) документарец на Нетфликс, со наслов „Bittconned“. Биле ангажирани двајца наши девелопери, Мартин  и Филип. „Некои мислат дека сум генијалец,“ се зеза еден од нив. Ќе мислевме и ние, ако успеаја да наплатат. 

Вработени во грчка болница беа доволно баксуз некој да ги сними како играат на жива музика сред болничкиот ходник. За да биде уште полошо во еден момент покрај нив туркаат пациент на лежалка. Во своја одбрана од болницата објаснуваат дека секоја година имаат таква прослава, па никогаш не било проблем.

Дисклејмер, ќе треба да жртвувате некој ден од одмор, ама па комплет се исплати за да ја врзете серијата. Плус, ако биде прописна пролет, многу подобро ќе ви дојде отколку да ги чувате тие денови за тоа пеколот во јули / август. Ако е на српски истите параметри важат и кај нас.

Да, ја испофливме онаа празнична реклама со дедото кој на стари години реши да почне да вежба (види: Божиќна реклама на денот) и тоа и натаму стои и добра е рекламата. Ама кога ќе наидеш на уште подирљива и поемотивна божиќна порака, и пак со дедо, редно е и тоа да се признае.  

Грем Нортон има импресивна листа на славни личности кои биле кај него, кој од кој поталентиран, кој од кој позабавен (омилен ни е Греј Дејвис, види овде). Ако му тешко да одвои кој бил најзабавен, нема проблем да го одбере најдосадниот. Никој друг туку Роберт Де Ниро. Стариот знаел да раскажува долго а потоа да се праша: Зошто уопште ви го кажувам ова?Ама затоа знае да ја сврти приказната накај она што го чеша - Доналд Трамп.

Кога паметни луѓе ќе заглаваат, тие знаат да побараат помош од вистинските луѓе. Стив Џобс на свои 12 години нашол број и му се јавил на основачот на Хјулит и Пакард, за да му побара гага некои резервни делови што му требале. Бил Хјулит се изнасмеал, ама, не само што му пратил делови туку и му понудил работа. Битна разлика: кај нас прво би го прашале: А кој ти е татко?

Онаа мапа на светот на која сме навикнати дава сосема поинаква перцепција од реалната (така е кога глобус треба да се претстави во 2Д). Еве еден добар пример: Може ли по вода да се патува од Индија до Северна Америка по права линија, нит да се скршне, нит да се вози во лак? Според мапата, никако, според глобусот, секако. Да, прво треба да верувате дека Земјата не е рамна.

За влог од 20 долари, дечкото ви нуди сто долари, нормално, ако го победите. Гледате, има работа за оној кој му се работи. Наравоучение: нема вештина која не може во некој дел од животот да ја искористите за фин ќар. Партиски и корпоративни голтачи можат да се пробаат и без многу дополнителен тренинг.

Пази не само што низ цел град немаат една канта за ѓубре, туку немаат ни ѓубре расфрлано по улици. До каде само мислат они вака да тераат?

Карлсон го интервјуира Кевин Спејси, ама не како Спејси туку како Френк Андервуд, бескрупулозниот политичар кого го глумеше во House of Cards, сè додека Нетфликс не уцвика од сексуалните обвинувања против него (кои подоцна беа отфрлени). На прашањето дали размислува да се кандидира, Андервуд го дава најполитичкиот одговор: „Тоа народот ќе одлучи, јас сум спремен да се жртвувам“. Чиста постмодерна.

Во 1990-та година, замена на четири гуми и дотур на гориво, во пит-стоп на трка на Формула 1, се правелo за девет секунди. Фасцинантна е тоа секундажа, сè додека не видите за колку се прави сето тоа денес. Пипка- трепка! Денес за девет секунди и ремонт ќе му направат и ќе го прашаат дали е за полирање.

И никој да не уплати Тесла Сајбертрак во цела 2024 година, години ќе требаат за да се исчисти сегашната листа на чекачи, ако Маск не најде начин до 2025 да го скалира волуменот на 250.000 возила, колку што се потребни компанијата да биде профитабилна. „Прототип е лесна работа ама производството е пеколот“. За нивна среќа, дрводелци се амбицирале само за прототип за кој им требале 100 дена а кошта 15.000 долари.

На 16-ти август, 37 годишниот Даг Конели седнува на бело пластично столче среде резиденцијален кварт во Колумбус, Охајо. Држи .38 милиметарски револвер, со очигледна намера да се самоубие. Бргу потоа, на 75 метри од него, со снајпер залегнува Мајк Пламб од специјалните единици на Колумбус, ветеран од Виетнамската војна. „Тоа беше одличен погодок,“ ќе признае подоцна несудениот самоубиец.

Уште кога Заев приватно го стави бројчаникот на Триумфална капија и во земјава не се најде ни една ебена институција да му каже, каде бе дечко така ставаш што ти текне на јавен објект (пробајте вие нешто слично, да видите како ќе ве спукаат инспекции), и на најшарените можеше да им стане јасно дека ова ќе остане ќенеф од држава. Ама, дур ти се врзани очите, сè изгледа надежно.

Не само тоа. Дејвид Гилмор ја изведува во Помпеја, 2016-та година, на првиот настан на тоа место на кој присуствува публика уште од 79-тата година на нашата ера, година во која се случува онаа прочуена ерупција на Везув. Моќна симболика, моќна песна. Да беше надлежен Шилегов, пак ќе го викнеше Дино Мерлин, Данела ќе речеше дека нема пари и дека медиумите ја нејќат.

Веројатно нема понеблагодарна креативна работа од областа на адвертајзинот отколку, после сè што е видено години и децении наназад, да смислиш нова и свежа реклама во духот на божиќните празници а таа да не биде банална (насмеани, облечени во црвено, елка, подароци...) или пак да не се доживее како тежок кринџ (насмеани, облечени во црвено, елка, подароци...). Ама, сепак може.

Сте виделе литургии, миси и процесии, ама ова немате видено. Народно-верски собир на една христијанска црква од Тексас, од која Бродвеј може да фаќа белешки а оние кои прават концернти спектакли како Рамштајн и Тејлор Свифт можат да липаат што не се ни блиску. И пазете, во името на верските слободи во Америка, сето ова е изземено од плаќање данок.