Ај да ја разгледаме целата ситуација. Сопруг си и на финската претседателка. Ти имаш 63 години, таа има 68 години. По службена должност, сопругата те носи на некаков прием и таму те седнува до принцеза. И тоа принцеза со деколте. Како маж треба да знаеш дека единствено ти си виновен што изгледаш бескрајно глупо кога те фатија :)

Имаме моторџија и жена возач. Во нејзина одбрана, од видеото личи како он прв да почна. Во негова одбрана, од видеото личи како она баш нешто и да не е добра. Цело видео ќе го гледате подзинати.

А сега, молиме за внимание и висока концентрираност! Пред вас е исклучително парче магија кое не се гледа секој ден. Не Коперфилд и други тракатанци туку вистински доказ дека животот е илузија. Стивнете ја околината, отворете си ги чакрите и пробајте да откриете како е можно ова! Ние од сабајле сме на рипит, мозоците ни се чорба.

За оние што ги сакаат Next Time, ова е бласфемија. За другите - никогаш не биле подобри. Во секој случај, звучат како Лед Цепелин на најлути дроги. Тотално неслушливо, иако, копка идејата како ќе пројдеа со ваква песна на Евровизија. Стварно, како е правено ова?

Група деца кои не ги примиле во училишниот хор, биле доволно трпеливи и сега - неколку децении подоцна - безмилосно се одмаздуваат. Најлошиот хор, евер. Па уште со амбициозни песни, сосе Can't Тouch This. Да сум на граница меѓу животот и смртта, и да ми ги пуштат нив, отидов карши.

Не во Маседонија туку во Стокхолм. Презентацијата не со брошури туку со ајпади. Магија.

Маче. Мило мало маче. Сака да биде мајка. Оо♥оо♥оо♥оо....

Добро, така се почнува. Но, што после? Како на твојата осигурителна компанија да и објасниш што му се случило на твојот автомобил?

Автомобилска верзија на "Ај сечи Перо". Добро направено, мајку му. Нема ни да приметите дека пеат на германски (?).

Кај нас на улица новинар ќе те застане само да те праша нешто од типот "Дали ја гледаш Македонија во ЕУ и НАТО." Џими Кимел знае да постави прашање далеку побиску до реалниот живот. За искреноста на анкетираните, можете да позавидите. За коментарот на Кимел за слепиот човек, можеме ние да позавидиме.

Ако не сте знаеле, Супермен е сега бааги остарен. И пошто му дошло памет, не се занимава со новинарство туку живее како уличен забавувач во Нирнберг.

Во случај на пожар битно е брзо да ти дојде пожарникар. Уште побитно е да не ти дојде ваков пожарникар.

Од прва до последна страна, од корица до корица, книга создадена со користење на традиционални методи за печатење.

Одлично кратко филмче за еден изум кој - Thanks, god - се уште го нема наоколу: детектор на лаги при аплицирање за работа. Крајот на филмот е прајслес: дали стварно секогаш сакаш интервјуто да ти излезе хепиенд?

Клипот е базиран на вистинска бајка. Бајка што сте ја слушале и гледале, ама никогаш вака.

Во параноичното време во кое живеат силните а уплашени држави какви што се САД, сите се потенцијални непријатели и терористи. Можеби Ал Каеда регрутира тригодишни момчиња врзани за инвалидско столче, од кај знаеш? Затоа се тука органите на редот, темелно да ги претресат ваквите андеркавер злостори.

Федерико Фелини, Ридли Скот, Спајк Џонз... долга е листата на угледни филмски режисери кои се пробале во светот на ТВ адевртајзингот. Овојпат го одбираме Дејвид Линч затоа што е лесно во неговите реклами да се најде она што ги поврзува: лудило.

Одличен начин да ги развеселите досадните колективни ждерења на работа. По принцип на руски рулет, нарачувате пица, поделена на онолку парчиња колку што има гладни усти во вашата канцеларија. Само едно од парчињата е дополнето со 'барутно полнење' - она најлутото, што е 1.000 пати полуто од најлутата пиперка. Наскоро, еден од вас ќе почне да чури.

Од оние батки кои решаваат добар дел од денот да поминат дигајќи нешто тешко. И после, стануваат големи во мускулите. И после, сакаат тоа да му го покажат на светот. И на крај, стискаат лубеници меѓу нозе?! Па има ли нешто побоље од ваков живот?

Најдобар пример за тоа колку долго траат Симпсонови е компилацијата од сите Itchy and Scratchy епизоди кои се појавиле во серијата. Видеото трае 48 минути.

Некое видео клипче со куче, бла, бла, и демек оно е како човек, бла, бла и... не вреди ништо ако не го одгледате до крај.

И вие мислите дека сте имале лош ден на работа? Ѕирнете како тоа изгледа кога сте железнички инспектор па проверувате шини. Спојлер: нема трет.

Рамбо сепак уште знае да освежи, иако на слична матрица има направено дузина песни (Пластик, фантастик етц). Еве го спотот на неговата песна за Евровизија (Црна Гора) и стварно е буљаш ако не го земе магарето во Азербејџан.