Стивен Колбер во емисија ги собра колегите и шефот од едно поубаво време, кога се расправаа со Џорџ Буш, неговите бушалашитини и војната во Ирак. Повод, чисто да се видат и малку да здивнат од сегашноста.

Многу е едноставно, ако веќе немаш технички спецификации за да ја пофалиш колата, гледај барем да знаеш да направиш добар спот што ќе ја шитне.

Хор клинци ја пеат Mutter (Мајка) од Рамштајн и звучат одлично. Малку е језивко ако знаете како оди текстот на таа песна, ама според нашите педагошки канони, Рамштајн е увек боље од цмиздрењето во „Вљубениот ерген“.

Ги знаете оние Talking (Том, Карл, Анџела, Џинџер...) зезалици за телефон, кога анимацијата го повторува она што со го кажал, само со повисок тон. Ама, лесно им е со човек. Кога ќе ги споиш со рамен на себе, тогаш настанува вистинска, неподнослива дебата.

Секоја пролет човеков снима дуети не со луѓе кои пеат како славеи туку -  директно со славеи. Го имаме годинешниот концерт. Ведрина.

Тоа што ова е комплетно неточно, сатирично видео составено од Онион, не треба ни најмалку да ве демотивира да го прифатите како безпогрешно точно ако ви се бендисува што се кажува во него.

Разликата меѓу човек што доаѓа на работа и човек што знае да работи. Првите сме ги изнагледале. Ова се вторите. П.С. кај се купуваат кинески пожарникари?

Затоа што ти ако не се радуваш на твоите победи, кој ќе се радува? Оди па кажи му дека ова и не е некоја голема победа.

Пред две децении Бил Нај тврдеше дека постојат два пола. Денес на истото прашање смета дека работата е нешто покомплицирана, а половите во нас се како калеидоскоп. Проблем е што Нетфликс го избриша тој дел од стариот материјал. Ваквото ретуширање и цензурирање на научните погледи од минатото е сè само не е научно.

Дилемата со сите оние тетоважи со кинески, јапонски букви беше: од кај знаеш бе дека точно ти го напишале зборот, што во земја во која се грешат тетоважи со англиски зборови е доста здраво размислување и страв. Како што тоа азиското изгледа интересно од оваа страна на светот, така од другата страна на планетава, егзотиката и поимот за квалитет се доловува со зборот "Бугарија", барем кога е во прашање кисело млеко.

Сто дена подоцна и најмалку два пати повеќе разумни забелешки и аргументи, и симпатизерите на Трамп почнуваат да ја воочуваат грешката што ја направија. Може е доцна за ова гласање, ама барем нема да им се повтори грешката на следните избори.

Во вторникот Џими Кимел соопшти дека само што добил син, а потоа ја раскажа и целата драма што се случува со син му во првите часови по породувањето. Во рок од неколку часа дознаваат дека има срцева мана, па доктори, па болници, па операција на отворено срце (на туку што родено дете), и за среќа работата добро се завршува. Од вчера Кимел оди на породилно отсуство, а шоуто му го предава на Вил Арнет.

Ако погледнеш кон Универзумот и се почувствуваш мал, тоа е затоа што си почнал со его кое уште од старт е неоправдано големо. Да, замисли, дури и ти.

Таман човек ќе научи бар едно трикче за фасцинирање мали деца, ќе сфати дека ја знае само најлесната верзија на трикот.

Авто-пазар во Денвер понуди ваква распродажба: за 59,99 долари можеш да земеш сè што сам можеш да понесеш.

Овие 83.000 имаат секс во моментов, ти не. Ова и уште неколку работи што се случуваат во светот во една минута.

Од една страна, американските хотели фрлаат околу 5 милиони сапунчиња секој ден. Од друга страна, 2,2 милиони луѓе во светот годишно умираат од болести кои можеле да бидат спречени со користење сапун. Ви текнува? 

Можат ли двајца луѓе кои лично не се познаваат а делат крајно спротивни погледи на жешките прашања да седнат за по некое време да заклучат дека постојат многу повеќе работи кои ги поврзуваат отколку што ги раздвојуваат? Нека не ве обесхрабрува тоа што ова е, во крајна линија, реклама за пиво. Паметните ќе умеат да извлечат поука, на оние другине и буриња ум да истураш пред нив, џабе е.

И сарказам, и масовни критики, и комплементи со навреда и уште серија алатки за сите вас во прекрасни пасив-агресив врски.

Некако ќе се помириш со делот дека си глуп и трошиш пари што ги немаш (за работи што генерално не ти требаат) ама такво е времето, и тогаш ќе дојде делот во кој ти покажува колку камата плаќаш и ќе плаќаш (не се исти бројките како кај нас, ама исто го јадеш) до крај на живот. Солзи сами капат прости ми...

Ќе те слика со гласовна команда за да можеш да се наместиш вио својата најсекси поза. Ќе те слика за да видиш и како изгледаш од позади. Ќе ја замати позадината на сликата за ти да се истакнеш. И на крај ќе ти каже што подобро ти стои. Не се вика другарка, се вика Алекса и живее во облаци. Во следната верзија ќе одите и на кафе заедно.

По зборовите на еден пријател кој многу помирено ја призна својата капитулација: "oва е мојот живот сега". Другата страна не беше прашана за коментар.

Секоја недела човеков оди на локалните гробишта и почнува да чисти гробови на американски воени ветерани. Освен што чувствува должност кон непознатиот ветеран, за ова не добива никаков надомест, ниту пак некој го побарал тоа од него, а како што вели, да има време ова би го правел секој ден.

Не, не за да се обесите. Затоа што знаете да мамите со последното копче од панталоните, ќе си се врзете со сиџимка и ќе си терате.