Можеби Мејведер рутински победи во 10-та рунда откако паметно дозволи Мекрегор сам да овене (ММА борецот енергетски е баждарен на три рунди), но него допрва го чека застрашувачки предизвик. Раперот дава 750.000 долари на хуманитарна организација по избор на светскиот шампион ако овој успее да прочита една страница од книгата Хари Потер! А му нуди и лајт варијанта.

Американски ресторан за пица на парче во кое многумина купуваат две парчиња: едно за себе, едно за некој после нив. За второто платено парче се става стикер на ѕид. Доаѓа некој гладен или бездомник, го зема стикерот и добива парче пица. Штета што на вакви генијалности, наш мозок реагира со смислување сценарија на кои сè начини ќе пропадне идејата.

Ураганите се делат во пет категории. Оние од прв степен почнуваат со ветар од 119 километри на час, оние од петти дуваат со над 252 км/ч. Згодно видео кое демонстрира како реално изгледа разликата меѓу нив.

Кај нас вечната дебата, во која уште никој нема мрднато ни сантим од својата почетна позиција, се води на темата - каде има најдобар ќебап: Турист, Ана-Кристи, Тетекс или Пчела? Кај уредниците на Тејсти темата е бургер, секој од нив идентично закоравен и се колне во својот избор.

Видеото е поставено како виц: Влегува Џери Луис кај Летерман... и го фрлаш цело сценарио, седиш и гледаш што ќе им дојде.

Клегejн и Тормунд како потврда на изреката “Душата е шатка, сака и да плива и да лета“. Во нивниов случај, не можеш нон-стоп да си страв и трепет, да јаваш коњи врани и да сечеш глави наоколу. Ајде јунаци, песна!

На јапонски саем за погребна опрема и техника (да, да) извадија робот будистички свештеник, програмиран да извршува погребни ритуали и да мантра будистички молитви. Во претходниот живот бил келнер, куќен помошник и продавач (од работа нема срамота). Каде- каде е поевтин од живите колеги и плус не мора да му бацувате рака. Само што малку звучи како Глоријан.

Оние кои ставаат без пена од прва се дисквалификувани (бидејќи пиво без пена е блуткаво ко граѓански активист без вмровска влада). Ама, повеќето сипувачи се оние на кои најглавно им е пивото да не се одгазира. А ако не се одгазира во чаша, ќе го стори тоа сепак, само во вашиот стомак. И после ве дуело, па нормално. Наравоучение: допуштете му фино да се издиши и гргајте.

Единствен грев на девојчево е што не му држи инаетот па да глуми како тебе дека не ти се шизи на Деспасито. Сè друго околу девојчево е спектакуларно.

Отсекогаш постоеле луѓе кои верувале во некоја скорешна апокалипса. Од друга страна, постои теоретска можност Исус еден ден да се врати на Земјата, за идентификација да ни покаже некој од старите добри трикови (на пример, одењето по вода), а ние, веќе изморени од оние првине, лаконски да му дофрлиме дека Дејвид Блејн боље ја прави таа финта.

Само сменете Америка и Канада со Србија и Македонија и многу работи во ова видео ќе добијат смисла.

Видеово речиси е на ниво на темплејт, на кој што сè имаат фино напишано и обележано, а ти треба само да ставиш кадар и готов си. Ако ништо друго барем одлично се држат до холивудски тестираните временски рамки за траење на трејлер. Друга работа што покажува видеово, ја имаат фатено цаката на која се лепи публиката.

Нешто помеѓу боб-санка за луѓе што се плашат од боб-санка и најдобрата награда на сите времиња за тоа што си се искачил на некоја планина.

„Никој не се смее, сè полудено“. Па има ли нешто поточно од оваа дијагноза во новата песна на Бени и Нон-стоп? Една одлична рокенрол ствар која ќе ве натера да мрдате со главите ко оние кученцата што се ставаа во кола. Плус пар најљудски поенти That Makes You Go Hmmm... Браво бандо.

„Балкан Ројал“ е филмче посветено на Петер Димитров, човек кој живее од реставрација и продажба на стари пијана а сонот му е еден ден да стане она за што учел. „И да можам да го вратам времето назад, пак попрво би го правел ова отколку да имам кариера како некои други колеги музичари“, вели Димитров.

Видео запис посветен на холандскиот уметник Винсент ван Гог. Математиката вика дека видеото содржи 65.000 фремови, секој од нив рачно нацртан од страна на 125 уметници од целиот свет. Другото треба да го видите. 

Почнуваш со сосема исправен и функционален Магнум сладолед и после само го апгрејдуваш со секакви видови подобрајзери. Нормално за било што од ова да ти фати на сладоледот, прво треба веќе пречоколадниот сладолед да го потопиш во некакво стопено чоколадо.

Ваква егзибиција може да ти дојде на памет само во две околности: 1. Ако си дрвосечач (а се кладиме дека не си) па ова ти е некаква Ол-стар викенд дисциплина или 2. Ако си доволно пијан во двор сред планина а тоа трупците почнат да те провоцираат. Бонус поени за дечкото што ова го прави без ракавици.

За што било да постигнеш во живот треба многу посветеност, упорност и вежбање. За ова стварно не знаеме како се вежба.

Запазете збунетост кај Џејмс Франко (од неговата Јутјуб серија „Време за филозофија“) кога околу моралните дилеми на раниот абортус, професорка од Принстон му објаснува дека има два вида фетуси, едни кои имаат иднина и едни кои немаат иднина (??), па оттука, вториве баш и немаат морален статус. Јеби га, Je Suis Franco.

Американциве имаат така набиена летна фестивалска сезона што личи на распоред на српски пејач во македонски летни дискотеки. Кочела, Бонару, Лолапалуза... и сите се блесаво скапи, и целата публика се претежно невработени млади, и пак сите прават пари.

Рецепт за паста сниман од Тарантино, вафли од Мајкл Беј, палачинки од Куарон, мачмелоу од Вес Андерсон (или барем најприближно што се може до ОЦД кадрите на Андерсон).

Дури и да знаеме ова да го направиме како што не знаеме, уште од сега се осеќа дека трпението ќе крахира меѓу 10-то и 20-то шкорче. Во секој случај бравос за ликов и за знаење и за трпение.

Само човек што нема добиено проширени вени од стоење по шанкови може да поверува дека ова го измислил некој што немал каде да седне на работа. Не е важно кој и зошто го измислил, важно е дека толку е од муабетите "не може на нозе да стои".