Овој пат нема ама. Кога ќе го видите процесот на вадење на еден единствен индиски орев, ќе ви стане јасно дека да се родеше ова дрво кај нас, брзо, брзо ќе беше откорнато, запалено и закопано, сортата да му се сотре и никогаш веќе бел ден да не види.

Рецептиве за вапцање повеќе изгледаат дека се инстаграмски отколку канонски, ама па и никаде не вика дека во 5 сабајле треба да ги правиш.

Една скината сцена од серијата (продуцентите веројатно процениле дека со хуморот се претера), колку да се потсетиме колку мазно функционираат тие ликови.

После 4 месечни истражувања и тајни снимања, британскиот Канал 4 вади документарец во кој се откриваат сите изборни измами на осрамотените Кембриџ аналитика: мито, бивши шпиони, лажни лични карти, сексуални работнички...   

Само, за среќа, не се сите толку набилдани како него, па да се малтретираат вака луѓе, во име на некоја 'праведна' кауза по свој избор. Инаку, уште одма би, ич не сумњаме во човештвото.

Принципот е ист како оние Тејст рецептите, само да е шарено, брзо и да изгледа како најлесната работа на свет. И знаеме дека е така, и пак ќе успее да ти створи некоја желба и самодоверба да се покажеш по дома. Ама па и ќе ти пројде.

Затоа што нашава историја редовно предизвикува алергија кај цела наша околина, а и внатре, дај барем за Нутела да научиме.

Додека ти му ја мислиш како да го изрендаш тоа крајното што ти останало морков, јаболко или сирење, дечково со затворени затворени очи прави шопска.

Дечкото: Ќе нарачувам пица, сакаш?
Девојката: Не.
Доаѓа пицата.

Деновиве на ТВ случајно налетавме на точка на македонски стенд-ап комичар. Една од 'финтите' беше дека е полесно да си глумица отколку глумец. Ок, зошто ? Кога глумица ќе му мрднелa со газот на режисер, ќе заврши работа, ако глумец го направел тоа, ќе испадне педер. Оф. Затоа, малку од малку, да залечиме рани.

Геко бил оставен во кабина и пуздер ги има направено седиштата. Па сега газдата му се насерува за сите пари. Го пцуе до немила и недрага, ама некако е јасно дека се сакаат до небо. 

Ски-лифт решава да тргне во рикверц, а по пат и да забрза, и сето тоа додека на него уште има качено луѓе. Видеото е од деновиве од скијачкиот центар Гудаури во Грузија.

Да почнеме од тоа дека пакетче кетриџи за инк-џет принтери се продава за околу 2500 денари, а цената на производство му е некаде околу 20 денари. Понатаму дечково ќе продолжи. Аха, и посебно да се посвети внимание на делот околу чипот.

Експерт за месо открива како да разликувате квалитетен сувомеснат производ од оние ефтините што се шлепаат со разни финти (адитиви и слично). На тапет има кулен, шунка, салама, мортадела, виршла, кобасица и пршут. 

Не само што ќе ви го расипе впечатокот за хирурзи што се појавуваат во филм, туку со тоа реалноста комплетно ќе ви одмили филмски доктори само затоа што она завршила медицина.

За Микрософт проблем е што ова му е накалемено уште од времето на ИЕ 6 и уште не може да крене глава. За сите што сурфаат на интернет проблем е што Гугл Хром крајно доминантен браусер кој безмилосно те манијачи и запишува сè што некогаш си направил, и баш и нема нешто многу што можеш да преземеш во врска со тоа (затоа што си премногу мрзлив/а за барем да инсталираш Фајрфокс или Опера).

Репортер на улица на Сеул прави анкета меѓу тамошните пешаци, дали се за обединување на двете Кореи. Сума сумарум не им смета народот од Северот, ама некако парите не им се делат со нив.

Ова е слоганот од новиот официјален спот за промоција на туризмот во Орегон. Според локалци целиот е базиран на вистинити предели од Орегон. Според локални закони марихуаната е легална во Орегон, па не можеме баш да спориме кој што точно гледа во сојузната држава.

Компанијата во април 2016 почна со изградба на Ѕвездени војни паркот во Калифорнија со површина од 56 илјади метри квадратни. Буџетот му е 2 милијарди долари, и деновиве прв пат објавија како напредуваат по речиси 2 години работа. Треба да биде готов во 2019.

Во „Сенки“ на Манчевски има една сцена во која жената од купатило му довикнува на сопругот во спална да изгаси светло, за да не ја види без шминка. Ние досега мислевме дека е тоа уметничко претерување.

За трагичната судбина на Давор Дујмовиќ пишувавме во приказната „Животот и смртта на Перхан“, ама малиов и неговите мисири нè потсетија и на двајцата.  Еве го малиот Перхан, на некој друг светски меридијан, роден како миротворец.

Како едно големо тркалезно колаче да помине низ помал квадрат иселчен во хартијата.  Чичкото е фин па објаснува, во спротивно ќе зјаевме ко телиња па ќе заборавевме на тоа. 

Може имаме струја, и интернет, и телевизија, и авионски превоз, и смартфони, и храна во изобилие, и (колку-толку) разбирање едни со други, и вакцини за болести, и топол дом, и редовен оброк, и бесплатно образование, ама тоа не го менува фактот дека животот знае да е ѓубре кога ќе реши, а обично решава кога си најмалку спремен.

Лидерот на Токинг Хедс реши кај Колбер да промовира песна од новиот албум "American Utopia". А тоа е студио, сцена, публика, досадно... Е па, не. Песната се вика "Everybody's Coming to My House" и бандата баш фино се одомаќини.