Нема зошто мостот да страда што ти мислиш дека си се заљубил/а вечно. Имај предвид дека да беше мостот лабилен како твојата врска никогаш немаше ни да добие дозвола да биде изграден, па затоа малку почитувај што ти оставиле луѓе пред тебе.

Во редакција си се лажеме дека е некоја намештаљка, анимација, такво нешто. Пошто ако прифатиме дека е вистина, ние во Атлантски океан (кајшто живее гадов) ние нога веќе не ставаме. Ѕирнете за да сфатите како ни се одмили една од омилените пцовки (со опроштење, „у уста те пунам“) за која досега верувавме дека е универзално употреблива.

Во некоја идна реконструкција на денес темелно погазената гордост во врска со македонското (нормална гордост, без напнување), изгледа ќе мора да се тргне од далеку. Самида (Три сестри) е музичка формација на Дамла, Јудум и Тамара Сахин, три сестри чиј татко е познат музичар а чија изведба ѕвони како билбил. Ја пеат „Севдалино, детелино“.

Воскресни ги, Вештачка интелигенцијо, сите наши упокоени и облечи ги во славата на Царството Твое! На гласот на последниот апдејт ќе се отворат jpeg-овите и мртвите ќе станат за да принесат лајкови.

Дечкото се вика Бил Хадер. И кај Конан го имитира Арнолд Шварценегер. Ништо чудно? Чекајте да видите колку е тоа лудо. А некогаш беше јако што можеш да изрежеш видео на CD.

Додека низ децениите сè нешто наоѓаат да им скратат на Ф1 болидите за да ги направат побезбедни (поспори), пит-стопот изгледа како да е единствен сегмент во кој нешто се се забрзува. Денес ова изгледа како да не е човечки можно побрзо да се заврши работа. Веројатно исто им личело и на овие што менувале во 1981.

Моменталниот статус на чајот е вториот најпиен пијалак на светот (после водата) во претерано многу варијанти. А целата работа почнува многу поинаку, па во првата верзија чајот е храна.

Пазете го овој стих „Как јадете само салати, мајка ви да еба - Илуминати! “ Инаку, Ицо во единица време исфрла повеќе зборови отколку што човечко уво може да прими. Ама, има вежбанка и за тоа. 

Порнхаб се махери да произведуваат вести и да се врти муабет за нив. За таа цел овојпат создале машки купаќи (Bonerless Bathing Suit) кои ги поштедуваат мажите од неугодноста од непосакуваните ерекции на плажа. Тврдат дека нивниот дизајн и употребениот материјал го зауздуваат неочекувано разбудениот пријател без да го задават. А може да се носат и чисто за чалам, за само 69 долари да оставаш впечаток дека чуваш Дрогон меѓу нозете.

Освен кога ова е репортажа на Вајс за Венецуела.

По 12 години поминати како прв човек на Дајмлер, се пензионираше Дитер Зече, или фамозниот Доктор З. како што беше познат во тие кругови (замина со пензија од 4,250 евра на ден, ама сега тоа неважно). Му честитаа од конкурентскиот БМВ, со видео порака чиј мотив е „Пензионирање е кога ќе го оставиш минатото зад себе и ќе ја прегрнеш иднината.“ Чекајте да видите на што мислат.

Ќе отиде човек во Шведска малку да прошета да одмори од карпиве и балваниве балкански, и цел пат низ нос ќе му излезе. Една работа да не им е на место, а и глуп ова народот шведски: пола држава им е со шуми, они увезуваат дрва од странство; измислија динамит, 200 години не биле во војна; министри наместо во лимузина, со метро се возат. Налет живот таков.

Направиле симулатор кој многу јасно ја покажува разликата како во еден град сипаниците се шират кога има 80% вакцинираност на деца на школска возраст а како кога вакцинираноста изнесува 95 проценти. Симулациите се направени за американските градови но поентата е иста.

Ауууу, каква епизода е па ова! Треба да се освои носечката композиција на Игра на тронови. Во коалицијата се ко-креаторот на серијата Ден Вајс, Том Морело (Aудиослејв/RATM), Скот Јан (Антракс), Нуњо Бетенкорт (Екстрим), Бред Пеисли (кантри музичар) и авторот на саундтракот Рамин Џавади. Од оружје имаат гитари. Дали ја освоија? Вака Дани со она змејот не го беше спржила градот!

Не е некоја си супермоќ што ќе го спаси светот, ама за малку вежбање може некогаш ќе ви заврши некоја работа или проблем што се решава со вртење паричка.

Сме пишувале за тоа дека документарните тв канали се претворија во шкарт програма кога го прифатија форматот на реални шоуа (види: Де-еволуцијата на Дискавери или Како Shark Week стана исто ѓубре како и Дискавери). Само да потсетиме на веројатно најубедливиот видео доказ за тоа фејкерство. Кога оној бестрашен Bear Grylls покажува како се поминува преку опасен мост од лава. Почекајте, почекајте. 

Роберт Ф Смит, милијардер и ЦЕО на Виста Еквити, деновиве доби почесен докторат од Морхаус колеџот на кој и тој своевремено има завршено. Смит не остана должен. Пазете ја реакцијата на студентите кога ќе им соопшти дека решил да ги плати сите нивни студентски кредити и долгови. А се работи, ни помалку ни повеќе, за 40 милиони долари.

Видео сцена од еден несреќен сообраќаен удес. На една страна е побеснат Оптимус прајм, на друга, неколку луѓе од кои еден, посебно се издвојува. Не можат тие толку да го спасат колку што тој може да биде прегазен. Ако е преживеан, во моментов мора да е кај некоја бајачка. 

Ако некогаш сте помислиле дека сте побрзи од мечка, да ве пишманиме додека не сте решиле да се пробате - не сте. Ниту побрзо пливате, ниту побрзо се качувате по дрвја. Ништо не сте „по“ од мечка.

Во април Ролинг стоунс ја прекинаа турнејата затоа што му се слошило на Мик Џегер и мораше да му прават итна операција на срце. Сега сме средина на мај, Мик Џегер само што го објави ова видео. 75-годишниот Мик Џегер по операција на срце.

Нам ни изгледа како да се вика „кафе со облаче“, инаку е ексклузивно кинеска верзија на кафе (за сега) во која филџанот топло кафе се служи со топка шеќерен памук над неа. Кафето го топи „памукот“, сето тоа паѓа внатре, па е доволно благо за сите што го пијат „горко со пола лажичка шеќер“ (и веројатно подобро е на изглед отколку на вкус).

Луис СиКеј (пред да почне инквизицијата) за скеч кажува: Јас кога сум во кола имам поинаков систем на вредности, тогаш сум најужасниот човек што можам да бидам. Овие двајца немаат скеч за кажување.

Тетовирањето има две важни правила: Прво, немој на себе да ја тетовираш девојка ти / дечко ти. Второ, ако не го послуша првото правило гледај да знаеш некој што добро црта самураи. Дечково на пример паднал на првото, ама има грб за второто.

Година 1998, Џорџ Р.Р. Мартин познат само по дома и ретко на кој друг, за време на некоја конвенција дава интервју за некоја нова книга што ја пишува со наслов „Судир на кралеви“, инаку втора книга од неговиот серијал „Песна за мразот и огнот“. Со нула подготвеност за зборење пред камера, и идентично искуство, Мартин меѓу другото планира дека за 5-6 години сите книги од серијалот ќе му бидат завршени. 21 година подоцна, уште не се.