Коњ, воспитан, питом, послушен. Туристи, американски, дебели, упорни. Поука, веројатно ќе им потрае.

Човекот пред некое време од Јутјуб доби плакета за 10-милионитиот претплатник на неговиот Јутјуб канал. Сите ние за благодарам добивме рецепт за спектакуларен бургер од Рамзи.

Репрезентативен вод белгиски армиски кадети чекорат војнички марш и на непријателот крвта му се замрзнува во жилите. Кинезите го гледаат ова и си викаат, добро бе, ние глупи сме толку да вежбаме?

Конкретниот стеротип е возач на џип, плус тој возач да е жена. Видеото е од едни скали во Ванкувер.

Неодамнешна анкета во Британија покажува дека 12% од британските мажјаци (веројатно истите се силат и дека „па јас од тука би дал гол“ во Премиер лига) се под впечаток дека можат да ѝ земат поен на Серена Вилијамс. Како што ќе забележиш од овие кутриве примероци кои успеале себе си доволно да се охрабрат за да излезат на терен против Серена, прво треба да и вратиш серва за да и земеш поен.

Под водство на искусни супертв изори, којзнае колку играчи од светот цели 9 години ја реконструирале Средната земја од Господарот на прстените. Деталите се неверојатни.

Со децении официјалната воена доктрина на САД налага дека земјата треба да има доволно воена сила за да води две симултани војни против кои било други две големи воени сили. На почеток не е така.

Кромид да ти се чувал во хулахопки, пресечена лубеница во цедалка, зелена салата и млад кромид во мокра крпа, ловорови листови да се ставаат во брашното против бубалки, доматите да се чуваат свртени надолу и уште неколку трикови како на храната да ѝ го продолжите рокот на траење во овие топли денови. Хулахопки бе?!

Кога распрашуваш некого после 2 часа трчање немој да очекуваш дека човекот ќе има доволно кислород во мозок за да ти даде пулицеровски одговор што ќе се памти. Веројатно човекот само сака да собере душа.

Се работи за (барем за нас) света работа - храна, и дезинформации околу неа, создадени со никаква повозвишена цел од собирање прегледи на Јутјуб или лајкови на Инстаграм. Оригиналното видео речиси и да е невозможно да не сте го виделе на социјалните мрежи и барем за момент да се имате извадено од памет. Ен Риардон е научник за храна, која дополнително ги проверува, објаснува и разбива стравовите раширени со претходното видео.

Во 1998 година, 42% од младите во Исланд, на возраст од 15-16 години, признале дека се опиваат. Денес такви има само 5%. Во прилогот се наведуваат пет клучни точки со кои земјата го прави овој пресврт. Ние не сме подготвени ни за една од тие.  

Воен ветеран од Втората светска војна се среќава со својата младешка љубов од Франција. 75 години ништо не им можат на љубовта и спомените.

Сцена од англо-саксонска верзија на оној телевизиски мрак кој се вика „Брак на невидено“. Тој ѝ кажува дека е астрофизичар, таа му одговара дека е.- близнаци. Не е до народот, до франшизата е.

Ви обравме неколку видеа за сами да се уверите каков смех и весеља е да се има крај себе оваа ведра и лесно запаллива бабичка. Ја снима синот и многу се сакаат. Тој ја зафркава, таа го вика дикхед. Едно време ќе почне да го вика шитхед пошто чула дека дикхед е срамен збор.

Додека некој упорно зборува со погрешен човек, Шева сзборува со вистнискиот, само што не му е најјасно преку што. Погледнете како тоа изгледа кога ќе се биде ослободен од сите овоземни протоколи за комуникација.

Апла е јасно дека муабетот не е автентичен но е сосема ок драматизација на добра финта. Онаа со песната за лавот од Индија. Кој не јас знае фората, бујрум.

Го знаете она чувство кога слушате политичар во телевизиска емисија, дека без оглед на сè околу него, тој ќе си го вергла она што го наумил и научил? Е па, Иван Шукер, хрватски екс министер за финансии. 

Не само што тематски сме заинтересирани за оваа нова песна на Рамбо Амадеус туку истата е од албумот „Бродот на будалите“ што нè прави уште поподобна публика за неа.

Сегашноста сакаше да нè потсети на еден од нашите омилени телефонски моменти од минатото. Затоа, одиме во иднината.

Видео снимка од лице в лице ситуација со возрасен машки лав. Со сигурност оваа фаца на лавот значи: Можеби треба да престанеш да зјапаш во мене и да погледнеш десно.

На возрасна жена во длабок Алцхајмер, само на момент ѝ се враќа бистрината на умот. Доволно за да ја препознае ќерка си која ја храни. Доволно за да ѝ го каже најважното што го има во себе. Дека ја сака.

Аниматорот Ленивко Квадријатиќ ја реконструира познатата најавна шпица на легендарната американска серија во сосема друг контекст. Руска пост-чернобилска дистопија, со Бреговиќ за музика. Би било тоа добро за гледање.

Тепачка за територија меѓу две мечки, и тоа жестока, каква што и само може да биде меѓу два вакви капиталци. Но, пазете, нема тука желба да се уништи и дотолчи противникот, да се згази и да не му текне да стане, како што има во оние човечки тепачи во кафези, како на избори или на политички ТВ дебати. Просто, одмерување на силите. Некој ќе се повлече и тоа е тоа. Има човекот уште многу да учи од „дивите“ ѕверови.

Што може да појде на лошо ако 700 луѓе истовремено тргнат со точак по иста падина на француските Алпи во која се тргнува од 3.400 метри надморска височина а спустот трае 25 километри? Победник на трката „Пекол од планина“ е Килијан Брон и тоа е најмалку важната информација околу неа.