Во деновите кога целиот свет стравува од можна епидемија на корона вирусот кој се појави во Кина, на аеродромот во Шангај наоѓаат човек со јака треска. Решаваат да го транспортираат до надлежна установа со геслото „што е сигурно, сигурно е.“

Пијанистка излегува на сцена и дури таму сфаќа дека цело време се подготвувала за погрешен настап. Како и да е, на нејзе ѝ доаѓа редот. Сè што ќе отсвири го прави од сеќавање, и го прави без ниту една грешка.

Како и за Битлси и Стоунси и многу други такви случаи, медиумите отсекогаш сакале да го пумпаат ривалитетот меѓу познатите лица и ако нема, тогаш вештачки да создаваат тензии меѓу нив. Салвадор Дали одговара за „непријателството “со Пикасо.

Заради безбројни инциденти во минатото, метрото во Њу Делхи веќе подолго време има вагони во кои смеат да се возат само жени. Без разлика колку време е на сила ова правило, мажи упорно се возат со вагоните за жени. Индиската полиција секогаш кога може се труди ова да го корегира, со шамари и заушки.

Рик Џејмс во ТВ судница тужи бивш пријател дека му должи гитара и појачало. И онда ничим изазван, во приказната додава дека овој го има фаќано за гз пошто е геј, што авторот на „Супер фрик“ го опишува со зборовите „дечкото има малку шеќер во резервоарот.“

Додека кај нас со наведната глава возиш покрај кола паркирана на тротоар да не му направиш незгодно на „па нема дечко кај да се паркира“ ликот, британските велосипедисти немаат намера ни на момент да ги отстапат велосипедските ленти што од постојните улици беа издвоени за нив. (Ок, да, тие на своја страна имаат и полиција за која велосипедистите се рамноправни учесници во сообраќајот.)

Најискрениот изблик на среќа што денес ќе го видите на интернет: во делови од Австралија почна да врне дожд и човеков не може да се прибере од среќа.

Како што ќе покаже овој праисториски клип од ТЛН, уште оваа политичка криза и политичари одма ќе се фатат за решавање на проблемот со загаден воздух. До тогаш издржете, купувајте маски, купувајте прочистувачи, не излегувајте надвор, ако ви врши работа купувајте органско за колку толку да ги замачкате наслагите олово во вашето тело и најубаво ќе биде ако може да мислите на проблемите што тие ви ги сервираат, а не на проблемите што вие ги имате.

Има едно непишано правило дека американските републиканци преферират да бомбардираат по Блискиот исток а на американските демократи поинтересен за тоа им е Балканот. На овие простори генерал Весли Кларк е познат по 78 бомбардирање на НАТО. Демократски ориентираниот пензиониран генерал опишува како Пентагон под републиканска палка лесно решава да влетува во воени сценарија на истокот.

Како за други работи, така и за коса, за тие што ја имаат многу е неважно дали ја имаат или не, за тие што ја немаат многу е важно да ја имаат. Како и да е, добро за овие вториве е што работата е многу напредната.

После добиената битка со леукемијата, малиот се враќа во школо кајшто го пречекуваат другарчињата.

После сите глобални срања, локални неподносливости, национални порази, тенчењето на нервите и заморот кој сето тоа го носи, ќе дојдеме ли и ние еден ден во ваков зен?

Од гледа точка на компаниите ништо не е поевтинето, само сега и вие сте производот, па разликата во цена ја надополнуваат со продавање на вашите информации, главно што гледате и што не гледате.

Иако главна поента му е дека некој треба да регулира колку јадат овие луѓе бидејќи се толку дебели што тоа е практично самоубиство, вознемирениот коментатор на ова видео обрнува внимание и на една математичка загатка која ние веројатно немаше да ја забележиме.

Цане од Партибрејкерс веројатно е последниот човек на земјава од кого очекувате да слушнете дека „литургијата е споделување на радоста на својата свесност“. Слушнете ја емисијата и неговата исповед за потребата да не биде само „јас“ туку во своето срце да направи место и за друг. Чудни се патиштата рокерски а Цане, божемепрости, е одличен.

Иако по сите новогодишни и божиќни софри сега е идеално време за совети за слабеење и режими за губење килограми, да не губиме време со празни муабети туку да фатиме друг пат. Како дома да правиме подобри јадења, кои вештини да ги вежбаме, што е суштински за една гозба.... На мени имаме шест светски готвачи.

„И ИСИС да отвори стриминг платформа, ќе се заинтересирате,“ му порача Џервеис на лицемерниот Холивуд на доделувањето на 77 Златни глобуси, замолувајќи ги присутните да не држат политички и освестени говори кога веќе работат за компании како Епл и Амазон. „Вие не сте во позиција да ѝ попувате на јавноста за ништо а повеќето од вас имаат поминато во школо помалку од Грета Тунберг, така што, ако добиете награда, дојдете, подигнете ја и одјебете.“

Како што се намалува веројатноста дека некогаш во блиска или далечна иднина ќе видиме снег, вреди да се има потсетник дека тоа снегот не е така безазлен како што изгледа, посебно ако си тазе татко.

Грозно забавно е деновиве околу новогодишната свирка на Дино Мерлин во Скопје. Некои кои никогаш не го ни слушале ни мирисале, деновиве го тетовираат на своите социјални акаунти, споделувајќи стихови од негови песни. И обратно, некои кои неговата музика баш ги цима, го ругаат затоа што беше донесен од другата банда. Најпоштени беа илјадниците кои отидоа на плоштад заради Дино Мерлин и илјадниците кои не отидоа на плоштад заради Дино Мерлин. А поштено е и ние да се потсетиме на некои наши стари љубови.    

Oд цивилизацијата која пред повеќе од два милениума го измисли огнометот, денес, на почетокот на 2020 година, добиваме увид во тоа што е следно во прославувањата со илуминации на небото. Дронови. Кога ли ќе стигнат на раскрсницата кај Мавровка?

Ревизија на годинава (од американска перспектива), сите работи што ги мина планетава и сите работи што ги заборави планетава, и на крај малку позитива како маја за следната година.

Убавината знае најсилно да блесне баш онаму кај што најмалку ѝ е место и баш онаму кај што најмалку ја очекуваш. Како кокиче сред депонија, како Велвет Андерграунд после Карлеуша, така и оваа убавина на чија милост ве препуштаме се раѓа во една скромна трпезарија, со русвај астал и разголени и запуштени мажјаци. Отворете си ги душите, за арно, за убаво е.

Почекајте на ред да дојде тарабуката и другите инструменти па ќе ви стане јасно дека ако Бетовен вака го свиреше овој свој сентиш во а-мол, веројатно пак ќе си умреше глув ама бар со пари на чело.

Во желба да биде интерактивен со публиката за своите штосови околу заебаните семејства, стендап комичар инсистира една девојка да му каже што па толку не чини во нејзината фамилија, сигурен дека што и да е тоа, ќе успее да го сврти на мајтап. А не.