Ако времето може да глуми велигденски температури на Нова година, и ние можеме да глумиме дека е неопходно да споделиме упатство за чистење снег од кола, не толку заради упатството колку што е заради водителот, очигледно гневен на сè што видел на улица дента кога одел на работа.

Ако сте фанови на Цане и Партибрејкерс, ќе помислите дека е ова некоја нова нивна песна. Ако пак сте фанови на Цеца, насловот ќе ви звучи познато. Тука сме. Песната од Цеца, отсвирена во стилот на Партибрејкерс! За инает на оние надмени верглачи кои се убедени дека со самото тоа што не можат да поднесат ништо од Цеца, ја демонстрираат својата естетска супериорност. Ете затоа обожаваме вакви бласфемии.

Македонска музика, отсвирена во предградие на Лос Анџелес за еден црногорски фестивал, од еден српски гитарист и виолинистка порасната во Сан Франциско. Мирослав Тадиќ и Ивет Холцварт. Саат време опасни прекраснотии.

Како растеле и опаѓале 15 најголеми европски градови во нашата ера, од прва до последна година. Истанбул има јак финиш. На почетокот на првиот и на вториот милениум, ќе видите и македонско знаме, за Филипи (кај Тасос) и за Охрид (кај Пустец). Во третиов милениум веќе ни е досадно да се тркаме.

По 16 години редовен натпревар за што е можно понов смартон, Мат Давела сега нашол нешто поважно од најновата камера / екран / процесор, а тоа е личен мир и спокој, па ќе се проба еден месец да користи мобилен телефон, кој е само мобилен телефон. Ако не ви се преземаат вака радикални мерки, може за почеток да пробате со гасење на нотификациите од сите социјални мрежи и месинџери (ко да криете швалер/ка) или телефонот да го земате во рака сам во одредени термини во текот на денот. Што и да е, само пробајте.

„Ако сакавме да го убиеме, ќе го убиевме,“ ќе рече Владимир Путин во врска со за малку фаталното августовско патување на опозиционерот Алексј Навални од кое едвај извлече жива глава.

Го имавме веќе во пар наврати ама фино го нагазил „жанрот“ и тера јако. Овојпат, како музичка придружба на тантрум на некој таксист. Беспрекорно!

Иако на снимката преовладува масовно присутниот вид на „Инстаграм дечко“, таа успева да забележи и неколку примерока на досега притаениот вид на „Инстаграм девојка“ која посветено го фотографира својот партнер во неговиот пат кон инфлуенсерска слава.

После ова, кога ќе ја слушнете фамозната  музичка тема од филмовите со тајниот агент на кралицата, ќе ви дојде да си ставите црвена точка меѓу веѓи и да запалите некоја миризлива свеќа. Којзнае како би звучела „Розо моја црвена“ преработена за Џек Ричер.

10.0000 луѓе ја пеат Бетовеновата 9-та симфонија! Боли ова и малку тера на плачење, колку е моќно а невозможно, и од технички (фазни разлики и сл) и од сите други причини. Па кај нас Дац и Александар не можат вака да се синкаат. 10К Јапонци, на бран на моќната Деветка од Бетовен. Најсилната германско- јапонска коалиција уште од времето на... знаете кога.

Вакви работи душа дале да се извртуваат и со нив да се манипулира на ангро, ама па, денес со сè може да се манипулира а ова си е легитимна наука и нема што да се снебиваме.

Го снимиле (аудио) Том Круз како им се дере и мајки-шајки на работниците од екипата на „Невозможна можна мисија 7“ заради недоследно почитување на ковид протоколи. Ама да чуете вие дерење! Цела сајентолошка обука за смиреност и самоконтрола отиде доврага.

Добредојдена е и нè весели секоја функционална и апликативна вредност на нашите браќа од истокот која нема да се сведе на дрвење, плач или стрвост по Македонија. Што би фалело на еден ваков бугарски апдејт во автомобилската индустрија? Па нека си бидат с'шт народ, во многу коли.

„Fuck the Pain Away“ е песна од Пичис (Мерил Нискер, се вклучува во снимката), А Дејв Грол и Грег Курстин ја преработуваат во чест на Ханука, во серијал во кој преработуваат еврејски артисти. Супер песничка од пред 20 години, супер преработка.

Почнаа празничните лудории, време кога некои луѓе добиваат еуфорично чувство дека само еднаш се живее, а еволуцијата баш тогаш прави редовно прочистување на списокот па решава да не им се меша во еуфоријата.

Кажете дека се имаме разлигавено и дека сме станале кринџ, ама и ние сме луѓе и не можеме секогаш да одолееме на таа магична божиќна и новогодишна атмосфера, време за најблиските, време за нивно радување со подароци кои ќе им ги топлат срцата цела година.

Натпревар во прецизно синхронизирано одење, и нормално дека се оддржува во Јапонија, и не е ништо ново, бидејќи ова го прават уште од 1966.

Во Сан Фернандо во ЛА, Универзал има комплекс од филмски и телевизиси студија, отворен уште во 1915 година а денес распослан на 1.600 квадратни километри, со 30 звучни сцени и 156 одделни структури. Па уште го имаме Стивен Спилберг за водич.

Сега кога буџите од Фајзер, Модерна и другите тријат раце и ги планираат своите нови јахти и љубовници, да се потсетиме на една друга вакцина и на еден поинаков човек кој, прашан кој ја поседува неговата вакцина, одговори: „Луѓето. Нема патент. Можете ли да го патентирате Сонцето?“

После Елон Маск, и комичарот Рон Вајтс веројатно реши да собере партали од Калифорнија и да се врати во родниот Тексас. Добро, не баш партали. Местото на Беверли Хилс го купил пред 10 години за 1,5 милиони долари, сега овој огромен и троа кичест мавзолеј го продава (крајно шармантно) за 7 милиони. Никому не му треба волкава куќа. Никому. Особено не денес на Вајт кој пред некое време побара да престане да плаќа алиментација на бивашата (25.000 долари месечно) зашто пандемијата му ги уништила приходите. 

Можеби Американците останаа предолго во Авганистан, можеби цела таа нивна мисија беше контроверзна, тешко оправдлива, скапа во пари и прескапа во човечки животи, но, „након свих ових година“, може да се каже дека Американците успеаја да ги освојат „срцата и умовите“ на локалното население. Еве, погледајте.

Доколку девојка искрено и без никакви калкуланства зборува за нејзиниот однос кон дечковци, човек може да помисли, блазе си му на оној што е со неа. Само што, не. Ич не.

91 годишен Англичанец закажал вакцинирање за ковид ама го утнал терминот и не е задоволен ни со добиениот ручек ни со утката. „Нема поента сега да умрам кога веќе толку сум поживеал, нели?“ со право прашува овој убав Кит Ричардс.  

Откако на последното чистење крокодили ни излегоа од под копчињата, по ново тастатурата ја чистиме со огнофрлач. Меѓутоа, видиш, имало и луѓе кои редовно си ги пазат тастатурите.