Компилација од блиц поенти на Том Веитс на разни ток шоуа, главно како 'млад и надежен', кога од него се очекувало да каже нешто „луцидно“ (па од што му е незгодно, се препичува ко секој копиљ). Откако ни остави тон добра музика, денес не мора да каже ништо. Тоа е победата.

Девојката запознава дечко за кој наивно ќе поверува дека е идеалниот партнер за неа. Но, набргу открива нешто страшно за него. Дечкото не е манијак или психопат. Ова е уште пострашно.

Многу помпа се крена околу тој филм па јасно е зошто емоциите се толку засилени.

Како што објаснува Џим Џефрис: "Во Амстердам можеш да пушиш марихауна додека имаш секс со проститука пред полицацец... и стварно мислите дека сте во конкуренција со Холандија?" Објаснува и друго.

Да не звучи како предизвик, ама може нема нешто поглупо што може да ти се случи како на помал брат. Што е толку глупо? Малиот голтнал свирче, големиов го малтретира со телефонот.

Сè се ова мали генијалности. И сè е јасно како се прави. И ништо од тоа никогаш нема да прифатите. Ќе си диплите како што ве научила мама.

Си открил за што е талентиран и го навежбал тоа до перфекција. Само, како се трпи самиот себе?

Клипот ги содржи сите елементи што го сочинуваат животот: желба, препреки, борба, чувство на заглавеност, решеност, очај, безизлез, истрајност... И не сме сигурни дали ваквиот крај е хепиенд.

Американец бил во туристичка посета на Европа и направил монтажа со своите најсуштински реакции на она што го видел.

Луѓево чекале 90 минути за да го видат легендарниот „Летечкиот Холанѓанин“, британскиот воз на парен погон кој сообраќал меѓу 1849 и 1892 година. И ене го, легендарен, бавен таман за да го видиш убаво...

Уште еден фин момент од паузите на снимањето на Игра на тронови. Пар познати ликови од серијата фаќаат една од раните песни на Том Вејтс, I Hope I Don't Fall In Love With You. Па преубаво.

Најстарата родителска финта на светот сè уште функционира беспрекорно.

Видеото е поставено како виц: Влегува Џери Луис кај Летерман... и го фрлаш цело сценарио, седиш и гледаш што ќе им дојде.

Клегejн и Тормунд како потврда на изреката “Душата е шатка, сака и да плива и да лета“. Во нивниов случај, не можеш нон-стоп да си страв и трепет, да јаваш коњи врани и да сечеш глави наоколу. Ајде јунаци, песна!

Само сменете Америка и Канада со Србија и Македонија и многу работи во ова видео ќе добијат смисла.

Неколку отракани жени во бурки се зезаат со стереотипите за нивниот изглед со кои секојдневно се среќаваат. На пример кога некој ќе ги праша: „А што тоа криеш?“, а неа ѝ доаѓа да одговори: „Експлозив“.

Едно фино ниво на пијанство е, да речеме, кога нема да влезеш на утакмица на Сан Сиро пошто ти увалиле фалц карта, па се олешиш заради тоа па таков размонтиран влезеш во миланско такси и на шоферот му кажеш: „Вози до Драмски“. Ова нема везе со тоа, ама за слични промили се работи.

Сопругата на комичарот Том Сегура, во програма му објаснува на нејзиното животно од маж кога нивните, некогаш романтични заеднички туширања, станале неподносливи за неа. Џабе ќе фаќате страна, треба да ви е јасно дека машкото и женското се две непомирливи „школи“ на туширање.

Американска двојка со години поседува автентично парче од Берлинскиот ѕид и цело време ги чеша колкаво богатство можат да заработат од ова парче историја. Одат кај човек кој откупува историски сувенири и брзо им паѓа камен од срце. Ама им паѓа на нога. Типот им вика дека такви работи како нивното, на интернет се продаваат за 3-4 долари. Не дека замлати како овие нема и кај нас.

Не само фаците туку и сите потези со нончаки од легендарната сцена од филмот Game of Death (во оригинал, ко што сме го гледале во кино: Игра смрти). Ако малиот го кине Брус на оваа возраст, кога ќе порасне, што?

84 годишен дедо во шопинг мол храбро запира крадец (пушта нога и го сопнува). И веднаш потоа и подоцна во болница, најголем проблем на дедото е - бабата. Пазете колку малку ѝ треба за да му се развика (да погаѓаме: дека е себичен, дека не мисли на неа, дека што ќе прави она сама со реумата, дека една пензија не стигнува...)

Насловот кој го гледате е она што во себе си го викаат луѓето кои ќе ги видите.

Десетмина се на стартот, трчаат на 100 метри за две екипи, секој е на својата патека. И сè е нормално, освен што овде победува оној кој трката ќе ја заврши на петтото место. Како тоа функционира? Маалски тагови: на сец, цапање.

Краток клип кој може да послужи како попис за трите елементи кои треба да ги поседува секоја жена за да ја заслужи таа титула. Количка за пазарување, возење во јавен превоз и водење сметка во секој момент да се изгледа средено. И не се вадете, ако немате количка, можете да имате барем брич.