Единствената разлика меѓу македонски и политичар од Конго е што на сечење лента наш фрла три лопати земја, а нивен плука три голтки пиво (нема теорија Шилегов да го прифати овој адет). Инаку, важноста на инфраструктурниот објект кој се пушта во употреба, горе-долу иста.

Видеото нема никаква врска со песната на Јосипа Лисац, ама ете, баш тоа ни текна кога го видовме овој тачдаун. Кратко и јасно.

Историско - библиско наравоучение: Исус настрада распнат на крст само затоа што во публика не се најде некој поштен човек со кацига. 

Човекот покажува дека има ненадјебива техника во борба со замислен противник. Таа го остава да се доискаже за на крај да му покаже дека стапот некогаш има само еден крај.

Најнебитната тема на светот може да биде супер сценарио за скеч ако имате режисер на SNL и актер како Рајан Гослинг. 

Така работи вистински верник. Пред почетокот на разботната задача, се прекрстува и се помолува Господ да му даде сила. Ако силата не е доволна, ќе се најде некоја цигла.

Од сите работи од кои очекуваш дека ќе се разочараш од својата внука, не си ни сонувала дека тоа ќе биде затоа што нема претстава што е фиксен телефон со кабел, а уште помалку има поим како да го користи.

Размисли колку најдолго твоите те шебале за една работа, па може ќе сфатиш како на крај се чувствува девојчево. Треба да реши една загатка, и на прва многу е веројатно и ти дека ќе ја решиш како нејзе.

Една скината сцена од серијата (продуцентите веројатно процениле дека со хуморот се претера), колку да се потсетиме колку мазно функционираат тие ликови.

Само, за среќа, не се сите толку набилдани како него, па да се малтретираат вака луѓе, во име на некоја 'праведна' кауза по свој избор. Инаку, уште одма би, ич не сумњаме во човештвото.

Деновиве на ТВ случајно налетавме на точка на македонски стенд-ап комичар. Една од 'финтите' беше дека е полесно да си глумица отколку глумец. Ок, зошто ? Кога глумица ќе му мрднелa со газот на режисер, ќе заврши работа, ако глумец го направел тоа, ќе испадне педер. Оф. Затоа, малку од малку, да залечиме рани.

Во „Сенки“ на Манчевски има една сцена во која жената од купатило му довикнува на сопругот во спална да изгаси светло, за да не ја види без шминка. Ние досега мислевме дека е тоа уметничко претерување.

Како едно големо тркалезно колаче да помине низ помал квадрат иселчен во хартијата.  Чичкото е фин па објаснува, во спротивно ќе зјаевме ко телиња па ќе заборавевме на тоа. 

Во својот „Street View“ Гугл документираше единаесет паркови на Дизниленд и секој може да си одбере своја виртуелна тура низ тематските паркови и атракциите. Земајте тоа децата и покажете им дека интернет не се само Јутјубери.

Нашиот се фати за Оди ѕвездо на Наум Петрески, овој за Енџелс на Роби Вилијамс. Само што нивниот си дозволи  прилично слободна реинтерпетација на текстот.  Којзнае како би звучела нашата со вакa порноизиран текст?

Дечко решава да сними реакции на луѓе кога ќе лажира дека е позната фаца. Да изгубиш верба во човештвото.

Мечево си спомнува дека неговата учителка му викала дека со такво однесување нема да стигне далеку и дека најверојатно ќе заврши како градежен работник. Хехе.

Патот на еден постар господин попречен од најужасното нешто што го видел во својот живот - ескалатор!

Бевме на лекар и требаше да ме боцнат и јас се исплашив ама маж ми ме смири. Само после ме болеше глава. #СегаКажувам #TaniTegoj

Главно е точно дека упорноста се исплати. Освен во некои случаи како што е овој: кога пробуваш да облечеш долна тренерка на погрешната половина од телото.

Дали твојата поубава половина сака да биде витка, стегната и секогаш во форма? Патем, дали таа сака сè да е чисто и педантно? Тестирајте ја нејзината искреност со овој подарок. 

Кога на нормален возрасен човек ќе му донесат на муабет куп симпатични дечиња, тоа секогаш е забавно. Кога такви ќе му ги донесат на човек кој е терсене, кавгаџија и намќор како Лиам, резултатот е уште позабавен. Многу јасно им објасни на клинците како се станува рок ѕвезда и не пропушти да го закуца Ноел, братот со кого нејќат да се видат.

Откако внесе компјутер во секој дом низ светот, па се запна и ја порази маларијата, сега Гејтс треба да се соочи со еден од своите најголеми предизвици - да погоди цени на пет секојдневни производи од супер-маркет.

Ќерка решила да му покажува фори од интернет на татко си. Човеков само што го апдејтуваше „не е од вчера татко ти“ во „мислиш јас не гледам интернет“.