За тие што заборавиле како изгледа расправа на студенски прашања пред јунска сесија, ако им дојдеш на теткиците надвор од "приемниот термин."

Клип со кој би можеле да се мачат затвореници во Гвантанамо. Иако почнува да се гуши, цивка и запомага, немаме баш добри вести за вас. Сте гледале Звезде Гранда, па и сами знаете дека таа ќе преживее. За вас не сме сигурни.

Будалата некој ден ќе нè дигне сите во воздух ама барем нема да можеме да се вадиме дека не ни било јасно. Пазете го овде, на новинари им вика дека добил писмо од Ким Јонг Ун, кое било “фино“ и „интересно“ писмо. Осум минути подоцна, им признава дека уште го нема отворено.

Лекција: Како да реагирате ако некој ве нападне со нож.

Без разлика кој/а си и што имаш направено во животот, сепак од новите луѓе во твојот живот треба да очекуваш да покажат минимално човеково достоинство и да имаат Фејсбук или барем Инстаграм, или нешто од нешто на интернет. Дилемата е, ако нема ништо од ова како воопшто можеш да му веруваш на таков човек дека постои.

Сладоледџија зафркава мало дебелко дете со оние финти, те ќе му го земе корнетот, те ќе му го врати. ама празен. И малиов гледа, гледа, трпи, трпи, и едно време си вика: Јас од овде гладен не си одам!

Дај да видиме како освртот на кралската свадба беше направен без да се спомне расизам и слични сегменти, и наместо тоа да се вози на чистокрвно британско нетрпение кон кралското семејство.

Имаше еден виц за цреп дрвосеча кој сфатил дека е послаб од колегите само затоа што за разлика од него, овие ја палеле пилата. Ама овој е екстра цреп. Дури и кога му ја запалија машинката, продолжи да мава.

„Кога би било коцкасто и кога не би се тркалало...“ Отприлика во истите рамки и денес се движат сите обиди за воведување на нешто ново. Милион забелешки и уште толку мрчатори.

Џими Кимел решава на улица да ја тестира веста од пред некој ден дека децата не знаат да гледаат на часовник со стрелки затоа што сè околу нив е со дигитални часовници, па не им ни дошло да се потрудат да ја совладаат логиката околу стрелките.

Исповед на Кевин Смит кај Колбер за тоа како доживеал срцев удар. Со најмашка реакција на свет: преживуваш масивен инфаркт, те носат во болница а таму те фаќа срам и едно незгодно што треба да се соблечеш пред непознати луѓе.

Мета-предавање за сите оние предавања кога човек  оддава впечаток дека господари со темата, тотално знае што зборува, па ќе пушти слајд, па ќе направи мала шала.... Дечково ептен, ама ептен добро, ги скинал сите цаки (сосе пиењето вода и погледнување во часовник) на таквите мотивациони говоранции. Многу корисно и пресмешно.

Сè тоа со бременост и дете и слично е убаво, само веројатно убавото се намалува кога жена ти по 4-ти пат ќе ти остави во кујна позитивен тест за бременост. И тоа не само што се намалува, туку се претвора во комплетна паника и избезуменост, а помош ти нема. Има блицови надеж, ама ништо повеќе од тоа.

Дечкото решил да испече кременадла и тоа да го пренесува во живо на интернет. И почнуваат да му мрчат: ја препекол, ја исушил.... А тој гори побрзо од кременадлата.

Малку промена од оние наши пејачки работници кои досега имаат песни комада еден, на утринска емисија ја навуваат песната број два а за соработниците со кои ја правеле, мртви-озбилни викаат: „Екипата која победува не се менува!“ И уште ќе речат дека не сакаат да откриваат сè, колку сите нас да нè убие огромна неизвесност. Ете, Битлси беа малку поинакви: отворени, луцидни, забавни, заебантски расположени и авто-иронични. Ама што знаеле тие...  

Тотални генијалци се овие од Bad Lip Reading. Тотални. Го имаат исчашено испрашувањето на Закерберг толку добро, да ти е криво што светов не е таков каков што може да биде.

Веќе оштетена од алкохол, цурава решава дека на неа и другарките им треба уште по една тура. Па нарачува четири самбуки (италијанска мастика/узо). Статива.

Многу луѓе од многу земји откриваат како препознаваат нивен сонародник во интернационални друштва. Спојлер: нас нè нема. Штета, а баш не занимаше што би можело да биде.

Кинези тестираат систем кој треба да ги научи пешаците да поминуваат на семафор. Штом некој тргне на црвено, го шприца со вода. Хмм. Кај нас одма ќе извадат муабет дека тие ступчињата пуштаат кемтреилс.

Дечкото даде сè од себе да ни објасни како тоа се прави. А ние дадовме сè од себе да го разбереме. И ете нè, него и нас, после видеото, пак секој по својот пат.

Видеата направени се исклучиво за Јутјуб каналот на Харт, и правени се со цела сила на серија со која би се гордеела која било водечка американска телевизија.

Пар стари Абориџини ја откриваат бојата за коса и решаваат да се направат плавуши. Ништо нема да разберете, освен дека тоа се луѓе кои знаат да се зезаат и да се радуваат. Камо среќа ние да бевме такви.

Ентузијазам, неуспех, пад, шокираност, упорност и само упорност, повторно неуспех, помиреност со неуспехот, најискрена радост што целата работа заврши (без жртви). Сакаме да кажеме - девојка прв пат се качува на лизгалки.

Еден единствен звук, непријатен но крајно субверзивен, може да ја уништи сериозноста на религиозните прововеди поефикасно од цела ренесанса оставштина. Чујте како богохулно добро тоа звучи.