Го снимиле (аудио) Том Круз како им се дере и мајки-шајки на работниците од екипата на „Невозможна можна мисија 7“ заради недоследно почитување на ковид протоколи. Ама да чуете вие дерење! Цела сајентолошка обука за смиреност и самоконтрола отиде доврага.

Почнаа празничните лудории, време кога некои луѓе добиваат еуфорично чувство дека само еднаш се живее, а еволуцијата баш тогаш прави редовно прочистување на списокот па решава да не им се меша во еуфоријата.

Во Сан Фернандо во ЛА, Универзал има комплекс од филмски и телевизиси студија, отворен уште во 1915 година а денес распослан на 1.600 квадратни километри, со 30 звучни сцени и 156 одделни структури. Па уште го имаме Стивен Спилберг за водич.

Доколку девојка искрено и без никакви калкуланства зборува за нејзиниот однос кон дечковци, човек може да помисли, блазе си му на оној што е со неа. Само што, не. Ич не.

91 годишен Англичанец закажал вакцинирање за ковид ама го утнал терминот и не е задоволен ни со добиениот ручек ни со утката. „Нема поента сега да умрам кога веќе толку сум поживеал, нели?“ со право прашува овој убав Кит Ричардс.  

Постојат кражби како оние што сме ги гледале во филмовите со Оушеновите 11, 12, 13.... Заебани, комплицирани, разработени до детал. А постојат и вакви.

Наспроти гласините дека Русија е технолошки  назадна земја, прошетка низ една фарма во која рмбаат роботи на државен андроид, произведуваат млечни производи и фрактални краставици, наместо гулаби чуваат дронови а нужникот им е директно поврзан со црна дупка. Плус супер сајбер фолк песничка.

Овој либерално-прогресивен хистерик не го објавивме кога се појави на интернет пошто е прелуда и пренапната. Ама сега заслужува, поради начинот на кој мајсторски е музички контекстуализирана. Хенри Ролинс и Рејџ Агеинст нè немаат волку наежено.

Мајка му учествува на оној српски уличен квиз што го даваа на некоја наша телевизија. Значи, мајка му. Таткото нема врска со ситуацијата. Ама малото сака баш тогаш, баш таму, да каже нешто баш за таткото. И после, некои родители размислувале за Меѓаши....

Прашањето гласи: Како се вика јапонската уметничка (чуј ти тоа!) која му беше сопруга на Џон Ленон? Пазете сега:

Тоа Русинот сè што треба ќе смисли и ќе спроведе за безбеден премин на автомобили преку железничка пруга. Не само рампа туку и дополнителни препреки на асфалтот, богати! И нормално, сè ќе заебе.  

Џани и Бил се здружиле и зближиле, па на Џани по телефон му кажувале која жена од забавата да ја однесе во апартман (онаа во зелениот фустан, онаа во црвениот). После една таква ноќ, доаѓа хеликоптер, се симнуваат специјалци па од тајната служба му викаат „Џани, знаеме што се случува овде, мораме да го евакуираме!“ Џани појма нема што се случува. Пали телевизор и тоа се моменти кога вториот авион удира во кулите близначки.

Сосема е нормално луѓе во карантин да почнат да зборуваат со ѕидови, цвеќиња и други предмети. Од нас побарајте помош само ако тие почнат да ви возвраќаат.

Негледливи се деновиве, со оние нивни бескрајни микро-анализи каква е изборната состојба во некое нивно Сарамзалино и Шопско рударе. И одеднаш, во програмата улетува нешто што инстант освежува. Додуша, многу кратко ама, секој почеток е тежок. Битно, на добар уреднички пат се. CNN, сакаме уште!

Кога ќе зезнеш со мерките во кујна, не треба веднаш да се откажуваш. За сè има решение. Само треба да знаеш да ѝ објасниш на жена ти како функционира „новото нормално“.

Ајде и вие преслушајте го па кажете ни што побогу кажа можниот иден претседател на САД? Па Киро вака не шмелцаше после атентатот. А овој допрва треба да го бираат.

BBC објавува стенд-ап рутина на наш дечко, Кумановац кој живее таму неколку години. И баш солиден нашиов, добри финти, шармантно ги вози итн. Само што, уште на почетокот, му крши филм на секој нормален што останал овде. Значи, браво Владиславе и јебала те Северна.   

Замислете ги ТикТок, Фејсбук и Твитер во едно видео. Ова е тоа.

Саутпарк имаа една пандемична специјалка во која се зезаа со сите можни аспекти на глобалната беља. Меѓу другото, како се регистрираат жртви од ковид.

Денес го знаеме како еден од најпочитуванитее актери на светот чиј сонорен глас е најблиску до она како го замислуваме гласот на Господ. Запознајте го кога беше Винсент, зеленчуковиот вампир. 

Добро погледнете го овој дечко кој лесно облечен рипа на јаже, за да дознаете што не видовте. 

Дечково го кине Дилан, алал вера. Со негов глас и интепретација го изведува најдосадниот текст на сите времиња: Правилата за користење на стандарден Digital User Agreement. И пак тoa звучи како лута протестна песна!

Глупо е да веруваш во сите теории на заговор ама па анблок да не веруваш баш во ниту една од нив? Стендап комичарот Рон Фанчес на оваа тема.

Оние Кинезите начисто ќе ни го искриват светот и тогаш нема да се работи само за перцепција на работите. Оди па објасни се тогаш со ѕидарот, кројачот, женската.... дали работата е добро измерена.