Дејв Шапел добро ги уловил разликите во ритамот и звучноста во начинот на кој говорат црнците и белците. И можеби затоа лошите вести главно ги кажуваат белци.

И во Париз е дозволено влегување во угостителски објект само со ковид аусвајс. Парижани одговараат со ќебиња, пријатели, храна и пијачки,на шеталиштата пред нивните омилени места за излегување.

Таа влегува дома, и таму ја чека патека послана со ружини листови, па црвена лента која ќе ја пресече со ножици подадени на послужавник... Каде ли ја води оваа среќничка таа романтична патека?

Стариот е виетнамски ветеран и држи некое Тобако во Абердин (Вашингтон). Транс персона, инаку член на градскиот совет, во дуќанот наидува на знак кој го смета за навредлив (If you are born with a dick, you're not a chick) па почнува кавгата. Видете си сами, ние тачно знаеме на кого би му викнале пиво.

Музиката одма може да влезе како саундрак за Фрозен, текстот малку потешко. Жанрот е „степ-бро/степ-сис“ со најава за мала измена во следната варијанта.

Дечкото има гледано доволно клипови со оние турски сладоледџии кои се вешти со тоа корнетите и знаат бескрајно го дриблаат муштеријата додека навистина му го дадат сладоледот, па затоа изгледа спремен на сè. Речиси на сè.

Хотел во Ливерпул на багерист кој работел за нив, требало да му исплати хонорар од 600 фунти во петок. Проверувал човекот во петок, сабота, недела, па во понеделник веќе му зоврело, се качил на багерот и им улетал низ предна врата, деконструирајќи им ја рецепцијата. Фанови на вакви потези, на GoFundMe собрале 3.000 фунти донации за праведниот багерист.

Mожеби е точно дека „ти не си ти кога си гладен“, ама што фали за момент да не си ти туку да станеш бестрашен фајтер? Се тепа и гризе!

Ќе го познаете сами, во светла кошула е и има телефон во рака. Еден од оние луѓе кои неправедно биваат игнорирани за Нобелова награда за мир.

Павел (и неговата партнерка Алиона) комплетно го збуни целокупното жири на America's Got Talent за тоа колку луѓе гледаат на сцената и како функционира човечката анатомија.

Тоа багеристите знаат да бидат невидени махери. Овој веројатно може и машна да ти врзе.

Будалата Реми Галард го имавме во 2016 ама еве го пак со нови олимписки дисциплини. Ако сте на плажа и лежите на стомак, пазете да не ве обесчести во грчко-римски стил.

Кога партиски ботови на владеачка гарнитура сакаат да покажат дека ама баш ништо не им недостасува и дека земјата конечно ја чувствуваат како своја.

Овие две хеорини на нашето време покажуваат дека и во младите девојки не згаснал борбениот дух и желбата за учење вештини кои живот значат. Во случајов, која побрзо ќе ги соблече тангите преку шорцеви и потоа - по потреба - на ист начин ќе ги врати во првобитна положба.

Џон Стјарт пушти одлична, приземјувачка спрдачина со овие гадно богатите Безос и компанија што си ги мерат со кратки и безначајни летови на работ на вселената. „А да платевте данок и да дадовте пристојна плата на аргатите во вашите фирми?“ гласат огромен број коментари.

Водителката предлага да почнат со обелоденување на наградите и Спајк Ли да ја обелодени првата која е во редот. Тој конта дека треба да ја објави првата, тоест главната награда за Златна палма. Да му направеа на Спајк Ли ваков спојлер, ќе тврдеше дека тоа е зашто е црн. И ќе направеше филм за тоа.

Збунетост, неверување, непомирување со она што се гледа, стаписаност, вџашеност, апсолутно губење на желбата за живот, особено заеднички. Сето тоа откако ја виде сопругата со нејзината нова фризура.

Лулашка наместена на самиот раб на провалија па онда е уау кога ќе отидеш напред, во тоа празното. Што може да тргне наопаку?

Горд белец дознава дека 14% е црн, а жената до него не може да се спастри од смеење каков „брат“ седи до неа. И обратна ситуација, девојка која е  сигурна дека гените ѝ се од Гана и можеби нешто од Нигерија, не баш најзадоволно дознава за своето европско потекло.

Двајца професионалци (едниот и со улично искуство) демонстрираат како се изведува овој популарен зафат во боречките спортови. Која е поуката за во реалниот живот? На пример, ако некому побарате упаљач и тој ви запали цигара, подоцна немојте истиот човек да пробате да го давите од зад грб.

Ги имаме реакциите на Роберт Де Ниро, Ал Пачино, Сопрано и Вито Корлеоне. Дечкото кој ги пренесува се вика Ал Форан.

Ненси Картрајт е е жената која му го позајмува гласот на Барт Симпсон. Со своето тело и со гласот на Барт оди во Баркли кофи-шоп за да нарача кафе.

Како ја покажа инекцијата, како да ќе ја дрмне на екс. И ја дрмна на екс! Како на архиепископ што двапати му кажуваат господин, овој му доаѓа Ваксер Ваксер на денот. После имунизацијата, виден е како со чачкалица во уста, чека ракија и варено јајце во првата биртија до пунктот.

Кога ќе видат дека камера ги снима додека прават беља (овде конкретно се корне банкомат), обично инстантно се покајуваат, веднат глава и фаќаат џенем. Не овој.