На последното гостување во подкастот на Џо Роган, Бил Бур и домаќинот имаа мала препирка околу маските. Запалија по една пура и фатија да се расправаат дали да се носат маски или не. Имаат скроз различни мислења околу тоа, ама ете, не се заклаа туку само си пуштија по неколку добри јадачки. Го анимирале тој дел од муабетот, и тоа добро.

Група избезумени Пакистанци навалиле на млади борови садници па ги корнат со таква страст, небаре со шејтанот химселф си имаат работа. Зошто? Затоа што Исламот забранувал нивно садење. Не знаевме дека Коранот е толку ботанички детален.

Рускиот кајзер решава ненадејно да застане и да посети една аптека, да види како се со цените и слично. И очекувано, одма хаос, пакао, дрога (на рецепт). Сите збунка освен една бабичка која апсолутно не ја лази мува што се случува околу неа. 

TwinsthenewTrend се близнаци од Гари, не Галичник, туку Индијана. Пуштаат рок песни кои никогаш не ги чуле и онда демек ги рецензираат. На ред им доаѓа “In the Air Tonight” од Фил Колинс. И како што таа песна се слуша главно за да се дочека катарзата со бубњевите (која - како што знае секој нормален музички манијак -  се случува на 3:41 во песната), ова видео се гледа само за да се види нивната реакција на тој момент. Се избезумија! „Брат, не сум видел некој да извади ритам во трета минута од песната, брат!“

Јасно е дека црната баба не е голем фан на жолтата раса, ама прејако е како сочно го хејта. Како да изговара реплики од филм на Квентин Тарантино.

Не е потребен Гордон Ремзи да ви каже дека повеќето работи кои ќе ги видите на ТикТок не се ставаат во уста. Ама, ако, нека каже. Се ужасна човекот како кога Ник Кејв би рецензирал песна од Мими Мерцедес.

Некои го почнуваат своето дело онаму каде што многумина го завршуваат: кога ќе ја згужваат хартијата.

Некој џихадист (по ново: „терорист кој ги злоупотребува религиозните мотиви“ - види овде) чиј говор, и по ритам и по емоција, комплетно звучи како песна на Еминем. Уште на крај да се дигнеше во воздух па сите задоволни.

Фрапантен и застрашувачки точен е овој „скеч“ кој покажува колку двата, навидум крајно спротивставени политички кампа, во суштина се согласуваат за сè.

Кога сакаш да станеш скулптор ама во твоето место има само школа за киропрактика.

Од партија во партија, од медиум во медиум, од еден скут во друг скут... Само кај нас ваквите се со (пре)долг рок на траење.

Како што никој не е пророк во своето село, така никој не е мадафака рапер во својот дом. Особено кога има ваков СС-овски управник на логорот што ти паѓа мајка.

Дечкото покажува како лесно фунционираат глупите бубњеви на глупото клавијатурче. И кога му тргна... рокенрол!

Уште не сме го тестирале методот за пукање лубеница со чачкалица ама толку пати сме прелажани од вакви финти кои само на видео изгледаат најјако на свет, што не би да се кладиме дека функционира.

Грем Нортон во своето шоу никогаш не кубури со големи и звучни имиња кои знаат да извадат јаки приказни и неочекувани таленти. Двете најдобри приказни кои сме ги чуле таму се приказни од веце. 

Да, само што онаа изрека за убавиот и упорниот, не се однесува на клецање туку на носење жмучки.

Како минува еден нејзин ден и што сè добива како реакција откако че го каже стандардното, добар ден, како сте? Не смета што е малку поднаместено сето ова, после спотови од кампања, сè е добредојдено.

Српските тоалетоиди деновиве пуштија во оптек јака вест, дека жиците во маските за ковид-19 се во функција на озлогласената 5Г мрежа. Имаме едно видео за тоа како изгледа работата во еден од тајните центри за оваа операција. Која мајка изгубила ИТ син, можеби ќе го го препознае во овој експертски хаб.

Таквите знаат со саати да си играат со деца и никогаш да не престане да им биде забавно. Некогаш знааат од нигде никаде да го изненадат детето со некој подарок и да му кажат: Трк кај мама да те види!

Ако треба некому да му опишете какво е времето и светот во кој живееме, ова е прилично репрезентативна снимка.

Компилација од млади воини за социјална правда кои даваат чесен БЛМ збор дека во иднина нема да се расправаат со оние кои викаат „Сите животи се важни“.Туку дека ќе играат тупаниците. А репрезентативна колекција на ликови. Све мој до мојега.

Може од едно-две пива на човек не му е ништо, ама пола гајба пиво стварно знае да удри човек во глава.

Веројатно во секој влез има по некој ваков или бар со потенцијал да биде ваков. Бабата малку преуреди по влезот, испокина и испофрла тоа што ѝ пречеше, полиција дојде но тоа не значи дека правдата веднаш ќе биде задоволена.

Досадно ви е, по телевизии нема што да се гледа, Нетфликс све глупи серии ви предлага во последно време? Не е до нив, до вас е. Гледајте како на овие љубопитни суштества не им е ништо досадно. Да не ја дуваме работата, ама така е.