Да беа наши полицајци, ќе излезеа од собата со заклучок: Го нема! Да беше наш новинар, прашањето ќе му беше: Господине, под душекот сте?

Девојка застанува на сред улица и обвинува двајца момци во џип дека ја следат цело време и им кажува дека ќе викне полиција доколку не ја остават на раат. Момците пак имаат алиби за своето однесување.

Катната гаража имала 7 ката. Места колку сакаш. Погледнете какво место таа одбрала.

Кога ќе ти кажат дека успешно си поминал некој предизвик а веднаш ти станува јасно дека во маало нема да те слават како што некогаш си се надевал.

Дечкото вика дека научил фотошоп само за да го прави ова: купува сликовница, скенира, дигитално го вади главниот јунак, ги враќа сликите (без главниот јунак) и потоа ја враќа книгата во книжарница. Чисто да се ремети она едно дете на кое ќе му биде купена баш таа сликовница.  

Онлајн судење кое се одвива на ЗУМ. Еден од адвокатите има ставено филтер кој очигледно не знае како да го извади. Па нема посмешно. Замислете му ја правата фаца кога се гледа како на судијата цакано му трепка со очињата!

Некогаш не е страшно кога ќе паднеш. Пострашно е кога ќе помислиш дека треба да продолжиш од истото она место од кое си паднал.

Многу важна забелешка пред гледање на видеото: тоа што дечките се во право, не значи дека се во право.

6-та (и крајна) фаза, бараш работа на која дозволуваат одење со тренерки / шорцеви во зависност од годишното време.

Ова видео од сослушување на Трамп за случајот кога тој и неговиот универзитет беа осомничени за измама, е најавено како доказ колкав е тоа лажов и неранимајко. Меѓутоа, истовремено ќе видите каков тупаџија е тоа иследникот! Некој од нас, во некој момент, сигурно би му рекол: Дај бе дечко, скини ми се скурца.

Хенфорд е една мала и безначајна месна заедница во Англија, близу аеродромот во Манчестер. Но, тоа што се мали, не е причина да не се запукаат на големо! Некој снимил каков џумбус изгледа ЗУМ состанок на нивен комитет за планирање и околина (групно имаат околу илјада години). Не ги познаваме лично, ама сигурни сме дека нивните еквиваленти од Чешиново - Облешево, за овие се - лордови! 

Комшика редовно го серела кучето во негов двор, без после да го собере даунлодираното. Камера, сирена и магафон е сè што треба за некому да му дојде памет.

Нeколку истакнати специмени на најинтелигентниот вид на планетава биваат прашани како им е склопен пасвордот. Се разбира, никој не бара од нив буквално да ја кажат лозинката, не, не... Не се тие толку глупи.

Татко цела година го снимал малото синче како пушта бебешки звуци. Па седнал и од тој материјал скоцкал песна од AC/DC.

Чак Ламб признава дека нема никакви вештини и таленти но успеал да најде „бизнис модел“ од една своја карактеристика која ретко кој човек би ја сметал за предност. Тоа што има некако мртва фаца.

Потресна ем срцепаралателна приказна која почнува така што една млада девојка во автобус му го отстапува своето место на дедо. За подоцна случајно да го види истиот дедо после интервјуто за работа. Ах, пресврти, пресврти....

За сите оние кои не само што едвај дочекаа да се отарасат од онаа лоша 2020-та година туку имаат и некое убаво чувство дека оваа, 2021-ва година, ќе биде многу, многу подобра.

Ултра шармантниот водителски пар на утринската британска емисија „This Morning“ знаат феноменално да уживаат во својата работа. Холи најавува дека ќе се разговара за вагинално подмладување а Филип само потсетува како се вика панелот.

Во Мадрид паднал снег после 61 година! Некој многу спремен за тоа, некој скроз неспремен, ама снежни лудости на сите страни. И како доказ дека не сме само ние такви, се разбира дека и таму одма се најдоа такви од снегот да направат кур.

Џејк Анџели брзо бидна најпрепознатливата фигура на оној приглуп упад во Капитол (во кој „револуционерите“ рафално пукаа селфија) и можеше да стане постер бој, ако не отвореше уста. Дечкото се смета за мултидимензионален шаман кој фаќа различни фреквенции и кому постојано му е отворено третото око. Ок е Анџели, толку од тебе.

Веројатно знаете каков звук се добива кога со малку наводенет прст благо минувате по работ на широка тенка чаша. Кога истото се прави со чаша ракија, станува комплетно јасна различната култура која ја градат овие две благородни пијачки.

Ако времето може да глуми велигденски температури на Нова година, и ние можеме да глумиме дека е неопходно да споделиме упатство за чистење снег од кола, не толку заради упатството колку што е заради водителот, очигледно гневен на сè што видел на улица дента кога одел на работа.

Го имавме веќе во пар наврати ама фино го нагазил „жанрот“ и тера јако. Овојпат, како музичка придружба на тантрум на некој таксист. Беспрекорно!

После ова, кога ќе ја слушнете фамозната  музичка тема од филмовите со тајниот агент на кралицата, ќе ви дојде да си ставите црвена точка меѓу веѓи и да запалите некоја миризлива свеќа. Којзнае како би звучела „Розо моја црвена“ преработена за Џек Ричер.