Тапанарот на Битлси, неговата сопруга Барбара Старки како и нивни другари и пријатели, се придружија на 34 земји од светот кои со порака „Peace and Love“ го прославија роденденот на Ринго Стар на седми јули. Славеникот беше во Лос Анџелес, беше кул и лабав како и секогаш (плус во тренерка) а НАСА пушти порака во вселената, да се знае.

"Hot Shots!" е американска комедија/акција од 1991 година со Чарли Шин во главната улога и режисерски потпис на Џим Абрахамс, главно пародија на Топ Ган и тролање други филмови. Во филмот, Лојд Бриџис го игра сенилниот претседател Бенсон. 30-тина година подоцна, Америка ја живее пародијата на таа пародија.

За својот дебакл во првиот дуел со Трамп, Бајден објаснуваше дека сè е во ред со него, само имал „лоша вечер“. И таман да му поверува некој, еве го на самитот на НАТО каде успеа да смогне сила да состави пристојна реченица најавувајќи го украинскиот претседател, сè до самиот крај кога Зеленски го најави како „претседателот Путин“. Добро, не е само тоа. И Камала Харис сега ја вика „потпретседателот Трамп“.

Америка: Мора веднаш да ги запреме климатските промени! Кина: Добро, ние ќе правиме евтини електрични автомобили. Америка: Не ми беше тоа муабетот, за климата ми беше. Кина: Да де, колку повеќе се возат електрични коли, толку помалку ќе се користат фосилни горива. Америка: Сега ќе ти стегнам санкции!

Хали Велч е млада, ведра и шармантна девојка од една американска недојдија од 700 жители во Тенеси, чиј одговор на прашањето „Кој потег нема утка кај мажи?“ го создаде највиралното меме последниве години (ако не го знаете, изгледа сурфате на абакус) а нејзиниот живот го сврте наглавачки. Денес таа го има заштитено „брендот“, се продаваат маици и капи со „хак ту“, има менаџер за социјални медиуми, ја дружат фаци.... А симпа, приземна девојка.

Иако е под силен вкрстен притисок да ја батали идејата за втора номинација, откако се видел со фамилијата (Хантер Бајден, ви текнува?) се уверил дека нема никаква причина за откажување па реши јавно да даде до знаење: „Останувам во трката! Сум го победил Трамп и пак ќе го победам Трамп во - 2020 година!“ Што не е јасно?

Ако овој писмен тест е навистина (само) по англиски, кец не му гине. Ама ако се оценува луцидност, досетливост, смисла за хумор, тролање и шегачење, тогаш е чиста петка.  Еве нека биде и четворка, заради ругање на наставникот дека е свиња. Ама, главно петка.

Колку и да е љубител на фудбалот, особено во периоди каков што е сегашниот, со европско првенствено во тек, човек не може да не ужива и да ја гушта ко ладна беванда оваа луцидна, умна, досетлива и презабавна тирада на бардот против баналноста на фудбалската игра од пред 22 години. И нема да е сам, уживаат и Јерговиќ и Станковиќ. Мандиќу, царе!

Со нејзината партнерка посакале да имаат бебе, нашле материјал од донор па таа била оплодена и родила, ама, по некое време, партнерката ѝ раскинала и ѝ рекла дека нема никаква правна обврска кон детето. Така оваа мајка-кралица (или трол) доаѓа до генијално решение: зошто даноторот на сперма не би плаќал алиментација за детето? Слушате ли вие чиј материјал има завршено по марамиња? Еден ден може да ве судат за геноцид. 

Мајкл Фалк е измислен лик (го глуми Џон Кариани) кој пред 12 години беше изваден од мајтапџиите и сатиричари The Onion. Во оваа епизода оди во затвор и интервјуира затвореник осуден за финансиски малверзации кој му го опишува животот зад решетки. Малку по малку, Фалк ја засакува репетитивноста и крутоста на дневниот ред. Многу добро промислен и изведен лик.

Оваа компилација од вонвременски цитати од Џо Заратустра Бајден ја има склопено Доналд Трамп и неговата екипа. Неколку јасни примери за тоа каков когнитивен Олимпиец се кандидира за реизбор за претседател на најголемата светска велесила а за пораките да бидат појасни, имаат и титлови, за најголемите фанови и оние другите да можат да ги вежбаат. Иако, тешко тоа оди без специјални логопетски вежби.

Лидерот на канадската опозиција наведуваше фрапантни пари (250 милиони долари) кои од државата добила некоја опскурна фирма која работи во подрум и има само 4 вработени. Му се чинеше логично една ваква приказна да ја заврши со кратенка од прашањето „What the Fuck?“. Спикерот реагираше дека тоа не е парламентарен речник па побара Полиевр да се поправи. Полиевр се поправи махерски.

На едните им е секогаш најјако, иако знаат може по два збора од песна, другите ги знаат сите песни од збор до збор и не мрдаат, третите се оние кои цел концерт го снимаат на мобилен и немаат појма како било, четвртите се музичари кои имаат дојдено за да ловат грешки и петтите се таму само за женски. Ние сме од оние кои држат пиво во рака, сè друго е опционално.

Не така одамна, оној редикул Дилан Малвени беше во Перу од каде одушевено раскажуваше дека имаш шамански сесии, видел многу лами, луѓето биле добри и пријатни.... „Жално е што човек мора да ја напушти својата земја за да се чувствува безбедно,“ порача Дилан од Перу. Најново: Перу донесе закон со кој транс- сексуалноста се класифицира како „ментално пореметување.“

Видела таа дека денес можеш да се нашминкаш (и објавиш на мрежи), да скршиш јајце (и објавиш на мрежи) или наостриш молив (и објавиш на мрежи) па слободно да се наречеш „дигитален контент креатор.“ Решава да се напие чај (и објави на мрежи!) при што дава увид во целиот процес: земаш кесичка со чај, ја сечеш, истураш и чекаш тоа да се раствори ко Цедевита. Дигитален контент креатор, него како!

Две фасцинантни приказни. Првата за извесна фатална Канаѓанка после која се пишувала најзначајната песна на животот, освен ако не се викаш Џон Белуши за кого Кети Смит била буквално фатална па го ушприцала со последниот негов микс на хероин и кокаин. Втората е за Стив МекКвин кој заради женска спасил глава од лудаците на Чарлс Менсон.

Најдобите дубари се наједноставни. На жената ова ѝ личеше ок: парите се убави (500 долари) а задачата лесна, да клапне со своите раце под и над раката на овој што ѝ го дава предизвикот. Дури и оној услов, да се прави тоа со затворени очи, звучи логично, инаку би било тоа прелесно за 500 долари. Ај сега погледнете и замислете се себеси така во дуќан. И ве здогледува некој познат.

Заедно во брак се многу децении. Неодамна, жената била дијагностицирана со рак на бели дробови и оди на хемотерапија. Го потсетуваат дека од терапијата ѝ е падната косата и жена му сега пробува перики. Се гледаат. Не се сомневаме дека чичкото е добар човек, ама, пусто машко, не додржа да не ѝ каже дека сега личи на Вили Нелсон.

Помлада и постара комшика, не се познаваат, но помладата е сигурна дека постарата живее сама и дека одамна нема излезено, па за да биде сигурна дека сè е ок, решава да ѝ напише порака на картон: „Се надевам дека сте добро, слободно да ми се обратите за БИЛО ШТО ако ви треба.“ Пораката не остана неодговорена.

Сте виделе некоја од ваквите класични сцени во популарниот цртан: Том ќе се џитне во нешто што е полно со вода и додека паѓа и додека е во воздух, Џери ќе фати ќе ја испушти водата па овој ќе тресне на суво. Цепки, освен за непоправлив физичар кој ќе реши да провери дали тоа баш така оди.

Познаваме ликови кои имаат уште побудалски фетиши од него, ама и ова не е лошо. Дечкото гледа и снима тениски мечеви. Потоа целата неколкучасовна снимка од дуелот ја крати на десетина минути, оставајќи ги само стенкањата и гласните офкања. Најјако е што за крај, самиот се части со аплаузот од публиката. Сега на Инстаграм му бараат да ги сподели снимките.

Легендарниот актер е познат и по својот анимозитет кон Доналд Трaмп. Вчера одржа прес на отворено, го прогласи Трамп за тиранин и предупреди дека ако Америка дозволи тој повторно да влезе во Белата куќа, никогаш нема да излезе од таму. Трамписти му спакуваа дипфејк видео од настанот.

Дечкото дава преглед на држави во светот кои овозможуваат да купиш нивно државјанство. И кажува во која земја колку пари треба да дадеш или инвестираш. Кога се зборува за набавка на државјанство, глупо е да не се спомне и Македонија. И дечкото ја спомнува, само со скроз погрешна информација. Некој треба да му каже дека тоа кај нас се добива и со сметка од ЕСМ.

Оваа среќна двојка ја открива формулата која нив им завршила голема работа да нема кавги, недоразбирања и натегања. Уште кога се земале, се договориле кој за какви одлуки ќе биде одговорен. Таа ќе ги носи сите мали одлуки, тој ќе ги носи сите големи одлуки. Заедно се 40 години и почекајте да ви го откријат епилогот од таквиот нивен договор.