Убитачно точен опис на различните тежини во квалификациите да се стане десничар и да се стане левичар. Првото е лесно, и да не мислиш нешто како нив, ќе научиш. Ама, ако не си доволно лево кoлку што квази-левичарот мисли дека мора да си лево, тогаш си нацист. Тие луѓе, просто, не можеш да ги задоволиш.

За жал, не постои снимка од обелоденувањето на Давид на Микеланџело или пак од откривањето на Мона Лиза на Леонардо Да Винчи. За среќа, постојат снимки од модерната уметност, во случајов, од жанрот инсталации. Напнато, храбро, бескомпромисно, ама успешно! Се придружуваме кон аплаузот. Браво, маестро!

Во емисија на Карсон, Австриецот се пува дека еден ден стоел гол пред огледало, се гледал и сфатил дека еден негов орган е многу поголем од остатокот од телото. Па решил со вежбање остатокот од телото да го доведе во големина која ќе одговара на органот кој, ете, штрчел. Чекајте, има еден поинтересен момент. 

За да се ослободите од стресот на работа, пробајте да го следите правилото за три 20-ки. Значи вака: дваесет минути работете. Потоа дваесет минути гледајте во нешто што е оддалечено 20 метри. Ако првите две дваески ви се лесни, ви останува само уште третата.

Да потсетиме на едналегендарна сцена со него, кога стигнува со службена кола и Ангела Меркел, која е таму за да го пречека, ја остава да кмиши, пошто е на телефон. Замислете му ѕвонел мајсторот и му рекол дека бојлерот не се прави, а овој фатил да му објаснува дека само термостатот треба да се смени.  Е, до толку му беше до Меркел и протоколите.

Маж и жена разговараат за тоа малку да го размрдаат својот сексуален живот, па за почеток се договараат жената да дојде во спална облечена како медицинска сестра. Како е договорено така е и испорачано, само сега оди прибери го мажот од смеење.

Кога на стартот на независна Македонија овдешниот етер беше „50 нијанси сиво“, врз него кофи бои и убавини ненадејно истури една италијанската вариететска емисија. Non e la Rai. Од 1991 до 1995 година, од две медиумски платформи на Силвио Берлускони (Медиасет и Италија 1). Њему хвала, иако тогаш првпат се прелажавме дека „шо знаеш, може еден ден и кај нас вака....“ Аха, да.

Занимлива и многу прегледна анализа на статистиките на човечкото население на Земјата. Да бевме 100 луѓе, само 11 ќе беа Европјани, 15 Афиканци, 14 Американци и дури 60 Азијати. 30 луѓе ќе ги зборуваа петте најголеми јазици (кинески, шпански, англиски, хинди и арапски) а остатокот (70 луѓе) ќе имаа на располагање 6.500 живи јазици. И уште многу интересни пресеци.

Нивните новинари во последно време одат на интервјуа решени по секоја цена да го фатат соговoрникот во тесно, но толку се фиксирани и коцкасти во тoa посакувано сценарио што ако малку ги изместиш од замислената траекторија на разговорот, им се кочи софтверот. Прво налетаа на Илон Маск а сега на Ендру Тејт. А овој па, една вилица, да не почне да збори.  

Jako тролање на најбрзо растечкото движење на прогресивниот Запад (сè ќе се направи само да не му текне на човек на битните теми). Дечкото шалта идентитети пошто му се може. Еден од омилените му е да биде Саша Петров, 45 годишна руска проститутка, кога може да го користи женското веце на работа, за што наидува на разбирање од колешките. „Саша сере ко дива свиња,“ вели една од нив. 

Постојат различни стилови на водење емисија, во зависност од жанрот и посакуваните ефкти. Може тоа да биде лежерно (Роган), а може да биде и напнато (Ефтов), да се испровоцира гостинот, па ако стане и напушти емисија - жив ќар. Генерално емисиите се сведуваат на мачење од гостинот да извлечеш одговор кој тој би го избегнал. Но, не сите се мачат до толку.   

Дилан Малвени, транс-инфлуенсерот кој финансиски го изгоре Бад Лајт со бојкотот кој им се случи откако маркетиншки го ангажираа како „фаца“, им кажал на родителите дека во последно време е романтично заинтерисан за - жени. Мораше ли бе дете цел круг да свртиш за да дојдеш до истото ? Чекајте, и затруднување е на дневен ред... Сè за внимание.

Јадачки, спуштања, клизачи, прцања, сарказам на ангро... 10 прајслес минути од гостувањето на шармантниот Чарлс Гродин (почина во 2021) кај неприкосновениот Џони Карсон (починат oд 2005). Ман-га-ши! Не се ни обидувајте да споредувате со некои од муабетите на овдешните ТВ магазини. Дури тогаш ќе ве фати туга.

Пазете ја оваа збирштина од млади прогресивци, собрани на конвенција на која се ословуваат со „другари“ . Нема на што не закенкаа. На еден му смета што луѓето шушкале меѓу себе а тоа му ја зголемува анксиозноста. Друг моли да не се мафта со знаменца, аутист бил. Трет бара да нема аплаузи за да се редуцира бучавата (наместо тоа, да мафтаат ко Констракта). Ах, златни работни акции... 

Пошто волкот го лоциравме, уште само да кажеме дека трите прасиња се Украина, ЕУ и НАТО. Во оваа верзија на басната, не издржува ни најслабата куќа (на прасето Украина), ни посилната (на ЕУ-прасето), но, за жал, не издржува ни најцврстата куќа, онаа на НАТО-прасето. За среќа, овие прасиња добиваат шанса да се засолнат кај Американецот. За среќа.

- За кого ќе гласате? - прашува турски новинар една двојка од улица. Машкото мава од прва: - За Еердоган. Таа исто мава од прва, ама мава појако.

Малку на курац ни оди ова силно морализирање наоколу во врска со новите генерации и нивното „немање компас“. Оти па Зеко и Пиже (бог да ги прости) беа прочуени филозофи од скопско. Еве ви едно видео од пред 10 години, со млади Холандези кои немале ТикТок, не сркале отрови од Пинк и Задруга... Гледајте џанам вашето дете да не биде со оние без памет. Реално, барем да не биде секој ден.

Третиот Њутнов закон отприлика гласи: „За секоја акција постои еднаква и спротивна реакција.“ Така е и во Русија, само што тоа таму функционира со одложено дејство. Имаме два расни боксери. Едниот успева со еден единствен моќен удар (ќе видите) да го ничкоса другиот, но, од силината на сопствениот удар, и самиот паѓа. По некое време.

Шансите еднаш во живот да те погоди гром се помалку од една во милион. А колку ли се шансите да те погодат два грома во рок од 15 секунди? Чекајте, не е тоа сè: колку е статистички реално да ги преживееш и двете молњи? Што сака Господ да ти каже и околу што се пишмани? И зошто после тоа да не играш лото?

Со минимална и тоа најаналогна „опрема“ во свет, еден дечко оживува една од најдобрите сцени од прекрасниот филм со глувчето со махерско непце. Онаа кога скриено во неговата капа, го управува момчето. Суперишка.

Откако ѝ рекоа дека не дечкото што седи до неа и носи маица 'што ја навредува' туку дека таа ќе мора да го напушти авионот затоа што никој не е должен да ѝ ги слуша нејзините политички навреди, дури тогаш ѝ текна дека оди на погреб на свекрвата. До неа седи нејзиниот сопруг кој изгледа скршен, што од болка за мама, што од сознанието со каков тоа олош му мина животот.

Тоа дека Јапонците се друга планета одамна имаме утврдено, како и тоа дека нивното лудило најдобро се гледа во некои екстремни ТВ шоуа или порно поджанрови (сте гледале букаке на ТВ презентерки додека читаат вести?). Ова е караоке на нивен начин. Пошто на нашите телевизии нема караоке, ама затоа има таканаречени дебатни емисии и дуели меѓу политичари и аналитичари.... ај, боље не.

Бил Мар извади јака статистика: во секоја наредна генерација, уделот нс ЛГБТ популација се дуплира. Пред 1946 година (генерацијата на Бајден), помалку од 1% Американци биле геј, меѓу бумерите ги имало 2,6%, 4,6% кај Генерацијата Икс, 10,5% меѓу миленијалците а 20,8% меѓу Генерацијата З. Ако се следи овој статистичка траекторија, во 2054 година сите ќе бидат геј.

Група канадски машки парламентарци парадираат околу маса носејќи бели и розевки розеви чевличиња (број +45)  на високи штикли, за да ја помогнеле борбата против насилството врз жените. Како одење на штикличиња помагаат во таа борба, нив да ги прашате. Ама, ако идејата ви звучи глупо, чекајте тек да ја видите реализацијата.