Бидејќи одеднаш затребаа идеи (кои не требаа кога беше време за ветувања), еве ја приказната за Шенжен, кинески град со 11 милиони жители и 3 милиони автомобили во кој за 4 години успеале да го намалат загадувањето за 50%. Нема тука волшебни кули и други магли. Има желба, упорност, памет, посветеност и искористување на енергијата на приватните иницијативи. 

За следната година само со Марвел херои нè чекаат 6 филмови, плус има роботи, има диносаоруси, Лара Крофт и уште една од новите приказни од Ѕвездени војни.

Само затоа што сме недоволно амбициозни во нашите намери за затнување на артериите, досегашните наши идеи беа: јајце или карамелизиран кромид или зелка од подварок или пржени везанки или сушен патлиџан или наместо регулар лепче да се ставан пржени лепчиња во јајца. Ама затоа има луѓе што размислуваат повеќедимензионално и вон сите рамки па доаѓаат до решенија за додатоци како - тегла топен кашкавал.

Едниот е скап часовник, Омега спидмастер, другиот е нечовечки скап часовник, Патек Филип 5170П, и најголемиот дел од речиси 20 пати поголемата цена оди на она што воопшто не се ни гледа - механизмот на часовникот.

Сè она што Џон Стујарт го исмеваше околу 24-часовните новински телевизии, денес важи за сатиричните / комични вести на неговите ученици и наследници. Критиката на Стујарт во тоа време е дека 24-часовните новински мрежи „создаваат драма и лажно чувство на алармантност“ за да го оправдаат своето постоење, и се крајно идеолошки насочени (нешто што во тоа време, најмногу се однесуваше на Фокс њуз).

Не се вади на „нема каде да се купи“, се можеш да најдеш или во оригинал или со мала и неосетлива адаптација. И што е најважно не изгледа комплицирано, а може да ти излезе спектакл од топло чоколадо, да се гордееш сам со себе.

И вие и човеков се замарате со темава, и вие и човеков цело време следите вредност на валутата и читате статии, разликата меѓу вас и него е што он има купено биткоин, ти немаш.

Пази, нема ни голотија, ни одвратности, ни ништо такво, има само зборење, очигледно во комично/сатирични цели, на крајно очигледно комично/сатирично шоу. Главниот лик во скечот го игра Џим Кери, и ако се подјебава со некој во видеото тоа се е исклучиво обвинувањата за неговото шоу дека е дискриминаторско, ама оди па објасни денес тоа.

Она што се Глобтротери со баскет, Реми Гајар со фудбал, Кен Блок со коли, тоа се дечкиве со шпил карти. И сакаат да знаете дека ништо од ова не е фејк (магнети, конци, компјутерски ефекти).

Нормално дека ќе пробаш да не биде така, ама овој пат не е важно само што си пробал/а. Она што може да ти е утеха е дека и скоро сите други ќе пројдат исто како тебе. Она што уште од сега треба да престанеш се залажуваш е дека ти си исклучокот што е дел од тоа „скоро сите“.

Ако ги тргнеш сите безвезни, небитни, насилни, идеолошки удавени, копирани и во основа сите видеа што не се од едно максимум 250 канали на платформата, Јутјуб е прилично пристоен сајт, со одлична содржина. Е, и Јутјуб сака така да се гледа (и претставува) себе си, па по тие линии е направена и ретроспективата на 2017, или Јутјуб и добрите момци и девојки.

Убава е упорност и амбициозност кај млади луѓе и сè тоа, ама има нешто и во размислување.

Нешто што крајно успешно ни се протнува сите овие години е како Холивуд почна да прави главни јунаци од најлошите примероци на луѓе во филмовите. За споредба ја имаме приказната и моралот на Рипли во Вонземјанин и Клер во Светот Јура.

Прво и поважно, тоа што нешто е во рок на траење не значи дека нема шанси да се расипе. Второ, ако храната правилно се чува рокот на траење е крајно лабав. Трето, за верување е само изгледот, бојата и миризбата на храната.

Еден специфичен руски танц од Сибир кој се вика Березка (бреза). Сите ние за да се движиме ги мрдаме нозете, ама кај момиве тоа не се гледа и впечатокот е како да се наоѓаат на подвижни платформи управувани на далечинско. Чудесии. 

Сведоштво на човек кој учествувал во одбраната на Сребреница за предлогот кој го добил од својот лидер: Вие малку да изгинете, па на сите да ни биде подобро.

Една девојка сака да ви покаже колку е лесно да се искористат некои материјали кои обично ни се за фрлање. Со стари пластични шишиња таа лепи, дури и ногарки од столче што ќе можат да издржат човечка тежина. Ах, кој ќе бара сега од тие индустриските фенови.

Едноминутно филмче за едно семејство кое мора да се скрие во засолниште. Но, сирените за опасност ги будат и себичните инстинкти за преживување. Каков тонч!

Бидејќи не се знае кому е продадена, можно е сликата на Леонардо за која беа дадени 450 милиони долари и следниве 500 години да ги помине како и последните 500, во приватни колекции, далеку од очите на јавноста. Аукциската куќа Кристи пушти интерсно филмче за тоа како му изгледа светот на Спасителот, од она што можел да го види во она кратко време додека беше јавно изложен.

За во понеделник да може како за плескавици од Пивофест да се објават бројките за тоа колку е успешен Црн петок во заработување пари, треба народ на Црн петок да се потепа за да купи нешто. Според клиповиве, народот си ја заврши својата работа.

Како за луѓе со неколку децениски стаж во пешачење или возење на улиците на Скопје речиси и да нема некое поегзотично видео од местење на совршено рамна шахта.

Ако до сега сте верувале дека во светот нема никаква потреба од постоење на напалм дозволете да го приложиме клипов како контра-аргумент - осило, ужасно масовно.

Клиентот има просто барање, сака да му се нацртаат 7 црвени линии. Ама... некои да бидат зеленкасти, некои транспарентни и сите да бидат перпендикуларни меѓу себе. Посветено на сите дизајнери што треба да разговараат со клиент.

Не, Амазон нема да доминира со секоја можна индустрија. Да, Епл уште ќе вади Ајфони. 12 топ американски ЦЕО-а (Нетфликс, Дизни, ХБО, Инстаграм...) за Ванити феир предвидуваат како ќе изгледа светот. Според ЦЕО-то на Дизни, дури и за 50 години Дизни уште ќе прави филмови од Војна на ѕвездите серијалот.