Ич да не ви биде глупо, никој не е стигнат до овие лекции, а некои не изгледаат ни како некогаш да ќе ги пројдеме.

Истори (Eastory) e Јутјуб канал на анонимен дечко од Естонија на тема историја, и тоа главно периодот околу Втората светска војна и нешто ситно од други периоди главно околу естонска историја. Меѓудругото, има и една одлична серија околу Источниот фронт и неговиот развој од 1941 до 1944.

Мајкл Шеленбергер е човек кого магазинот Тајм го има прогласено за „Херој на околината“. Во поглед на обновливите енергии, тој од верник станува скептик, затоа што земаат премногу простор. Простор на кој некој, сепак живее. Прашајте ги желките во пустините на Калифорнија или птиците кои живеат во близина на ветерници. Шеленбергер сега е за нуклеарна енергија. И ние би биле за, кога би се гарантирало дека во нуклеарките нема да заврши некој Хомер Симпсон.

Без разлика колку вие мислите дека е безмозочно што годинава Рами Малек во таа конкуреција го доби Оскарот за најдобра машка улога, луѓето што се занимаваат со монтажа се неспоредливо повеќе збеснати од тоа што Боемска рапсодија воопшто беше номинран во таа категорија, а не па што доби Оскар за истата.

Кејси Неистат е една од најголемите глобални ѕвезди на социјалните медиуми, со бројки од типот 11 милиони претплатници на Јутјуб, и стравопочит од секој еден од негова фела каде и да се појави. На кратко, Неистат одлучи да се откаже од социјалните медиуми (Твитер и Инстаграм), затоа што му е смачено од истата работа од која и вам ви е смачено само не преземате ништо околу тоа - социјалните медиуми се претворени во комплетно бесцелно губење време, кое не си ни свесен дека ти се случува. А дечкото не прави ништо радикално, туку само решава да ги избрише апликациите од својот смартфон, што е буквално еден потег пер социјална мрежа.

Ако за ништо друго не ви е мерак, Гордон Ремзи треба да се гледа за изобилието начини со кои располага за да укори и навреди човек, и како секој пат одново и искрено е изненаден од туѓи фејлови.

Општа тривија од видеото: На агенцијата што посредува и има платено над 10.000 за контактите со девојката (пример еден меил да размениш е 10 долари).
Една опсервација од страна околу целата работа:

- Тој во видеото: Девојката изгледа како Анџелина Џоли, што можеш таму да згрешиш?

- Јутјуб коментар на видеото: Ти не изгледаш како Бред Пит.

Се множат вести за тоа како роботи го заменуваат човечкиот труд како што автоматизацијата освојува сектор по сектор во индустријата. Но, луѓето не се единствените кои ќе останат без работа.

Некој автопат низ Турција, а на него човек со понов модел на Мерцедес упорно спречува една Брза помош со вклучени ротациони да го помине, директно квалификувајќи се за финалето на ѓубре на годината. Или...

Дилемата на Слејт е дали треба да гаѓаш бебе во лице со парче кашкавал? Веројатно ако имаш дома бебе и вишок парче кашкавал, одговорот сам ќе ти се каже.

Како да немаше доволно аргументи во актуелната глобална зацапаност во Бредли Купер, еве сега капак и ова.

И после ова педантно набројување на фазите на непријателствата околу Кашмир ништо нема да стане појасно ама така е со сите оние конфликти кои траат со децении. Кога Индија и Пакистан ќе ја дигнат планетава во воздух, како да ќе биде битно „кој прв почна“

Ако е нешто повеќе за почит од видеово што го направил дечково, тогаш тоа се живците потребни за создавање вакво нешто. Ќе го видите и едното и другото.

Секој може да го бира сопствениот фетиш во видеово, дали тоа ќе биде што тие што те селат соблекуваат чевли пред да ти влезат дома, дали тоа како ти го заштитуваат цел стан за да не го излупаат или тоа како ги пакуваат работите што треба да ти ги селат.

„Behind the Curve“ е документарец на Нетфликс на тема рамна Земја и рамноземјаши, и немате поим каква празнина имате во живот ако до сега не сте го гледале. Освен што има некои фантастични концепти што ќе ги чуете од рамноземјашите (не постои небо, туку тоа е џиновски дисплеј), има и нивни искрени обиди со издржани експерименти да ја докажат својата позиција, дека Земјата е навистина рамна. Ова е еден од тие експерименти.

Прволигашката табела го опфаќа периодот од 2000 до 2018, и најсурово прикажува како денешните технолошки гиганти ги сотреа сите индустрии околу себе, и како компании кои пред неполни 20 години вредеа милијарди долари денес се речиси комплетно збришани.

Не како мерка на фискални пицајзли, туку како начин за воодушевување на ремек делото од кое е составена секоја една банкнота од 100 долари, и неверојатните технологии имплементирани во неа чисто затоа што можат, а и од превентива.

Приказната многу повеќе вреди заради инсајдерското инфо што го споделува за механизмите и размислувањето на Холивуд, отколку заради тоа што е Вил Смит. Да е до него тој не би го снимил ни „Луѓе во црно“, ама добива телефонски повик од Спилберг (продуцент на Луѓе во црно) со молба „дај направи ми една услуга за ова, не го користи твојот мозок, користи го мојот“. Само заради ова Смит решава да учествува во Луѓе во црно. За Матрикс никој не му се јавува, па Смит се зафаќа да го снима Див, див Запад.

Уште една од неброените дебати околу брегзит на британските телевизии, со таа разлика што овој пат една од анти-брегзит активистките (инаку академик на Кембриџ, а и феминистка) решава на дебата да дојде топлес, за луѓе да почнат да обрнуваат внимание на она што го зборува. Жената добива поддршка.

Што ве знаеме што за Валентајн сте добиле од вашата драга. Затоа, може ќе ви притреба ова упатство.

Процедурата се одвива на мобилен и не треба ништо да закачуваш или пипаш на тротинетот, туку само да го начекаш како стои на семафор на десетина секунди. За едни ќе бидеш говедо што си му го исклучил тротинетот на некој непознат човек, за други ќе бидеш херој што си спасил од срам некој непознат човек и си го симнал од тоа смешната, бездостоинствена, направа.

Питер Богданович го смета за најголемиот во историјата на немата, црно-бела комедија. Но, дури и да ви е фаворит Чаплин ( или Станлио и Олио, што ве знаеме), каскадерските вратоломии на Китон денес не би имал храброст да ги повтори ни Џеки Чен, дури и кога би бил во дервишки транс помогнат од галантни количини ЛСД. Китон се потпирал на прецизна математика, железни нерви и кохонес, од оние најголемите. Приватно бил намќор, со проблеми со алкохолот, ама на платно тоа изгледа вака:

Три работи: Прво, Жижек има свој осврт на фејк-њуз што е и како е; второ, на РТ; трето, каде од пред некое време има сопствена емисија под наслов „Како да ги гледате вестите, со Славој Жижек“.