Нормален човек не може да се чувствува добро кога ќе види сцена како возрасен човек соборува мало дете на земја. Освен...

Обично нашето искуство е дека ништо околу Рубиковата коцка не е брзо. Нивното е поинакво. Од светското првенство во решавање Рубикова коцка. Двајцава се од Германија и се браќа. И кој да го знае дека сè ова може да биде вака тензично.

1. Платформата на Закерберг е најголемата пропагандна машинерија во историјата. 3. Да беше Хитлер жив, сега комотно ќе си бусташе постови на Фејсбук. Третата поента на Коен ќе ви ја пренесеме во оригинал бидејќи лесно се памти: „Freedom of speech is not freedom of reach“. Добри се тоа поенти само што не сме сигурни кон што водат решенијата. Закерберг да оценува кој може а кој не? Нели ќе биде тоа бетер?

Фотката од белешките на Трамп за изјавата пред новинарите ја стави во 5-та брзина меме машинеријата на интернет, и излегоа некои врвни резултати, како Рамонс и Морисеј препев на „лириксот“.

Некакви немири во Махикенг, на северозапад на Јужна Африка. Содржината на настаните не е ни толку битна бидејќи главниот настан во овој прилог е страсниот - нам ни изгледа за малолетен - репортер.

Седум луѓе што прв пат се гледаат треба да погодат кој меѓу нив е милионер. Имаат неколку рунди на елеминација и целата недоверба кон непознатите што човек може да ја има. На крај или милионерот ги собира парите, или овие другите ги делат парите.

Оние бандоглави водители од Фокс њуз кои ги паметиме по нивната некогашна агресивност, денес почнуваат да звучат како епифанија на мудроста и сталоженоста со оглед на тоа каква сè налудничавост се има пикнато под плаштот на либерализмот и новиот колективизам наречен идентитетски политики. 

7-ми ноември 1941 на Црвениот плоштад во Москва се одржува воена парада за одбележување на Болшевичката револуција од 1917. Откако го поминува Кремљ војската се упатува право на фронтот каде има директни битки со германската армија. Вчера, на истото место беше повторена парадата од 1941.

Нешто околу тоа како се навикнавме секој поголем проблем да го ставиме на пауза и да ги решаваме најмикро проблемите, најчесто со нарачки од интернет. Ако не е така, тогаш немате гајле.

Наспроти оние што на Јутјуб пробуваат на тинејџери и малку помалите да им продадат мед и млеко луксузен живот, коли од неброени пари и Ајфони од 1.000 евра, стои една идентично голема група ударнички јутјубери, јутјубери кои имаат работа. Терајќи идентично „влогирање“ како и популарните, темата на овие јутјубери е нивната секојдневна работа, пример чистење плочки и теписи со машини, одзатнување одвод на езеро или водење на сопствено хемиско чистење.

Па вонземјани да ги киднапираа сите до еден, немаше целата база да изгледа вака „замрзната во време“.

Во очигледен пример на неефикасност и колапс на државата, на холандските власти во последен момент им текнува дека треба да поправат еден дел од патната инфраструктура во Амстердам (6 автомобилски ленти, две помошни и пруга), па целата работа ја завршуваат на брзање во рок од 3 и нешто денови. И сега ние со кој образ да му го пуштиме видеово на кратерот кај нас на улица со кој заедно старееме цело ова време? Одвратни Холанѓани.

Да беше ова поштена држава, пари ќе намлатевме од рубриката „Богати и славни.“ Во Њујорк плаќаат за да се ловат возила кои непотребно работат во место. Стариов пријавил 120 случаи, добил 9.000 долари во кеш.

Процените се дека во идни 40 години на глобално ниво ќе се градат нови згради со темпо според кое светот ќе добива по еден нов Њујорк месечно. И сето тоа ќе биде направено со многу бетон, а бетон не може без цемент, а цемент не може без масовно загадување на воздухот (страшно, големо, ужасно загадување на воздух). Во просек математиката е дека од секој килограм варовник што се става во печка за да се преработи во цемент, половина оди во атмосферата како јаглерод-диоксид.

Мала компилација од родово некоректни и за денешни услови фрапантни сцени од филмови со Џемс Бонд во кои тајниот агент, освен за убивање, очигледно има дозвола и за „нехумана објектизација на жената како таква“. Чудно е како овие филмови уште не се спалени, ама, никогаш не вели никогаш.

Прво, природно-природно не постои со векови. Второ, тоа што според вас е природно, генетски не модификувано, веројатно е такво само ако спроедбата ви важи за период од последниве 50-60 години. Во споредба со оригиналот сè e ГМО, за наше добро.

Папуа Нова Гвинеја 2019-та, високо во планините на земјата племиња се уште водат племенски војни: „навечер ги прашуваме духовите дали треба да убиваме или не, кога духот ќе каже да, одиме на бојно поле“. (Во еден скорешен судир имаше 80 загинати.) Последниве една, две децении судирите ескалираат откако во нив се вмешува огненото оружје и Холивуд, преку шверцувани копии од Рамбо.

Кога не е оптоварен со масовни демонстрации, Хонг Кoнг е фасцинантен град. Изгледа како да е правен во постпродукциските лаборатории на Пиксар.

Како знаеме дека филмот е добар? Затоа што прави луѓе го мразат. Од медиуми како CNN кој оценува дека филмот е расистички и привлечен заради истиот гнев на белците кој го донел Трамп на власт, до филмската критика (во голем јаз со оценката на публиката што се случи и со шоуто на Шапел) која на Џокер му даде помала оценка од некои морализаторски кринџ феминистички срања.

Ако вам ви изгледа како 2016-та да е поблиску до Втората светска војна отколку до денес, замисли како тоа изгледа во САД. Е, со колку треба тоа да се помножи за да го добиеш впечатокот на оние што работат во Белата куќа? Наспроти сите нас е Трамп, и неговото гледиште на периодов и себе си. Ваква самодоверба треба да се конзервира.

Во детска емисија на Би Би Си, едни две збунети деца беа подучени дека не се само машко и женско туку дека постојат 100 различни џендери. Пирс Морган има проблем со тоа. Оној што ја брани листата има проблем да објасни кои се тие.

Со целата своја амбициозност со која сакаше да се бори против одвратната современа брза храна, Џејми собира група деца и им покажува како се прават „Мекнагетс“ (сосе мафтање пилешки коски и блендирање до каша), по што триумфално ги прашува „кој сепак би го јадел ова?“. Во речиси иста секунда сите копиљаци му кренаа рака.

Фино скоцкано видео во кое 100 годишници објаснуваат што правеле за да дојдат до таа возраст. Спојлер: ништо особено.

Елен ДеЏенерис била на утакмица и на трибина, пази молим те, седела до Џорџ Буш. Абе дрвја и камења, абе го предала лезбејското движење, абе свашта. Сега ѝ копаат по минатото, да не се наоѓа и некоја нејзина слика со Мао Це Тунг. Меѓу другото, ете затоа Трамп ќе добие втор мандат. Дека овие упорно се бават со глупости и дека памет не им доаѓа.