Наполнете када, ставете сода бикарбона, боракс и прашок за перење. Киснете ги пешкирите неколку часа, да видите што е кафеаво.

Направиле тродимензионален модел на SARS-CoV-2, со беспрекорна резолуција. Језиво, језиво. Изгледа како некој/нешто што стварно е спремно да покорува планети. Да ни дојдеше огромен, од небо, како што тоа бива на на филмови, ќе знаевме дека слаби ни се шансите (освен ако не ни се претставеше како услов за членство во ЕУ по што овде на билборди ќе го ставаа). Ама вака, кога знаеш дека не можеш да го видиш (илјадити дел од влакно е) а можеби го имаш во себе, е уште поморничаво.

CNN најави дека на денешната телевизиски пренесувана дебата на тема „Коронавирус: факти и стравови“, покрај доктор Санњај Гупта и други експерти на оваа тема, ќе учествува и - Грета Тунберг. „Кога имате млада, хистерична тинејџерка која бучно сака да морализира и наоколу да мафта со прст кон луѓе, кои други референци ви требаат освен тие?“ горчливо се зеза Гад Саад. 

Целта на мерките е коронавирусот да се фати на кондиција и да се истошти, односно да се дојде до просек во кој еден пациент заразува помалку од еден човек. Една од мерките преку кои се прави тоа е следење контакти (другите се тестирање и дистанцирање) и во Британија тоа вака се спроведува.

Галаксијата OJ 287 е дом на една од најголемите црни дупки кои ги знаеме. Пазете ја нејзината маса - 18 МИЛИЈАРДИ пати поголема од нашето Сонце. Околу таа мрцина гравитира една помала црна дупка со 150 милиони пати поголема маса.

Здравствените системи се апсолутно фокусирани и ангажирани само на една работа (ковид-19) а во меѓувреме се умира од ракови, инфаркти, високи притисоци и други критични болештини. Некаде (во Њујорк) работат со максимум капацитет а некаде (во Калифорнија) толку немаат работа што времето го попополнуваат со папирологија околу ковид-19.

Дали коронавирусот воопшто не е вирус туку можеби се работи за егзозоми кои постојат во телото и течноста на белите дробови, а зголемениот број може да биде предизвикан од некој надворешен фактор: отрови, стресови, инфекции и друго (внимание: се користи и забранетиот збор 5Г) .

Погледнете го видеото. Нас толку не нè снеможи непримерената бројност на полицијата (на крај се собраа 14 џандари), не толку ни нивната бруталност, тоа што непотребно го тепаа со пендреци и газеа со цокули и додека беше на земја, што го влечекаа како крпа. Комплетно нè снеможи тоа што оваа безочност беше проследена со аплаузи од балконите. Аплаузи од примерните граѓани кои ги почитуваат одредбите. Е, натаму сме тргнале.

Накратко: одлично. На популација од 43 милиони, имаат околу 50 пациенти. Не затоа што се гаталци туку зашто се паталци, па се имаат навежбано на претходните искуства. За земја и народ кој ги преживеале далеку посмртоносните вируси на Ебола и Марбург, ковидов е детска настинка. Ама и општо, Уганда ги руши оние глупи стереотипи за Африка како континент на хаосот. Алал им вера.   

Добро, не баш секој ама колку за паралела со онаа за „мислењето е како шупак - секој го има.“ Разговор со професорот од Стенфорд чие истражување прилично ги размрда карантинските политики - дека ковид инфекцијата е многу повообичаена отколку што ја мислиме. На секој човек кој здравствениот систем го знае како позитивен на коронавирус, околу него има 50 до 80 луѓе кои го имаат истиот вирус. Ако Македонија во моментов има 1.231 регистрирани, помножете со 50 или со 80.

Кој ја гледал, да си го обнови материјалот и репликите. Кој пак не ја гледал, сега е време да го фати возот. Животот може да се проживее и без гледање на оваа претстава, ама па, глупо е.

Германската канцеларка ја објаснува сензитивноста на моделот за ширење на пандемијата и пресудната важност на малите промени во стапките на репродукција. Што има Меркел да објаснува такви работи? Па, жената има докторат по квантна хемија. Ние за објаснувања го имаме Самка.

Пред некое време имавме една кинеска докторка како се спрема и облекува и облекува и облекува пред да влезе кај заразени од ковид-19. Сега имаме и една Французинка во слична позиција.

Туниската армија употреби еден од своите хеликоптери за да растера група свои граѓани кои решиле дека баш сега е моментот да играат фудбал. За среќа употребени се само перките на хеликоптерот, и ништо од оружјето на него.

Можеби и не е најпаметно на град од 16 милиони луѓе да му дадеш само два часа фора пред да му стегнеш полициски час од 48 часа.

Колку што не е јасна болеста (стари умираат, млади умираат, здрави, дебели, слаби...) толку не се јасни ни најосновните бројките од нејзе како стапката на смртност. Делумно ова е затоа што има различни параметри по кои различни држави / институции пресметуваат, делумно и затоа што не се тестира целото население па не е познат скриениот број на луѓе што го прележале вирусот „на нозе“.

Професорот е микробиолог и епидемиолог за заразни болести кој 22 години го водел Институтот за микробиологија во Мајнц. Пред едно две недели, неговото прво видео појавување поттикна глобална дебата за вирусот, целисходноста на мерките, податоците, статистиката... теми за кои дилеми имаа и луѓето од Оксфорд, професорот Јоанидис од Стенфорд и други. Вели дека ова е негово последно видео, своевидно отворено писмо до Ангела Меркел, со пет легитимни прашања за состојбата во која се најдовме. 

Откако кениската полиција не може да се разбере со локалните жители дека треба да седат внатре и да држат дистанца, властите ангажираат припадници на Масаи племето за спроведување ред по улиците. П.С. мантрата што цело време им ја повторува на насобраните додека ги тепа е „еден метар“.

Светска здравствена организација: Тестирајте, тестирајте, тестирајте.
Северна: Пресови, пресови, пресови.

Зошто на пример на ТВ наставата да не се учи само ликовно и тоа 24-часа на ден и тоа по српска програма.

Многу поштовање за стариот што си стави вино од пластична тролитарка. Да беше друг, ќе пазеше на годината, на бербата, на чашата.... Маестро, налиј си и кажи ја, онаа старата.

Уште на крајот на јануари знаеја што нè чека. Го изгубија цел февруари за во март да ги остаат медицинските лица без опрема или со погрешна опрема (хируршки маски не се по стандард на СЗО). „Ги фрлија во првите борбени редови без никакви средства да се заштитат, а после им аплаудираат,“ вели уредникот на Лансет за кој ваква неодговорност и лицемерие е национален скандал.

Во сто години од постоење на холандската цветна берза, ова им се случува првпат. Надреални сники како Холанѓаните уништуваат милиони цвеќиња за кои побрувачката нагло секна. Тури му пепел на свет на кој не му требаат цвеќиња.

Како изгледаат светските метрополи во екот на пандемијата? Снимки од дронови над Будимпешта, Вилнус, Истанбул, Рио Де Женеиро и Лисабон, Нестварно.