Пред да го погледнете списокот, а списокот е прилично застрашувачки, да знаете дека Стив-о е ок, сè ова има преживеано, и моментално води здрав живот, и за изненадување посветен е на корисни работи. П.с тоа што он стигнал да раскажува после сето тоа што го направил не значи и дека на сите им успева тоа.

Ситуацијата на клипов преведена кај нас отприлика би била: Дебар маало, без Орце Николов, и шлепер Сканија, сосе приколката позади.

Затоа што за почеток рецептот не е ни приближно таен, и целата магија на Кока-кола не е во рецептот, туку во сеприсутноста, достапноста и навиката на народ да купува Кока-кола. Зошто некој би купувал фејк Кока-кола, кога го има оригиналот за евтини пари?

Дента кога ЦИА мораше од Русија да извлече свој топ шпион откако неговиот идентитетот беше компромитиран од фушерајската администрација на Трамп, поранешна шпионка на ЦИА чиј идентитет своевремено беше загрозен од првиот помошник на Дик Чејни (подоцна помилуван од Трамп), со јако видео ја најави својата кандидадура за Конгресот. Да, таа ја вози колата, тоа е дел од обуката во ЦИА. 

Видео платформата соопшти дека отстранила преку 100.000 флегнати видеа, во согласност со новите правила за говор на омраза. Изгорени се и 17.000 канали и 500 милиони коменари на нив. Сè за ваше добро, чиста мисла и мирен сон.

Во идеален свет, или вие би го разбрале секој збор или ние би ви понудиле комплетен транскрипт од мислењето на Џејмс Шоу за македонскиот документарец Медената земја. Бидејќи овој свет таков не е, само ќе ви кажеме: му се свиѓа. 

Марвел филмовите се достигнување по повеќе сериозни основи дури и без да се земат предвид компјутерски ефекти и камери. Она што нас нè воодушевува е организацијата, поточно што некој треба на секој од овие да им каже што да прават, и сите заедно, кореографирано, да го послушаат него. За нас на пример организациски успех е да пуштиш некого во продавница по 3 работи, а да не ти се врати со една заборавена и една згрешена.

Следете го својот сон, држете со до она што навистина го сакате, чувајте ја својата страст... се дел од оние пораки кои познати лица често им ги упатуваат на штотуку завршени студенти, продавајќи им го „лажниот американски сон“ кој ќе го имаат само малкумина. Едноставно, многу работи кои постојат на пазарот се просто одвратни и се сведуваат на тоа да продаваш нешто и да правиш пари за газдите.  Оттука, оние чиј идентитет и смисла на постоењето се сведуваат на нивната работа, да не се чудат ако еден ден ќе се почувствуваат некако прегорени.

Тројца FX артисти коментираат добри и лоши страни на филмски сцени кои се работени со компјутерска графика. Се разбира, махерите имаат неверојатно чувство за детали но најфасцинантно е што нè потсетуваат на кои сè „ситници’ треба да се мисли и работи за една сцена да изгледа уверливо.

Клипот е на DuckDuckGo, интернет пребарувачот кој држи до тоа дека е посветен на штитење на приватноста и на тоа да не ги профилира корисниците за да им ги филтрира резултатите на нивните пребарувања. 

Пред три години ова му се случи на Скопје, кога за неполна минута го потопи цел град. Снимкава е од некој сличен настан и прилично e вознемирувачка без разлика колку е направена од далечина. Тоа долу е цел град, тоа горе се на прва регуларни облаци.

Мада ако јадете од тој тиква патлиџанот од супермаркети веројатно не треба ни најмалку да се потресувате околу вкус на патлиџан бидејќи одамна се имате откажано од истиот. П.с, и путер не е за во фрижидер, ама за тоа друг пат.

По зголемениот меѓународен притисок во врска со рекордниот број пожари во Амазонија и ветувањето на Болсонаро дека, ако треба, ќе биде испратена војска, тој, како да ви кажеме, го исполни ветувањето. Еуроњуз тврди дека против илјадниците пожари кои секојдневно ги голтаат шумите, бразилскиот претседател испратил - дури два авиона за гасење.

Не може една норвешка битанга да биде толку наапана и непријатна колку што двајца норвешки полицајци можат да се изнасмеат на неговото пиздење. Па уште и кога овој ја скрши пластичната чаша што му ја дале, полицаецот му вика дека ќе му донесе друга. А чисто за контраст, ќе тркнеме и до САД.

Популизмот е во пораст затоа што денешните либерали, би рекол мојата страна, бидејќи сум либерал, стaнаа комплетно неподносливи, вика Пирс Морган, и тоа кај Бен Шапиро, човекот кој безмалку му ја запечати кариерата во САД. Не можеш да водиш Оскар бидејќи пред 10 години си кажал некој виц. Па не можеш да добиеш Оскар затоа што си имал некоја мана. Либералите создадоа една празнина во која никој ништо не прави, никој на ништо не се смее, секој се плаши да нè навреди некого....

Да, го има, многу е вистински, а и не е лошо платен (со награден фонд од околу 500.000 долари). Истите овие што кај нас ги наоѓаш со врски како што некогаш требаа за Шенген виза, па после со поп вклучуваш два штекери одеднаш, во САД се натпреваруваат кој побрзо може да комплетира инсталација, и тоа се пренесува со иста жестина и фори како да е нормален спортски настан.

Кога градежник ќе каже „секој еден совет што ни го дадоа најголемите умови и најпаметните инженери и математичари, едноставно не е точен“ можеш да бидеш сигурен дека следен пат кога ќе го спомнат медиумите ќе биде со „катастрофа“ во насловот.

Ако фрлањето ориз (бомбони) на свадба е станато клише, тоа е само затоа што многу добро функционира и врши работа, а не дека луѓе не се решиле да пробаат алтернативни решенија, како комбајн на пример.

Стандардните прашања што ги имаме околу вакви дисциплини се: Како решаваш да почнеш ова да го правиш? Кои се првите чекори? И, колку треба да те боли за да кажеш доста е?

Многу важна напомена за гледање на видеото: добро е, ама ова не е рецепт за совршен бургер, ликот е комплетен идиот. Да, ок, би можело да биде добро, ама не е.

Некој ќе рече „туристичките измами се дел од искуството“, но друг ќе рече „повеќе сакам кога јас бирам на што искуство ќе ми отидат 100 евра или цел новчаник“. Ги има различни, за големи и за мали, и за различен буџет.

Денес научивме дека кога рецептот почнува со „земаш лопата и копач“ следуваат вонземски резулати. Она што го повторивме е каков дар за човештвото е турската кујна.

На кратко: застарена технологија и многу алчност на компаниите. За сето ова да остане како што е, производителите на принтери вложуваат многу во заштита на своите производи од користење генерички бои. Краен резултат на сето ова, секој пат кога ќе ти се потроши бојата поефтино е да купиш нов принтер отколку нови кертриџи.

Човекот службено се вика игумен Фотиј и од пред некое време не е дел од руската православна црква. Видеото не се препорачува на луѓе што во скоро време имаат закажно крштевка или планираат да закажат. П.С. секоја чест на воздржаноста на родителите.