Тестирањето за ковид-19 е како тенок зрак светлост во темна соба, сето она кон што не е насочена светлината не се гледа.

Прави голем ремет во идеолошкиот алгоритам на нејзините политички противници. Кендис Овенс е млада, паметна, црна и - конзервативна.

Толпа напалени активисти му се сипуваат на градоначалникот на Минеаполис и како на јавно судење во среден век му даваат да се произнесе само со да или не за нивното главно барање. А барањето гласи - нејќеме веќе полиција, точка! И овој кутар го утна очекуваниот одговор па овие го набркаа со „шејм, шејм...“ Како станаа вака глупи времињава бе?

Народни бунтови спонзорирани од Амазон, Најк, Старбакс и Ситибанк не можат да бидат народни бунтови, оценува соговорникот на Џо Роган чие објаснување на овој парадокс е дека на корпорациите им одговара да се држи главниот фокус на идентитетските политики и бескрајно да се копаат ровови по тие идентитетски линии, само за да не се сетат луѓето на основниот и клучен проблем на земјата - класниот.  

Какво време дојде, мирни црни протестанти да ги чуваат објектите од воспалени гејмери и останати снегулки кои излегле од визбите да си поиграат малку во живо.

Со тролачка нијанса на сериозност, портпаролот на кинеската министерство за надворешни работи побара да се почитуваат правата на американските малцинства, ја потсети таа земја дека страда од хронична болест на расна дискриминација и изрази загриженост за полициската бруталност. Тек сега овдешните мажоретки ќе се збунат кој пат да го фаќаат. Ем треба да се колнат во Вашингтон, ем во шарени револуции.

Еете до кај е дојдена работата, да не знае човек веќе кој е за Вардар, а кој за Работнички. 26 минути Америка, низ очите на Фокс.

Некаде во Санта Моника, вчера, девојкава паркирала, излегла од кола, и му ја земала штрафилицата на мајсторот за да му помогне додека ги штрафи таблите за заштита од претстојното дивеење. Барем така официјално требаше да заврши приказната.

Комплетно неочекувано за локаците во еден град во Минесота вечерно време на улиците во центарот начекуваат репортер белец. (Неочекувано затоа што периодов повеќе новинари настрадаа во протестите, те од демонстранти, те од полиција.) Тоа што им уште понеочекувано (и што го извади новинарот) е што тој е од БТВ, бугарската телевизија. Од 44-та немало толку уплашен Бугарин.

Ова видео е објавено на официјалниот профил на човекот кој моментално ја држи функцијата Претседател на САД, и кој најверојатно со истото ова понашање ќе успее уште 4 години да ја има истата позиција, (да повториме) Претседател на САД.

Технологијата и науката знаат да бидат нашиот најголем сојузник, само најчесто во тотално бесмислени и деструктивни намени. Еве, во Втората светска војна имале проблем што непријателот можел да ги види бродовите, па да запичи по нив. Ама некој рекол, не е проблем, ќе им правиме завеси со авиони. За ковид-19, сè што знаат да ни кажат е дека е подобро да лежиме на стомак.

Американците ја одблежаа 100-илјадитата жртва на ковид-19, и тоа ни најмалку не разубеди милиони граѓани на САД дека си имаат работа со болест која е вистински смртоносна и опасна како што ја зборуваат. Посебно не граѓани од Алабама.

Веста е за тоа какви сè мерки и протоколи има преземено Амазон за да се заштитат вработените а пакетите да врват. Веста ја имаат десетина тв станици и тоа, види чудо, иста од а до ш, затоа што - така им ја напишале и спакувале во Амазон. Инаку, се работи за проактивен ПР на фирмата во пресрет на состанокот на главните акционери кои пројавиле интерес да дознаат што е сè преземено од страна на менаџментот за да се заштити профитот во време на ковид-19. 

Снегулка од фејк левицата видела покрај патот некаков транспарент против абортусот па се возменимирала до ниво на нервен слом. „Како можете да бидете толку глупави?“ се прашува хистеричната и разлигавена слободарка на која во еден момент не ѝ текнува појака желба од тоа и самата да била абортирана (?!). Ок, има логика.

Поддршката која Џо Бајден ја доби од спикерот Неси Пелоси и убавите зборови кои таа ги упати на адреса на демократскиот коњ во претседателската трка, екипата на Трамп реши да ги дооопише со негови гафови и проблематични ставови расфрлани по медиумите последниве години. Кога за гафови некого решава да ремети некој како Трамп, јасно ви е колку јак избор овојпат имаат Американците.

Коментар на клип за одгледување пиперки од семе „тоа не е никулец од пиперка, туку е никулец од краставица“. Имавме една госпоѓа која прилично беше напред во науката околу храната и ги растури оние кратките клипови за кујнски фори, сега имаме двајца што се сериозно навлечени на градинарство.

Роб Кенеј е човек кој како дете останува без татко, не заради некој трагичен настан, туку затоа што татко му се откажува од него (и од другите браќа и сестри). Денес Роб е татко на две возрасни деца со кои се уште е во нормален контакт, и сопственик на каналот „Тато како да?“ чија главна цел е да остави практични совети за најосновни работи и вештини низ животот што секој треба да ги знае, без разлика дали татко им им ги кажал или не.

Наполнете када, ставете сода бикарбона, боракс и прашок за перење. Киснете ги пешкирите неколку часа, да видите што е кафеаво.

Направиле тродимензионален модел на SARS-CoV-2, со беспрекорна резолуција. Језиво, језиво. Изгледа како некој/нешто што стварно е спремно да покорува планети. Да ни дојдеше огромен, од небо, како што тоа бива на на филмови, ќе знаевме дека слаби ни се шансите (освен ако не ни се претставеше како услов за членство во ЕУ по што овде на билборди ќе го ставаа). Ама вака, кога знаеш дека не можеш да го видиш (илјадити дел од влакно е) а можеби го имаш во себе, е уште поморничаво.

CNN најави дека на денешната телевизиски пренесувана дебата на тема „Коронавирус: факти и стравови“, покрај доктор Санњај Гупта и други експерти на оваа тема, ќе учествува и - Грета Тунберг. „Кога имате млада, хистерична тинејџерка која бучно сака да морализира и наоколу да мафта со прст кон луѓе, кои други референци ви требаат освен тие?“ горчливо се зеза Гад Саад. 

Целта на мерките е коронавирусот да се фати на кондиција и да се истошти, односно да се дојде до просек во кој еден пациент заразува помалку од еден човек. Една од мерките преку кои се прави тоа е следење контакти (другите се тестирање и дистанцирање) и во Британија тоа вака се спроведува.

Галаксијата OJ 287 е дом на една од најголемите црни дупки кои ги знаеме. Пазете ја нејзината маса - 18 МИЛИЈАРДИ пати поголема од нашето Сонце. Околу таа мрцина гравитира една помала црна дупка со 150 милиони пати поголема маса.

Здравствените системи се апсолутно фокусирани и ангажирани само на една работа (ковид-19) а во меѓувреме се умира од ракови, инфаркти, високи притисоци и други критични болештини. Некаде (во Њујорк) работат со максимум капацитет а некаде (во Калифорнија) толку немаат работа што времето го попополнуваат со папирологија околу ковид-19.

Дали коронавирусот воопшто не е вирус туку можеби се работи за егзозоми кои постојат во телото и течноста на белите дробови, а зголемениот број може да биде предизвикан од некој надворешен фактор: отрови, стресови, инфекции и друго (внимание: се користи и забранетиот збор 5Г) .