Откако на последното чистење крокодили ни излегоа од под копчињата, по ново тастатурата ја чистиме со огнофрлач. Меѓутоа, видиш, имало и луѓе кои редовно си ги пазат тастатурите.

Некаде околу 30-та секунда од видеото нараторот кажува како главниот лик (месарот) не е утрински човек како останатите Јапонци, па сабајлечки сака некоја минута да се доспие на каучот во дневна. Пред да го каже тоа сподели и уште еден факт, месарот станува во 6 и 30 сабајле. Нема раат за Јапонциве. Плус ќе се изнагледате вонземјански напредни навики и правила според кои живеат (пример, секоја фирма плаќа ѓубре по вреќа, а една полна средно голема вреќа ѓубре чини 1,2 долари).

Венко Филипче деновиве даде јако фолирантска изјава. Министерот кој во денови со 40 мртви од ковид наоѓаше време на Фејсбук да објавува хвалоспеви за визионерството на Заев, вика дека протокол има само што не е унифициран затоа што имало разни клинички слики (?!) Тоа е како да кажеш дека во фудбалот нема унифицирани правила на игра затоа што постојат безброј фудбалски ситуации и секоја од нив бара посебен пристап.

На 25-ти ноември, жена влегува во Алди (ланец на буџет супермаркети) и прави штета од околу 130.000 долари исклучиво со кршење на шишињата алкохол што ги има на полиците во супермаркетот.

Да, парите се разликата, ама многу често кога се читаат бројките се губи осетот за тоа за колку многу пари стварно станува збор. Пример: 1 милион секунди = околу десетина дена; 1 милијарда секунди = 32 години.

Правилото е дека секој пат кога ќе видите дека во понуда има нешто „средно“ бидете сигурни дека тоа е таму само за вас, чисто за „големото“ да не ви изгледа страшно.

„Ве молам смирено продолжете со работа“ ќе им каже надзорникот на 1.200-те јапонски инженери и работници со задача во 01 часот по полноќ да сменат цел еден сегмент од метрото во Токио. Па што почнувале во 01 часот наутро, кога може пример во понеделник? Затоа што во 01 часот им е последниот воз за дента, а во 5 часот е првиот за утре дента, и треба да се готови.

Меѓу другото и затоа што мажот им ја чисти колата од снег пред зграда.

„Луѓето веќе не го ценат контекстот,“ вели актерот за денешната нелиберална патернализирачка култура во која e доволно некому да му извадат неколку збора од питај бога кој и со каква поента муабет, и тоа да заврши со негово прогонство од јавниот живот.

Еден работник во најголемиот шангајски аеродром испаднал позитивен на ковид. Што прават Кинезите? Топтан затвораат десетина илјади луѓе од аеродромот во подземните простории на објектот. Тестирање, молим лепо. За ден ипол земале 17.700 брисеви. Досега биле обработени 11.500, сите негативни.  

Во Аурора, Колорадо, дуќан отворил фамозниот калифорниски ланец за брза храна, In-N-Out Burger. Се направил ред од луѓе, па од автомобили кои направиле змија на паркингот, па не ги собирало на паркингот па почначе да се редат на автопатот. Се направил толкав ред што за бургер се чекало 12 (дванаесет!) часа. Како е, побогу, тоа - брза храна?

Многу поинаку непријатно од снимка од државна болница кај нас. Отприлика нивната изгледа како дубајски ол-инклузив ресорт, а нашата како олицетворение на зборот „тетанус“.

Западна новинарка на азербејџански политичар му ја вади стандардната „рака“ со картите за човекови права, слобода на медиумите и НВО-ата. Овој ѝ го вади Асанж. Но, тоа не е сè. Главниот блам е што BBC го објавува интервјуто без тој дел.

Маестрален! Холивуд никогаш нема да ни објасни како овој човек никогаш не беше Џокер. Ова филмче на рускиот режисер Григориј Добругин со Вилијам Дефо е продаден за 100.000 долари на една аукција за детски хуманитарни каузи. 

Сега кога прогресивците почнуваат американскаta Катица Јанева да ја тетовираат на чело ко петокрака, да потсетиме што лик е таа и што му се случува на човек кој ќе се дрзне да ја критикува. И тоа додека беше во опозиција, можете да замислите како тие орди сега ќе земат залет.

Ужасен избор, вели поранешниот грчки министер за финансии. Да бил во регуларна сојузна држава, не би гласал ни за еден од нив, да бил во некоја од решавачките свинг држави, вели дека би затворил нос и би гласал за Бајден.

Му викаат дека 85 најбогати луѓе во светот имаат колку што вкупно имаат 3,5 милијарди најсиромашни луѓе на планетава. Социопатот вика: Тоа е фантастична вест!

За време на еден „бејби шауер“ мажот доаѓа на прославата заедно со адвокат, и почнува да вади листови, документи, па на крај и видео, кое покажува дека тој не е татко на детето. И сето ова се случува пред сите најблиски, вклучително и вистинскиот татко кој е меѓу најблиските.

Едногласна прогноза на импозантна колекција од луѓе, од Ненси Пелоси до Том Хенкс, од Сандерс до Обама, кои го ставија сето свое знаење, искуство и јавен углед во нивната проценка дека Трамп сигурно ќе изгуби. Со тоа што, не е лошо да знаете дека е ова колекција од изборите во 2016 година.

Замислете да влезете во бензиска и да наидете на ова Зомби, направено гипс од којзнае која лута дрога. За да биде уште поглупо, носи дукс на кој пишува 'Dope Dealer' на што е додаденo 'H' за 'Hope'. 

Вкупно 800 километри градски улици, булевари и авении, закрчени од автомобили со луѓе кои се обидуваат да избегаат од градот пред да почне полицискиот час во 21 часот. Не бе, стока народ сме ние парижаните, професионално би рекле ботовите кои виреат во ректумите на актуелните власти.

Ух, ова оди на клизачи на едно од нашите најтемелни верувања за слободната воља. Ама па, теорискиот физичар Сабине Хосенфелдер е полна со брутално педантни логички забелешки што човек мора тоа да го слушне, па да си бара некое чаре. Или пак едноставно да ни остави коментар на нашиот Фејсбук: Глупости!

Дечки, ова е реален производ. Личен прочистувач на воздухот со вградени филтри против патогени, алергени и други загадувачи на воздухот, два вентилатора, батерија која трае 8 часа, инвертни ракавици за безгрижно чешање а и на намалување е. За само 379 долари можете да бидете факинг трендсетер, а плус додека чекате зелено на пешачки, она дечурланата ќе ве молат да ви избришат џамови.

На PCR (Polymerase chain reaction) тестовите денеска се гледа како на животна пресвртница и главен аусвајс за тоа во кој дел од логорот ќе бидете сместени. А многу лошо се интерпетира сето тоа. Ако PCR тест ви детектира присуство на коронавирус, тоа не значи дека сте болен од вирусот. Исто како што ако ви најдат покачено ниво на железо во крвта, не значи дека сте се претвориле во наковална.