Искрен муабет со еден зависник во Холивуд кој се навлекол на хероин затоа што пеинкилерите станале скапи. Бездомник е но бистар и разборит дечко. Јасно му е зошто ја загубил работата, девојката, кучето и мачето. Но дека уште не го напуштила паметта е доказ и тоа дека кога би можел да бира желба, би сакал да му се врати кучето и мачето.   

Како што на времето како кој гневен идиот во протести ја кршеше прочуената скопска семкара, така во Лос Анџелес, штом слушнат дека полиција пак некаде пукала, веднаш се ограбува Кул Кикс. Продаваат патики.

Чичкото е измислен лик зад кој стои автентичен комичар Малезиец со автентично искуство со азиска храна. Џејми Оливер од друга страна е еден од главните столбови на една од најголемите гурмански перверзии во историјата - добар британски готвач. Ако сакаш да се увериш колку Џејми и компанија не ги бива за која било храна од готвач вон островот, само покажи по дома како прават баклава или гледај италијански готвачи како реагираат на нивни рецепти за паста и слично. На исто мислење е и Чичко Роџер за рецептот на Џејми за ориз со јајце.

Кога дете на велосипед секој ден непокането ти вози по плочник пред гаража да ти имало и друго решение освен викање, полевање со вода, расправање со родител, куче и слично. И на општо изненадување и овој метод да ти функционирал без разлика што не успева да го избрка детето еднаш засекогаш.

Идиот анти-муслиман го пали Коранот во Малме. Па после неколку стотици идиоти муслимани почнуваат да палат по Малме. Тоа е денешната реална верзија на некогашната заебанција „Шведска, немири, здраво.“

Пошто се од друга планета, Јапонците имаат фетиш на работи на кои ние не помислуваме дека може да се тоа. На пример, на дињи. Додека ние ги третираме како нешто што дифолтно ни следува на лето, тие таму ги растат кakо бебиња, ги продаваат по 200 долари парче а за понекоја Мис диња знаат да одвојат и 45.000 долари. Оди на тие дињи мавни им чврга, демек да видиш дали се зрели, тој газдата има со катана да те сече.

Порно ѕвездите имаат мал проблем со она што го читаат како коментари под нивните видеа на порно платформите. Немаат проблем со„ова ќе ти правам, она ќе ти правам“ туку со фактот што никој од тие силни мажјаци не остава контакт информации. Па да се види дали стварно тоа така ќе оди.

Тревор Ноа го рецензира последниот ден на Демократската конвенција на која го одбраа Бајден за свој коњ во трката со Трамп. Пошто е анти-Трамп, Ноа не го мава Бајден за ниедна битна ствар (Украина, синот...) но, ај тоа на страна. Гледајте колку кринџ се тие нивни конвенции. Партиските ривали го воспеваат, се раскажуваат анегдоти за него, се вадат пријатели од детство, се наоѓаат деца кои Бајден ги научил да зборуваат, бабички на кои им зборел пола саат... И после Путин градел култ што се сликал гол на коњ.

Политиката не е умешност на можното туку уметност на заборавањето. Кога денес ќе видите каква импозантна политичко-културна коалиција застанува зад Џо Бајден, ќе помислите дека e најден вистинскиот Прометеј кој ќе ја донесе светлината среде Трамповиот мрак. А оно човекот пред уште пред 30 години го фаќаa дека лаже, краде, плагира и има академски просек како Катица Јанева. Уште вошки му немаaт најдено.

Нашиот драг Дик Мејџор ни ја нафрли, во меил на кој му турил сабџект: „LE LEEEEEEEEEEEEEEEE“. Ја сослушавме приказната на Џани Русо и ви тврдиме дека нема поадекватен сабџект од овој на Дик. Ја посветуваме оваа епизода на Русо на ситната боранија по Скопје и другите македонски паланки кои глуматаат јаки момци, мафијаши, заебани ликови, газди, пичкесиматерине.

„Здраво, јас сум Ариел, геј женска која ја обожава ЛГБТ културата. Ајде да зборуваме за љубов, секс, родови и нормално, за згодни женски“. Ова ѝ беше уводното претставување на денес 34 годишната Ариел Скарсела која во меѓувреме стана популарна либерана Јутјуберка. Неколку години подоцна, објавува дека напушта културолошката левица чиј „разбуден“ дел е толку неподносливо забеган што е невозможно да се има слободна мисла. Слушнете какви сè небулози виреат под тој чадор.

- Кажи ми пример за машка токсичност?
- Кога ги прекинуваат жените во зборување.
- Па ти пред малку мене ме прекинуваше.
- Тоа е друго...

- Колку филма имаме работено заедно, два, три? го прашува Стентон Дејвид Линч со кого муабетат на кауч. Овој му вади ливче со шест филма. - Па ние сме биле екипа!, се израдува актерот како што најдобро знае: мртов- ладен. Да беше во Скопје, Хари Дин Стентон ќе леташе голуби и ќе печеше ракија. И пак ќе беше цар. Пазете ги оние негови блиц одговори зад кои се крие едно огромно животно азно.

Камала Харис е сериозен кандидат за број 2 кај Демократите, како потпретседателски избор на Џо Бајден. Долги години беше јавен обвинител со железна рака и кога не се знаат деталите, човек би помислил дека нејзиното обвинителско портфолио е беспрекорно. Исто како што би помислил и за портфолиото на Вилма Рускоска, кога не би знаел дека е спремна да праќа луѓе на робија на основа на изјава на Нинџа.

Сè што треба да знаете за да ја одгледате оваа емисија на Џо Роган во која доктор Бренда Соу зборува за својата нова книга во која се аргументира дека постојат два пола е дека платформата на Џек Дорси ја третира како сензитивна содржина и предупредува за тоа. Е, толку е летнато пилето наречено Твитер.

Двајца побратими, едниот бел, другиот црн, подбраа новинарка која на белецот му настапи со глупо стереотипно прашање дали е расист. Фасцинантно е како ги гледа со телешки поглед додека ѝ држат лекција. А дента мислела дека само треба да тури доволно лак на косата па да помине уште еден регуларен новинарски ден. 

Видео од епилогот на една градба која ги прекршила прописите за крајбрежно градење. Бидејќи знаете дека кубуриме со домашни примери на оваа тема, ова е во градот Керала во Индија.

Сполај им на стујардесите што униформно кореографирано (и без трошка емоција), мафтаат со раце и елеци пред секој лет, ама ова што го кажува човеков вреди колку цела кариера нивно мафтање.

Секогаш кога можеш користи оган за да докажеш некоја поента. Не можеш да згрешиш, ем сите ќе памтат што си сакал да кажеш, а сака да каже - носете маски!

Заебанција е ама, многу реално е сето ова. Бидејќи денес медиумите не се во потрага по некаква вистина туку во потрага по снимки и моменти кои ќе ја поткрепат нивната пропагандна замисла. Која денес, ублажено, се вика наратив.

Ќе тапанат корпоративните медиуми уште некое време за БЛМ ама сè повеќе има индиции дека таа кауза сериозно е киднапирана од урбани шмизли кои имаат желба да имаат некоја револуционерна фуснота во своите снегулести биографии. Во видеото, црнец им објаснува на белите дечки од БЛМ каква беља прават со нивните срања и молотови коктели, пошто, иако се само 2% црнци на протестот, баш тие ќе го јадат калапот.  

Се враќате дома со кола и имате проблем да влезете во паркингот на вашата зграда? Чекајте да видите како тоа знае да изгледа во Сан Франциско, градот во кој просечна месечна кирија за стан од 70 квадрати е 3.629 долари.

Двајца експерти од Стенфорд реконструирале како звучел христијански хор во импозантната Црква на Пресветата Мудрост во Истанбул пред повеќе од 500 години.

Пред неколку дена Доналд Трамп рече дека неговиот ѕид - на кој досега се потрошени 11 милијарди а ќе се потрошат 26 - е најмоќната и најмасивната гранична одбрана на светот. А потоа дојде ураганот Хана.