Многу кратко, многу јасно и речиси нема човек од овие простори што нема да го закачи. По видеото сите заедно да седнеме и подлабоко да размислиме, а во најдобар случај да свртиме телефон или два.

Во Филаделфија во текот на една ноќ се случија масовни пљачки на продавници низ целиот град. Во духот на разбирањето што за нив го покажаа некои американски политичари (луѓето некогаш мораат да крадат зашто немаат пари да ги прехранат своите семејства), стотици млади битанги ноќта ги посетија Епл стор, Футлокер и други познати мензи за народна исхрана.

Американец од Вашингтон со никаква поврзаност со воена индустрија или политика во 1990-те успева попрецизно да ги предвиди постапките на Пентагон отколку кој било аналитичар. Како? Човекот е сопственик на 60 Доминос пицерии во главниот град на САД.

За да ви е јасно низ што минуваат луѓево, треба да знаете дека најевтината верзија на 15-ката Ајфон во САД е околу 800 долари, најскапата е околу 1.200 долари (кај нас неизбежно ќе биде и поскапо).

Така се почна. Со сто посто. Го имавме чуено тоа безброј пати. Потоа почнаа да доаѓаат други цифри. 98%, 96%... па 85%, 82%... па се раситни и седумдесетката, шеесетката, пеесетката... кога се дојде под 40%, па 32% па 20%.... дојде ред да се труби за бустерите. Гадови и идиоти, не само што нè лажеа за што се плати огромна цена, туку го убија секое зрно доверба за во иднина.

Нам ни е апсолутно нејасно како се разбираат со кинеско, арапско или еврејско писмо, ама замислете како им е на некои кои не се запознати со кирилица ако видат вакви примери на ракописно напишани зборови. Ќе мислат дека ги заебаваш. Примерите се на руски, иако и наши би можеле да смислиме.   

На секого може да му се случи грешка на работа, на дечково што паркира не. Возот и лимузината се на Ким Џонг Ун, паркирани на перон во Русија.

Расел Бренд е последниот од серијата јавни личности прозвани дека биле сексуални предатори и гадови. Ќе видиме како тоа ќе заврши, дали ќе наебе ко Харви Вајнстин или на крај ќе испадне невин ко Кевин Спејси (откако му ја упропастија кариерата). И Бренд и неговите фанови се сомневаат дека зад медиумскиот отстрел стојат поинакви мотиви на оние кои го фатија на нишан.

Ваквото прашање изгледа толку шокантно што веднаш се помислува дека се работи за лажна вест која ја шират антиваксери. Ама, точно е. Но, затоа тука се авторитети кои ќе објаснат дека и немало потреба од повеќе тестирања затоа што новата варијанта и онака е слична на претходната. Значи, бидете спокојни, осум глувци биле таман за да се пушти бустерот во оптек.

Накратко, науката и технологијата отидоа џенем, а ние си останавме истите, глупи и неразумни. Не сме ни приближно способни да бидеме одговорни за боговските моќи кои ги поседуваме. Според Ерик Вајнстин, работата тргна бестрага во 1953 година, кога на атолот Бикини на Тихиот океан, Американците решија да реконструираат нешто што се случува на Сонцето.

Еден ден копаш дупка во песокот на плажа, веќе следниот ден ете ти кај дупката новинари, камери и експерти кои ќе потврдат дека се работи за последица од неповторлив космички настан. „Тоа е огромен мистериозен кратер кој изгледа како да е со вонземско потекло....“

Прво сетете се на своите учителки од градинка (учителка Менка и учителка Мица, молим лепо) а потоа видете и слушнете на што игледа светогледот на една денешна учителка од градинка, од Кејп Корал во Флорида. Колку несреќно суштество, боже, боже. Па уште и на позиција да унесреќи уште којзнае колку млади души.

Минаа 22 години од неверојатната глетка кога Менхетн се рушеше пред очите на светот. Тоа беше катастрофа со продолжено дејствување затоа што покрај домашните жртви, се тргна на Авганистан за да биде ослободен од злите Талибанци (кои денес повторно се на власт). До ден-денес не е повторен тој трик, како со два авиона се рушат три згради.

1979 година. Западните медиуми/пропаганда шират муабети дека кубанскиот претседател Фидел Кастро е смртно уплашен за својот живот и не мрда никаде без заштитен панцир кој го носи под кошулата. Новинар директно го прашува за тоа. А Кастро, не одговара, Кастро покажува.

62 годишниот актер (чиј татко беше платен убиец) имаше махерски одговор на стандардно политизираните новинари кои се убедени дека светот едвај чека да слушне што еден глумец мисли за руско-украинската војна која во неговата земја се замислува како епска битка меѓу Злото и Доброто. Па, еве дозна.

Садгуру е духовен учител и јогин од Индија, англиско име на земјата што ѝ го дадоа нејзините поробувачи и колонизатори. „Кога некој окупира друг  народ, прва работа што ќе ја направат е да ти го сменат името. Ако ти дадам бесмислено име, ти за мене стануваш бесмислен човек. Бидејќи јас имам име кое значи нешто, имам традиција, имам култура... ти немаш ништо“.

Еден од најголемите политички гревови што му се припишуваат на Доналд Трамп е што ги сомничеше и не ги признаваше изборните резултати од неговиот претседателски дуел со Џо Бајден. Со такво непризнавање на легитимитетот, јелда, се рушат демократските принципи, се влева недоверба во системот... Само четири години порано, сосема друга песна се пееше. 

Сопругата на американскиот претседател, 71 годишната Џил Бајден по втор пат закачи ковид (вакцинирана, бустирана, сè по пропис). Прекрасна можност да се потсетиме како нејзиниот маж ја убедуваше неа, a попат и целата американската и светска јавноаст дека тоа не е можно.

Го фативте она со мајката што се жалеше дека ветеринар не сакал да го прегледа нејзиниот син а тој се идентификува како маче? Пишавме дека ја објавуваме исповедта со огромна надеж дека се работи за заебанција. Не бе, брате, еве панел кај Пирс Морган којшто дебатира за децата кои во школо се мислат за коњи, кучиња и мачки и притоа од околината се очекува да го почитува тоа.

Ова е посликовито и поефикасно од многу напредни дигитални алатки и финти за графичко прикажување на нештата. Најаналогна можна изложба во која се претставени реалности низ прецизни купчиња ориз, во кои еден човек е едно оривче. Да видите само колку луѓе годишно умираат од лоша вода за пиење, или илегално го минуваат Ла Манш, или ги имаат изгубено домовите во ланските поплави во Пакистан.

Американците даваат пари во Африка за агенда што тие мислат дека и е неопходна на Африка. Кина и Русија не даваат пари, даваат оружје и обука за Африканците да можат да се одбранат, што во исто време е и афиканска агенда. Ликот се вика Џошуа Мапонга и е од Зимбабве и многу му е смачено од западната добронамерност.

Наводно снимка од безбедносните сили на Габон која доаѓа од претседателската палата по воениот удар што деновиве се случи во земјата, во која беше соборен про-западниот (главно про-Француски) претседател Али Бонго Одбимба, кој беше на власт од 2009-та.

Кратка приказна за криминал со неповратни последици направен врз едно дете, благодарејќи на неговата кретен од мајка и „добронамерни“ лекари кои се сигурни дека дете на 11 години знае што е проблемот со него па го пуштаат низ болни и иреверзибилни терапии кои засекогаш ќе му го сменат животот. За по некоја година да падне пак муабет на таа тема.    

Чекајќи го интервјуто со Вучиќ (неговата драма и патетика ни се гилти плежр), да го чуеме разговорот меѓу два конзервативни тешкаши, Такер Карлсон и првиот човек на Унгарија, Виктор Орбан. Многу јасни позиции и ставови има Маџарот. Да го чуеме изворно па ќе чекаме рецензија од некои од оние псевдо-либералните бројлери, да дознаеме каде тоа Орбан е ужасен фашист.