Нам глупите никогаш не ни е јасно што може ново да се смисли на светов. Ќе не препознаете по тоа што стално прашуваме: Леле, бе, што ќе им биде следно? И после, кога ќе го извадат тоа "следно", викаме: Да беее, како не ни текна! Е па, не ни текна затоа што сме глупи. Да, имаме видео "од едно следно".

Обожавател го замолува Бил Муреј да му даде автограм. Овој го одбива, и наместо тоа се согласува да глуми во неговиот краток филм.

Неделава имаме филм за еден претседател и неговата девојка, уште еден Бонд, филм за тоа како настанал култот на Скиентологија, Големиот Гетсби и документарец за силувањата во американксата армија.

Научници од МИТ произвеле некаков лубрикант за подмачкување шишиња кој, без разлика на густината, на течностите им овозможува совршено да лизгаат. Проценка на пазарниот потенцијал на нивниот изум - 17 милијарди долари.

Документарецов е нешто како најстрашниот маалски мубает што некогаш сте го чуле. Почнува со потрага по најстрашната дрога во светот (во Колумбија), продолжува со приказни за вистински случаи, па сведоштва на луѓе, до (за малку) пробување на дрогата. А има и интересни ликови по пат. По видеово, Авганистан ќе ви изгледа како детска градинка во која нонстоп делат бајадери.

Пред легнување, запамтете си ја околината бидејќи наутро може да биде поинаква. Кинезите дигнале зграда за само 9 дена. И доцнеле 8 дена!

Црепов заебал работа, на пијано ја преварил девојка му Сара и сега сака тaa да му прости и да му се врати. Како еден кретен мисли дека се докажува љубов и каење? Така што ќе се понижи "заради неа" и ќе се измоча во гаќи пред цела улица! Ах, колку е глуп!!!!

Уметноста денес знае да биде прибежиште за разнo-разна неталентентирана фукара. Пред нас е една вонаби Марина Абрамовиќ од Lilith Performance Studio чиј "перформанс" се состои од тоа што гази со своите дебелки ноџиња по табла путер и после се лизга како прасенце. Инаку, смртно досадно. Уметност, јеби га.

Баш на меил имаме еден трол кој за себе вели дека е Бугараш па со недели не тапани дека сме биле Србомани. Па да го рчкаме малку. Џони Деп зборува српски. Јеааах, тако је бре! (друже, ние сме ти обикновени педерасти)

На сите што летово ќе се бањате во убавото Егејско море (вклучувајќи и членови на нашата редакција) ви посакуваме додека сте во вода ниту еден момент да не заборавите на оваа сцена и на ова меко другарче кое може секој час да ве голицне за нога.

11 минутен time lapse во кој е собрана 1.000 годишна историја на Европа (од 1000. до 2005.) и менувањето на политичката мапа. И секоја националистичка будала од стариот континент ќе си најде своја омилена секунда од клипот за која ќе смета дека е историски најфер. И оди после разбери се со сите. Ние? Ние најпаметни, си почекавме 10-тина минути да се појавиме.

Ова веќе има логика. Серијата е феноменална и е базирана на спектакуларна книга. Главен проблем е што приказната во книгата е толку богата и толку распрoстранета што 15 сезони не нè крпат. Затоа во ДВД-то од првата сезона се вклучени неколку дополнителни видеа кои ја објаснуваат историјата на сите "куќи," кој лик од каде доаѓа и ставот на секоја од "куќите" за главните настани во серијата. Изгледајте го, сè ќе ви стане појасно.

Како се прави благцето кое заслужува да го најде својот Марсел Пруст и новата потрага по изгубеното време. 2.000 парчиња во минута а вработените можат да изедат колку што сакаат. Паметниот менаџмент вели дека од ова нема подобра проверка на квалитетот.

Заради повредите добиени од големиот број скокови со падобран, еден ветеран од првата Заливска војна цели 15 години нема надеж дека некогаш повторно ќе може да оди.

Како во Русија ги хендлаат самоубијците кои сакаат и на друг да му направат беља? Малку брутално, ама држи вода.

Колку брзо ќе возите, решавате вие. Дали ќе живеете или не, решава физиката. Каква разлика прават 8 км/час побавно.

Светот конечно ѝ доака на една од најглупите и најчести грешки при фотографирањето: кога ве фаќаат замижани.

Документарец, 49 минути.

Видео упатство со пар радикални техники со кои може да се спречи едно силување. "Пуштете гас" е јако, патлиџанот појако, сцената со краставицата - најјако. Предупредување: само за лица доволно возрасни да нарачаат шопска.

Што ако Бетмен, Inception и Машинист се три приказни кои се преплетуваат во еден ист филм?

Ние правиме одлични time-laps-и ама и НАСА не е лоша. Пар преубави Аурора Бореалис плус грмотевици над Африка (54-та секунда). Убаво ни изгледа планетава. Од далеку.

Трипл плеј: 1) после 8 години Orbital имаат нов албум, 2) за првпат во овој регион доааѓат токму во Скопје на 26-ти јуни, 3) пред вас е интервју со Пол Хартнол за македонската публика! Зошто тој се надева дека ќе повраќа пред скопскиот концерт, ќе откриете сами. 

Две работи за дечково. Под а. Нека не се надева дека ова некогаш во живот ќе му го заборави. Под б. нека не се надева дека ќе му даде барем до следното полуфинале во Лига на Шампиони.