Луѓето кои страдаат од туретов синдром (неконтролирано пцуење) некако одма ни стануваат драги, веројатно затоа што имаат медицинско алиби да зборуваат онака како што ние би сакале да зборуваме. Овојпат ја имаме 31 годишната Џес Торн, која за разлика од Дени кој е чисто говедо, има фини способности и идеи.

Веројатно сте забележале дека клипови од Јутјуб често имаат 301 преглед. Зошто Јутјуб заглавува баш на 301 прегледувањe и како воопшто функционира бројачот на овој видео сервис?

Аaрон Соркин е сценарист на се и сешто по Холивуд, од Социјална мрежа, Војната на Чарли Вилсон и Неколку добри луѓе до Западното Крило и Moneyball. Во толку многу работа, ќе се најдат и некои реплики што ќе се повторуваат, рециклираат и повторно ќе оживуваат.

Ако некогаш ве интересирало како може да се продаде 100.000 долари дрога за една недела, еве го одговорот. "Упатството" е од дилер од Њујорк, кој тврди дека во секое време, може да те снабди со која било супстанца.

Неделава имаме четири продолженија, што (во најголем дел) имаа и одличен прв дел, плус документарец за славните и нивните најверни пријатели - папараците.

Сите сме го гледале "The Shining и сите сме се сереле од Џек Николсон, ама, не е само до него, туку и до хотелот. Одлична анализа како генијалниот Кјубрик го користи просторот и ентериерските аномалии да го збудали гледачот. 

Тие што се занимаваат со маркетинг ќе видат како изгледа да си искрен (или барем да изгледаш дека си искрен), тие што се занимаваат со фотографија ќе научат нешто за тоа како се фотографира храна. Плус ќе дознаете дека постои професија "стилист за храна."

Дечкото напуштил работа и тргнал во потрага по поедноставен живот. Сакал да има свој остров ама немал доволно пари да купи. Па затоа го изградил. Со палми, банани, бавча со зеленчук.... Главниот материјал за островот гледате како секојдневно заминува од контејнерите.

Најава за еден документарец посветен на група христијани кои едвај чекаат да им го свртиш другиот образ.

Има луѓе што знаат Фотошоп, има луѓе што се мајстори во Фотошоп и го имаш Александар Кошелов. Почна од ништо. Клипов се слуша на гласно.

Документарец за една блесаво мегаломанско семејство од САД, цртан за лик од игрица што не сака да биде таму, петката од Resident Evil, Крис Рок и Дензел Вашингтон.

"Мармалад" е германска компанија што се интересира чисто за специјални ефекти во реклами. Не филмови, не серии, не спотови, туку само реклами и  ефекти за нив. Дечкиве се спектакл.

Потребен е еден тон трпение за да се прегледаат 5.000 сток фотографии од Getty Images, да се изберат 873 и со брзина од 15 во секунда да се подредат така да почнат течно да раскажуваат.

Без да навлагаме во подлабоки филозофски битки и расправии околу Господарот на прстените, ај ова да го разгледаме - што ако Фродо и компанија всушност се негативците во целта работа? Како целиот поход изгледа од страната на оние што живеат во Мордор? Кој е предавникот во целата приказна?

Затоа што првиот натпревар на Еуро 2012 завршува во 19 и 45 а до идниот има уште цел саат што треба да го поминете правејќи нешто. Предупредување: заради некои од форите може и ќотек да изедете, посебно ако му ги правите на некој маалски што отсекогаш ве бумбарел.

Фудбалско интервју на Горан Баре (запазете колку му треба за да сложи прашање) со исто така уникатниот лик Ќиро Блажевиќ. Сакаме и ние нешто вакво! Наш предлог - Кили версус Бате Ване.

Маестрално парче која ја покажува апсолутната моќ на монтажата во финалниот резултат на еден филм. Сцени од симпатичната и безопасна комедија со Робин Вилијамс, Г-ѓа Даутфаер, така премонтирани да се добие филмски трејлер од кој ви се ежи кожата.

Штета што оние кои во некој момент решиле да се тетовираат од глупи причини (алкохол, акутна а излечива вљубеност и сл) веќе нема да мораат цел живот да се потсетуваат на глупоста што ја направиле. Како изгледа ласерско вадење тетоважи?

Во последниот филм на Скорсезе "Hugo" има еден ужасно долг кадар сниман со ужасно тежок стедикем. Ги имаме двете видеа, како изгледа таа сцена во филмот и како изгледа "во живо". Пробајте да ги синхронизирате.

17 минутно видео за тоа како се прави Хефнер вилинскиот бас, оној што го познаваме по Пол Макартни (а го свиреа и Тина Вејмут од Talking Heads и студискиот цар Роби Шекспир). Рачно, занатски, со љубов, со знаење. Бтв, еден наш локален мајстор за инструменти го прашале како се прави ќемане. Тој им рекол: Еми, фанеш едно дрво, извадеш сè што не е ќемане и - остане ти ќемане! 

Нам глупите никогаш не ни е јасно што може ново да се смисли на светов. Ќе не препознаете по тоа што стално прашуваме: Леле, бе, што ќе им биде следно? И после, кога ќе го извадат тоа "следно", викаме: Да беее, како не ни текна! Е па, не ни текна затоа што сме глупи. Да, имаме видео "од едно следно".

Обожавател го замолува Бил Муреј да му даде автограм. Овој го одбива, и наместо тоа се согласува да глуми во неговиот краток филм.

Неделава имаме филм за еден претседател и неговата девојка, уште еден Бонд, филм за тоа како настанал култот на Скиентологија, Големиот Гетсби и документарец за силувањата во американксата армија.

Научници од МИТ произвеле некаков лубрикант за подмачкување шишиња кој, без разлика на густината, на течностите им овозможува совршено да лизгаат. Проценка на пазарниот потенцијал на нивниот изум - 17 милијарди долари.