Што ако Грција и Германија беа пар. Toj е Грција, таа Германија. Тој не работи, таа е Германка. Комшика им е Шпанија, а Британија е некако чудно залижана.
Ако мислите дека кај нас е комплицирана целата шема со локалната власт (еден ти прави улица, друг ти зема пари за паркинг), чекајте да видите што се случува во Лондон. За почеток има Лондон (она на што сите мислиме кога ќе кажеме Лондон) и City of London, што му доаѓа нешто како автономна територија во рамките на овој првиот.
Жените во расправија се комплетно логични и до крај ја тераат целата дебата на конкретната тема - ако се во право. Ако не се, тогаш расправата се расплинува, таа ќе ти каже нешто лошо, ти ќе и кажеш нешто уште полошо и на крај завршуваш поразен. Фората е да знаеш точно, крајно прецизно, во стотинка од секунда, да забележиш кога ќе изгубат и после сè е твое.
Негативните кампањи не се ништо ново. Избор од 22 клипови од американски претседателски кампањи во кои се напаѓа противникот а истиот ни дава увид во стилот и стратегиите на кандидатите во изминатите 6 децении.
Разбудете го инспекторот во себе и решете ваков грабеж во продавница. Сведокот: Беше мирно и одеднаш се случи експлозија! Од прашината излета полугол човек. Вие: Како изгледаше? Тој: Како Бејн од Бетмен. Вие: Сам ли беше? Тој: Не, со неколку ноеви!
Ликов е царот на "first world problems." Во конкретниов случај, тоа е кога имаш доволно пари да купиш куќа, да ја опремиш, да купиш фрижидер, да го наполниш со храна и на крај да снимиш видео за тоа како не можеш да отвориш некое пакување. Иако, во право е за тоа глупиот сок со цевче.
Во секоја дебата со хардкор Епл корисници имаш два момента: 1. нема камера / 3Г / нешто слично, затоа што не ти треба. 2. де бе голема работа, купуваш едно кабелче од 30 долари и можеш да го споиш.
Листа од сериите што треба да продолжат есенва. Не се сите што постојат, туку некои што ги гледаме или што некој ги пофалил. Плус, нема ниту едно скроз ново шоу, сите се со барем една пројдена сезона.
Руски професор по англиски јазик, од уплашената ученичка извадена на табла добива малку задоцнет но затоа многу прецизен и директен одговор. Па така бре дете!
Да знаете колку е комлицирано да видите жолта (или која било друго освен сина, зелена и црвена) боја на монитор, по цел ден ќе мижевте. Дечкото почна да објаснува за жолтата, па потоа удри и по други теми.
Видео за снимањето на дел од спектакуларниот серијал Planet Earth на БиБиСи. Момент за внимание и почит: биле потребни 2 години за да се направи една минута од материјалот. Целиот проект изгледа како изградба на Пирамиди во споредба со сè друго што е снимено.
Добро е што летово завршува па може до следното ќе попушти заклетвата зад која во моментов цврсто стоиме: никогаш, НИКОГАШ повеќе во море! А и за када да се размисли. Just wait for it.
The Big Lebowski на благајните мина ужасно, кај критиката така-така ама затоа стана убер култен филм за секој кој држи или посакува доза залудност во своите животи. Постои и вистински лик по кој е правен The Dude. Левичар, демонстрант, промотор на инди филмови (им помагал на браќата Коен со нивниот прв филм), малку подебел од Џеф Бриџис... ама, тој е!
Dirty Dancing е еден од нејневините романтични лимунади меѓу филмовите, евер. Но, кога истиот тој материјал би бил преработен преку филмската диоптрија на еден Дејвид Линч, тогаш настанува ежење. Одлично парче.
Веселиот крик на Бранко Коцкица нема врска со почетокот на школската година во Чеченија ама тамошните горди татковци кои дочекале да ги пратат своите деца на училиште звучат исто како него. На овие деца најверојатно им даваат писмени задачи од типот: "Што сакам да станам ако пораснам."
Советите доаѓаат од Бастер Мартин, вработен во водоводна фирма, маратонец, никогаш вода, само пиво, цигари - швајца. Да, и има 101 година. Штета што советите се неупотребливи бидејќи самиот ни порачува дека тој не е како нас, нормалните луѓе.
За луѓе што се фураат на креативност и уникатност, актериве многу си наликуваат во одговорите. 10 прашања од "Inside The Actors Studio" поставени на дузина славни актери. Сите се согласуваат меѓу себе.
Како е да го снимаш филмот со трета најголема заработувачка во историјата? Како да си однел група средношколци во студио и си им дал по еден пакет Ред Бул.
Едно е да бидеш добар во филмови како Хари Потер, Автостоперски водич низ галаксијата, Умри машки или Алиса во земјата на чудата, сосема друго ниво на легендарност е кога си феноменален во видео во кое - пиеш чај. Секако, музиката од Inception го прави своето.
Интернетов е да го жалиш што сè му се има натоварено. Македонските бескрајни форумски дрвења не се ништо во однос на тоа што сè Американецот знае да му закачи, во форма на видео упатство без кое не може да се замисли животот.
По повод 80-от роденден од Лего изработуваат цртан филм за настанокот на компанијата. Се почнува со пропадната столарска компанија, чиј сопственик останува со сериозен вишок на дрво. Пластичните коцки доѓаат многу подоцна.
