Дел од шармот и популарноста на словенечкиот филозоф Славој Жижек се должи на неговиот нетипичен академски пристап при што често флертува со актуелни културолошки феномени. Ама, некогаш и нема што паметно да каже. Овојпат на тема зошто Гангнам (Fuck them stupid Koreans) го победи Џастин Бибер (Disgusting guy from Canada). Добро, на кокаин ли е мудрецот?

Британските херои на комедијата се луѓе кои сакаат животот да биде подобар и на кои животот им се има посрано од страшна височина и чие чувство за достоинство е постојано компромитирано од разочарувањата што им ги приредува светот, објаснува Стивен Фрај.

Откако на живо имаме изгледано десетици и десетици возрасни луѓе со исто вакво однесување, бебушов доаѓа како интермецо. Ем, на него му се простува.

"Да донесеме малку топлина, малку светлина и малку насмевки во Норвешка". Под ова мото се одвива една благородна африканска иницијатива за збирање радијатори за напатената скандинавска земја. Имаат и песна со сите нишани, цареви! Штета што кај нас идејата нема да земем замав, бидејќи дал, не дал радијатор, ќе си плаќаш на оние хохштаплери.

Приказната за Израел и Палестина, и за сите што мислат дека нешто е вечно или дека нешто може да се реши еднаш засекогаш. Почнува одамна...

Линкот за ова аметерско филмче го испраќа еден читател Албанец, со добра поента. Филмчето забавно, за двајца Холанѓани кои решаваат да одат на одмор во Албанија и налетуваат на селото Лазарат, цело насадено со ганџа. Ах, да, поентата: "Мислам дека ќе ги убеди луѓето дека не вреди да одат на одмор во Грција" :)

Еве колку е компликувано некој да го отвори вашиот куфер, да се послужи и пак да го врати во првобитна состојба, без разлика колку катанци имате на него.

Знаете она кога ќе го земете сунѓерчето и ќе ги минете чевлите и мислите дека сте завршиле работа и сте ги исчистиле? Епа врска нема. Бонус: како се прават Луј Витон чевли.

Објаснувањево не е од никој надлежен од MTV или на кој било начин поврзан со телевизијата, ама го има веројатно најдоброто објаснување на темата. До крај на видеото некако ќе почнете да ја гледате и нивната поента.

Ако во ова интервју од 1993-та година инсистирате по секоја цена да ја сфатите смислата, може дебело да се разочарате. Сепак, прилично забавно бидејќи се работи за две зезнати величини: Хантер Томсон (Fear and Loathing) и Кит Ричард (Rolling and Stones). Како Сури да го интервјуира Кили.

Намерно ја пуштаме оваа снимка за да се види како тоа јадно и очајно и тажно изгледа (ако некој воопшто верува дека е кул). Патем, немаме појма на која дрога се младиве ама ни изгледа како нешто скроз обратно од "спид".

Можеби е добро што никогаш нема да дознаеме на кој алкохол, дрога или некое трето гајле се наоѓа овој јаден женски створ што вака упорно се обидува да си ги облече наочарите.

Хака е стар маорски танц со кои се изразуваат колективни чувства. Се користи често во Нов Зеланд, од различни групи и по различни поводи. Една од најчудните апликации е кога хака ќе заигра војската.

Имаме две очи за да може да гледаме во 3Д, имаме две уши за да можеме да ја одредиме локацијата на изворот на звукот. Но, зошто имаме две ноздрви? Нели е пологично, како устата, да имаме една (добро, поголема) дупка среде лице? Не.

Како изгледа кога симултано ќе провериш (на исти уреди и на иста мрежа) како функционира гласовното пребарување на Apple Siri во однос на новата 2.5 верзија на соодветната апликација на Google? Сте виделе две бесни машини, како се тркаат изедначено од прва до последна секунда? Е па, не така.

Да е Јани паметен па да реши да заигра малку на картата на македонската конзервативност и традиционализам. Како се прави тоа? Собираш неколку скопски травестити (ги има, не се секирајте) и сите викаат дека нивни кандидат е - Коце! Можете да ги замислите реакциите? А треба, и онака, што има да изгуби :)

Да не чувствува локалниов Сеат дека му вршиме притисок, ама еве како во Русија изгледа презентација на Leon FR.

Правилото е: без разлика колку и да мислиш дека е "јако" како играш гледај тоа да не го правиш пред камера, затоа што никој не е фраер 15 години подоцна.

Еден од најкотроверзните експерименти изведени во "слободниот свет" во кој со електро-  шокови се тестира спремноста на луѓето да им се потчинат на авторитети. Колку да се знае, главниот доктор Стенли Милграм бил инспириран од судскиот процес на првиот СС-овец Адолф Ајхман.

Никола Тесла и Марк Твен е двојката која сочинува едно од најчудните пријателства во историјата (стварно биле другари). Едниот саркастичен сатиричар, другиот луд научник, двајцата брилијантни на сопствен начин. Марк Твен пишува за изумите на Тесла, а овој пак во неколку експерименти го користи Твен како "жртвено јагне." Сето тоа некогаш. Kако би излгедале двајцата ликови кога би се појавиле во 2012-та.

Поправна мерка од типот "види што те чека." Млади деликвенти со по неколку прекршоци ги носат во затвор за да се запознаат со своите потенцијални цимери, па сами нека решат што и како.

Ти требаат четворица, токмак, хебла и сајла. Прв чекор, го отвораш банкоматот како паштета.

Новиот исчекор во роботиката се вика "просторно таргетирана комуникација и самосоставување". На нашки се преведува: "сме наебале". За да нè одоброволат, ни покажуваат дека синхронизираните роботи ќе ни носат пиво и чипс на тросед. А во реалноста, ќе ни носат правосмукалка бидејќи командите ќе бидат кај жената.