Како и Дино Мерлин и малиов не е Супермен. Девојчето што му се свиѓа, се јавило на друго дете. Како и секое машко, и нашиов маж достоинствено ја пребродува маката - плачејќи и барајќи одма да и се јави на телефон!

Офцијалниот наслов му е - Се' што е погрешно со Фајт Клуб. Официјалната намера му е ова од нашиот наслов.

Од преполно биро со најразлични предмети што ни требаат за работа, со помош на технологијата сега сме на лаптоп и биро преполно со предмети што само мислиме дека ќе ги користиме за работа (без разлика на тоа што ќе го видите во видеото).

Уметноста помага да му ѕирнеме на човека во душата. Магнетната резонанца е за остатокот од него..

Не знае човек што во ова видео е пофасцинантно; дали приказната, дали трикот со картите, дали што сето тоа заедно го изведува никој друг туку легендата Вили Нелсон.

Девојкава објаснува некакво направи сам упатство за жени, за тоа како да ги зголемат градите без операции и чуда. Она што ќе заврши работа поштено, ќе заврши. Само што после ова вие веќе ни на соптвени очи нема да може да верувате.

Девојката сака да живее во чист град. Сограѓаните баш и не ги помагаат во ова. Еден по еден ќе им го дотера паметот. Освен ако не ја прекрши некој по пат.

Како и во регуларна врска, на Англичаните им текна колку многу им значи Шкотска, само кога Шкотска почна да размислува за раскинување. Гледано од тука, аргументите за заминувањето од Обединетото кралство се многу човечки и многу логични. И другата страна има човечки аргументи за останување, и доста економски и логистички, и едноставно - вака е подобро. Гласањето е во четврток.

Веројатно децата се единствени луѓе што нема да те испрашаат и да ти направат инстант психо-тест за тоа што си пуштил брада. Барем додека се прцули. Ама затоа оди објасни им дека си истиот човек кога ќе ја избричиш.

Што се случува со цртаните ликови кога ќе им заврши славата? Кој се здебелил, кој се вработил во супермаркет, кој работи во телефонски центар. Има и некои што им оди добро.

Не може да ви објасниме со кое неверување го изгледавме видеово, и после тоа пак уште еднаш. Детево се вика (барем уметнички) Fik Shun, и до вадење од памет ја има навежбано песнава.

Се случува на 20-ти септември, и во него Стујарт го кажува своето гледиште околу целата ситуација, и како човек чија главна работа е да ги насмее луѓето треба да се снајде после таква трагедија.

Да пренесеме технички за видеово: автор е Фредерик Доазан, снимено е 10 кадри во секунда, и до сега има собрано едно десетина награди на најразлични фестивали. Тема - жена.

На пример, сте купиле нова кукла на дување и сакате да ја пробате на раат во соба која нема клуч на врата. П.С. Дувајте ја дури откако ќе ја сфатите финтата бидејќи типот од видеото толку споро раскажува што е можно малата да се издиши.

Лежерна есен без премногу супер-херои, галаксии и апокалиптични уништувања. 26 филмови со 26 трејлери. Направете пауза.

Група научници ја прават најголемата мапа на Универзумот, и каде во него се наоаѓа Млечниот пат (збутани сме во ќош еден). Најлошото нешто што може да излезе од ова видео е што ќе осознаеш колку премногу си небитен.

Во епизода на Луи од 2011-та, Луи Ц.К. размислува да се откаже од комедијата. По едно шоу се среќава со Џоан Риверс и таа го разубедува и му објаснува зошто станала комичарка, момент што само он може да го сфати како погодно време за да и се фрлиш на Риверс.

Годинава на Емми наградите Родео ЕфИкс беше победник во категоријата Извонредни специјални и визуелни ефекти. Наградата ја доби за работата на 4-та сезона од Игра на тронови. Еве што им е работа. (потенцијални спојлери)

Тоа беше легендарна банкнота (дело на Андрија Миленковиќ), никогаш фалсификувана бидејќи содржи преку 40.000 нијанси. Таа веќе не постои но затоа постои девојката од нејзината насловна, која сега е тетка и е малку лута што нејзиниот лик го искористиле за да продаваат брашно.  

Путин во посета на фабрика, а од таму продолжува на состанок на управниот одбор. Во фабрика пројде лесно, дојден е за бордот, поточно за газдата. Му фалел еден потпис.

Кога Џејми Оливер ќе остаре, сака да биде како човеков. Се вика Џенаро Коталдо (послабиот од Two Greedy Italians), цел живот е готвач и цел живот прави фантастична храна. Ова е неговиот водич за тестенини + како совршено се варат.

Ако човек не знае дека овие ги пржат со пиштол на струја, ќе добие многу погрешен впечаток за тоа по која основа се овие гримаси.

Никогаш до сега не сме биле волку возбудени околу реклама за преносен фрижидер. Ама ова е чудесии. И не е дека е до нас, проектот за мини-фрижидер на Кикстартер бара финансирање од 50.000 долари, собра вкупно 13,28 милиони долари, од 62.642 поддржувачи.

Задачата за машината е да отвори страна, и тоа од едноставните (Википедија и сл.), ништо премногу тешко со слики и мултимедија. Конфигурацијата е со процесор од 8 мегахерци, 4 мегабајти работна меморија и 100 мегабајти хард-диск. Од време на време, видеото е забрзано. Резолуција 512х342 пиксела.