Најдобриот збир на совети што денес ќе ги добиеш. Видеото тргнува од таму дека што и да ти се случува, тоа веќе му се случило некому. Почекајте го стариот да ви ја каже главната поента.

Нивниот проблем е што сите новински репортажи на вести им изгледаат идентично, со востановени ТВ трикови, графики и пози. Нашиот проблем е што се стремиме да го имаме нивниот проблем и никако не успеваме.

Ок, сè знаеме за кечери, сè знаете за кечери. Ама пак има еден дел од времето кој почнува од моментот кога го креваат Џон Стујарт на рамо и трае се додека не го треснат од патос, во кој забораваш сè што знаеш и како мало дете го гледаш паднатиот херој и вистински веруваш во неговата болка.

Во 1959-та, умира сопругата на Дасрату Манџиј, индиски рудар од најниска каста. Жената умира откако се повредува и не може да стигне на време на доктор. Главна пречка во тоа е една планина во нејзиното родно место. По ова, Манџиј секој ден со чекан, длето и метална шипка ја копа планината и се обидува да ја пробие. По 22 години, со истиот овој алат и упорност, тој успева да направи прооден пат низ планината. Сега Боливуд сними и филм за него.

Пред да почнеме со предрасуди треба да се има предвид дека Принцезата Амалија е 11-годишната ќерка и првородено дете на актуелниот холандски крал Вилем Александер, и дека таа ќе биде негова наследничка холандскиот трон. Следствено на тоа е и целиот стил на живот што го има, вклучително и тргнувањето и помпата поврзана со првиот училишен ден за годинава.

Теми за размислување по гледање на клипот:

- Улогата на човекот кој ја раскажува приказната и неговиот агол.

- Дали Карате кид и новото дете што доаѓа да решава проблем во туѓ град се основата на американската геополитика во последниве 30 години, во која САД генерално ги решаваат проблемите со интервенирање на туѓа почва?

- Можно ли е толку да сме биле заслепени и да не сфатиме дека Даниел е негативецот, а не тој плавиот?

- Дали Мијаги има демонски моќи?

5 средношколски професори од Кина заминуваат на размена во Британија. Таму се ангажирани во едно од поуспешните средни училишта во земјата, според рангот на националните тестови. Секој од петмината има свој предмет, каде тераат според методологијата од Кина. На крај нивните ученици ќе бидат тестирани наспроти учениците кои учат по англиска програма.

Глобалната мантра која прави нормални луѓе да имаат константно блажен израз на лице, како да преживеале мозочен удар, налага дека во живот треба да бидеш позитивен и оптимист. Наспроти ова, песимизмот врши далеку повеќе работа.

Единствен начин достоинствено да направиш селфи на свадба. Локално е промовиран на српска свадба, ама без проблем се адаптира на која било околина.

Телеевангелистите се една од малкуте ступидни работи на кои сите овие години успешно им пркосиме да не си ги нагрбачиме сами на себе. Од сам старт сме запоседнати со гатачи и исцелители, кои и покрај ограниченоста на целата нивна логика, успеваат да стигнат до неочекувано голема публика, меѓутоа не и да направат некоја страшна штета (со чест на исклучоците). Поентата на Џон Оливер е - тоа што некој е доволно наивен да верува во вакви работи, не значи дека треба да го злоупотребиш.

За сега цигарите главно се полоши само затоа што сме имале доволно време за да видиме колку се штетни. Тоа што првите се полоши, не значи дека вторите се добри.

Во јануари 2006-та, од ракетата Атлас 5 беше лансиран Нови хоризонти. Една година подоцна прелетува покрај Јупитер и ја користи неговата гравитација за да добие дополнителна сила и да стигне до Плутон. Кога стигна таму, ги вклучи инструментите и почна да собира податоци.

Прекрасно илустрирана приказна за младите Николина и Марко од Мостар чија детска романса бива прекината од граѓанската војна во Југославија.

Минатата година ова време во Фергусон, Мисури, беше убиен Мајкл Браун. Браун беше црно момче, убиецот беше бел полицаец. Ова последователно доведе до немири, немирите до пљачкосување и уништување на продавници, што речиси и да немаше некоја продавница која беше помилувана. Годинава сопствениците на уништените продавници подготвени ја дочекаа годишнината од убиството на Браун и очекуваните немири.

Во една од епизодите од Луи, главниот лик (Луи) и Робин Вилијамс се среќаваат на погребот на еден заеднички пријател. Двајцата се разделуваат со ветување дека кога едниот од нив ќе умре, другиот ќе му дојде на погреб. Денес е една година од смртта на Робин Вилијамс.

Пред да знаеш дека "даската не го враќа ударот," треба да искршиш неколку даски. Пред да пуштиш клип од дете како полага за бел појас, треба да имаш вовед за клипот.

Луѓето мислат дека компјутерските ефекти (CGI) се лоши и ги расипуваат филмовите бидејќи луѓето можат да ги забележат само лошите компјутерски ефекти, добрите минуваат глатко и незабележано, па никому не му доаѓа да ги пофали. Барем таква е теоријата во видеово.

Ако се прашувате како оној злотвор Шешељ успеваше сам да се справи со целата таа озбилна машинерија наречена Хашки трибунал, да потсетиме на еден легендарен момент со судијата Жан Клод Антонети, кој патем беше еден од попристојните господа во таа ергела дебело платени хашки кадии.

Џејк Вејдман е еден од само 12-те луѓе во светот со титула "Master Penman". Вејдман е речиси 3 децении помлад од останатите 11. "Кога луѓето ќе ми кажат - правиш ова да изгледа толку лесно, си мислам - ти не беше со мене кога бев буден до 4:30 наутро и работев на ова. Луѓето обично го гледаат крајниот резултат, ама не го сфаќаат трудот што е потребен за ова."

Како што доаѓа крајот на владеењето на Џон Стујарт, така се редат и сите подвизи на шоуто. Бројот на ѕвезди што ги има лансирано шоуто е едно од најважните одликувања што може да ги има.

Настанот е важен со самото тоа што го најавува почетокот на втората сезона од еден од најважните социолошки експерименти од овој период на постоењето на човештвото - "The Moaning of Life," документарецот во кој Карл Пилкингтон шета низ планетава и го запознава светот.

Ако ти е некаква утеха, ти не работиш со крокодили и не заработуваш пари со ставање рака во уста на тоа ѕверовите. За новиот колега нема утеха, прекорот и презирот во очите од постарите е ист без разлика дали си напраил глупост на сред работа со крокодил или не си ја измил шолјата од кафе.

Мостовите се корисна работа но имаат неколку мани: скапи се, тешки за одржување, со текот на времето ослабнуваат а некогаш и оградите им вредат право богатство. Не во Индија.

Со целата заслужена почит кон рачно изработените занаетчиски производи, ама целата таа хипстер-занаетчија сцена веќе почнува да нервира. Зошто? Затоа што ако не ти нагласат дека видеово е нивна пародија, нема да бидеш 100% сигурен што точно гледаш.