Во близина на домот на овој дечко во Северна Дакота се врши фракинг, една исклучително контрадикторна техника на вадење енергенси од земјата која дебело ја пореметува крвната слика на почвата (ѕирнете го Promised Land со Мет Дејмон).

Едни прават комедија, други прават акција, Џеки Чен 40 години го има усовршено комбинирањето на двете.

Wanderers е кратко филмче за тоа како би можелe да изгледаат моментите кога човекот ќе почне да се населува во својот планетарен комшилук. Нема приказна, само фини сцени кои патем, се дигитални реплики на автентични простори во Сончевиот систем. Текстот и гласот се на Карл Саган. По пат одам, за пат прашам....

Целава работа многу брзо ексалираше, и најмногу греота за мајката што спремала сè ова (и греота што фрлија толку храна). Најдобро пројде тој што снима, а според тоа што нема да изеде ќотек се гледа дека е постар брат.

Регуларна автобуска линија на Хималаи од точка А до точка Б. Патот (по сите основи на здрав разум) е едносмерен, ама не е досаден и има спектакуларен поглед. Или ќе се изнауживате во возењето или цел пат мижење.

Проблемот со овие не е толку тоа што секогаш им е ладно, затоа што тоа е нивен проблем. Проблемот на сите други е теророт што овие го вршат по основа на студ, па заради нив не можеш да ја ставиш климата на ладно, да проветриш или да отвориш врата, прозор, малиот прозор (барем на кипање?)... п.с. А, да облечеше тренерка?

Перфектен рецепт за јадење за вашето дете што успева секој пат. Секој. Пат. Гаранција, сите родители што некогаш го зготвиле.

Едно време беше едноставно - дебел си, ти се јаде, готвиш и јадеш, не правиш никаква галама околу тоа, ниту го доживуваш како некој посебен успех. За кратко време, го повторуваш истото.

На романски вести има прилог за еден сиромашен старец и руинираната куќарка во која живее. Како што е редот за ова се крева огромна галама на социјални мрежи. По ова следува неочекуван (и ретко виден) пресврт - луѓето од Фејсбук и Твитер стварно прават нешто во врска со проблемот на човекот, без да влезат во непрекинлив циклус на кенкање.

- Колку пати имате престрелки?
- 5 пати... годишно... во цела Финска...
- А тука во градов (Васа)?
- Имавме... пред 10 или 20 години...
Разговорот е меѓу фински полицајци и полициски капетан од Лос Анџелес. Пред него, низ нордискиот казнен систем прошета поранешниот управник на Атика.

Во 2008-ма Ален Хемберг оди на вечера во ресторанот Алинеа во Чикаго. Во 2009-та го фаќа говачот со сите рецепти од ресторанот и 5 години секој ден (или кога ќе може) прави по едно јадење. Конечно го заврши целиот, до последен рецепт.

Во септември 2013-та филмаџијата Лук Акер го прави "Дефиниција за луксузот" клипот, во кој ја огласува за продажба својата трагично руинирана Нисан Максима од 1996-та. Нисан решава да ја купи.

Секоја година во ноември нацистите се собираат во Вунзидел и маршираат низ местото во сеќавање на Рудолф Хес (заменик фирер на Хитлер) кој до пред некоја година беше закопан таму. И годинава маршираа низ Вунзидел, ама овој пат локалците имаа подготвено сачекуша - за секој метар што ќе го пројдат нацистите, тие ќе донираат 10 евра на анти-нацистички организации. А маршот е долг.

Постои место на светов во кое човек со очигледен вишок килограми може да се чувствува лесна како пердув. Од сосема поинакви причини, Исак Њутн вака го замислувал рајот.

Мртов озбилен видео туториал за тоа како се изведува оваа операција. Треба ли да додадеме, во нејзината аналогна форма.

Инспирирана од дискусијата околу девојката што шета низ Менхетн, девојчево решава 10 часа да се шета низ најмалку нордиската од сите нордиски престолнини - Рига.

Откако пред 50 години во Британија почнува кампањата против возење под дејство на алкохол, бројот на смртни случаи паѓа од 1.640 на 230 годишно. Тоа си бара прослава.

Интимни и искрени размислувања на актерот за животот, среќата, неуспехот. Ставови (и нијанси во нив) кои стануваат морничави кога се знае како заврши човекот.

Ден после журка за Ноќта на вештерките, едниот цимер заборавил дека другиот е уште дома и фатил да чисти. Овој вториов фатил да снима.

Ариан Аслани, од Квинс, Њујорк. Попознат како Екшн Бронсон и како таков сериозно популарен; рапови, миксови.... А на каналот Munchies има емисија, нешто како Бордејн. Шета по светот (се гледа во видеото) и јаде (се гледа по него). Интересен.

Буричкајќи по ДНК, луѓево создаваат растенија што светат ноќе. Благородна мисија која би заштедила енергија и на убаво би ни го сменила ноќниот пејсаж. Сè додека не решат техниката да ја применат и кај луѓе. Ноќе, некаде кај МТВ, ви текнува?

Не дека е некоја вонредно потресна симфонија и не дека вам нешто би ви горело од музикава. Пожарот е кај оркестарот што пробува да ја отсвири "Tango Jalousie" после изедено пеколно љута чили пиперка. Минута и четириесет се на чисто, после тоа (грлом у јагоде) ја лапаат пиперката.

Девојка, опуштено денски облечена, шета низ Менхетен. Пред неа оди еден друг лик со ранец кој ја снима прошетката и сите дофрлувања, свиркања и разговори што ќе и се случат по пат. Вака изгледа патешествието.

Видеово на почеток прилично ќе ве шокира, но дајте му шанса до крај, да видите за каков махер се работи. Оној Dog Whisperer од National Geographic е кутар аматер за него.