Во јануари 2006-та, од ракетата Атлас 5 беше лансиран Нови хоризонти. Една година подоцна прелетува покрај Јупитер и ја користи неговата гравитација за да добие дополнителна сила и да стигне до Плутон. Кога стигна таму, ги вклучи инструментите и почна да собира податоци.
Минатата година ова време во Фергусон, Мисури, беше убиен Мајкл Браун. Браун беше црно момче, убиецот беше бел полицаец. Ова последователно доведе до немири, немирите до пљачкосување и уништување на продавници, што речиси и да немаше некоја продавница која беше помилувана. Годинава сопствениците на уништените продавници подготвени ја дочекаа годишнината од убиството на Браун и очекуваните немири.
Во една од епизодите од Луи, главниот лик (Луи) и Робин Вилијамс се среќаваат на погребот на еден заеднички пријател. Двајцата се разделуваат со ветување дека кога едниот од нив ќе умре, другиот ќе му дојде на погреб. Денес е една година од смртта на Робин Вилијамс.
Пред да знаеш дека "даската не го враќа ударот," треба да искршиш неколку даски. Пред да пуштиш клип од дете како полага за бел појас, треба да имаш вовед за клипот.
Луѓето мислат дека компјутерските ефекти (CGI) се лоши и ги расипуваат филмовите бидејќи луѓето можат да ги забележат само лошите компјутерски ефекти, добрите минуваат глатко и незабележано, па никому не му доаѓа да ги пофали. Барем таква е теоријата во видеово.
Ако се прашувате како оној злотвор Шешељ успеваше сам да се справи со целата таа озбилна машинерија наречена Хашки трибунал, да потсетиме на еден легендарен момент со судијата Жан Клод Антонети, кој патем беше еден од попристојните господа во таа ергела дебело платени хашки кадии.
Џејк Вејдман е еден од само 12-те луѓе во светот со титула "Master Penman". Вејдман е речиси 3 децении помлад од останатите 11. "Кога луѓето ќе ми кажат - правиш ова да изгледа толку лесно, си мислам - ти не беше со мене кога бев буден до 4:30 наутро и работев на ова. Луѓето обично го гледаат крајниот резултат, ама не го сфаќаат трудот што е потребен за ова."
Како што доаѓа крајот на владеењето на Џон Стујарт, така се редат и сите подвизи на шоуто. Бројот на ѕвезди што ги има лансирано шоуто е едно од најважните одликувања што може да ги има.
Настанот е важен со самото тоа што го најавува почетокот на втората сезона од еден од најважните социолошки експерименти од овој период на постоењето на човештвото - "The Moaning of Life," документарецот во кој Карл Пилкингтон шета низ планетава и го запознава светот.
Ако ти е некаква утеха, ти не работиш со крокодили и не заработуваш пари со ставање рака во уста на тоа ѕверовите. За новиот колега нема утеха, прекорот и презирот во очите од постарите е ист без разлика дали си напраил глупост на сред работа со крокодил или не си ја измил шолјата од кафе.
Мостовите се корисна работа но имаат неколку мани: скапи се, тешки за одржување, со текот на времето ослабнуваат а некогаш и оградите им вредат право богатство. Не во Индија.
Со целата заслужена почит кон рачно изработените занаетчиски производи, ама целата таа хипстер-занаетчија сцена веќе почнува да нервира. Зошто? Затоа што ако не ти нагласат дека видеово е нивна пародија, нема да бидеш 100% сигурен што точно гледаш.
Затоа што ФБ и Инстаграм профилот нема сами да се наполнат со слики од одмор, еден австриски фотограф има 8 фори за вас за подобри или барем поинтерсни фотографии со смартфон.
На 29-ти јули пред 125 години, од рана од куршум умира Винсент Ван Гог. Умира како непознат уметник во длабока депресија. Серијата Доктор Ху (новата) имаше еден сегмент во кој го носат Ван Гог во музеј во 21-от век за да види што се случило со неговите слики и неговото влијание врз уметноста.
Целата приказна околу лавот Сесил ќе ви ја раскаже Џими Кимел. Во кратки црти - забар од Минесота платил 50.000 долари за да застрела лав... потоа приказната продолжува.
(По машки искуства) Како дете кога седиш дома во недела на ручек и ѝ мрчиш на мајка ти околу тоа како не ти се свиѓа јадењето, стандардното спуштање од другата страна е - ќе ја видиме твојата што ќе готви. Веројатно сите кога го кажуваат ова, мислат женава ќе ви се падне. Бонус: следи го малиот во позадина.
Супермен го има Лекс Лутор, Бетмен го има Бејн, во Хари Потер е Волдермор, во Војна на Ѕвездите е Дарт Мол, секој од нив катаклизмично негативен лик, секој од нив со фоликулен инвалидитет. Еден маж (ќелав) одлучи да се крене против ова.
Нема еден човек што вози точак низ градов, кој барем еднаш не се умислил како крева некоја кола комплетно без памет, осет, разум, култура, паркирана сред велосипедска патека. За разлика од нас, дечково остварува.
Пред полнолетство (а и малку потоа) стравот да те фати полиција дека возиш пијан и без дозвола, е далеку подобрата варијанта во споредба со стравот да те фати татко ти во исти околности. А ќе те фати.
Иако последната епизода се емитуваше пред речиси 2 години, Двајт од Офис останува еден од најтоплите и најмилите ликови што се појавиле на телевизија... под услов конкуренција да му е гипс картон.
Школо ко школо, двајца морони што седат позади тебе ти маваат дебели заушки колку да им пројде време на час. По ова следува пресвртот од секој акционен филм од 80-те.
Последно што пишувавме за темава беше пред неколку недели, кога го објавивме видеото и репортажата на американскиот ПБС. Истото ова видео е дел од воведот на Џон Оливер, па потоа надоградува на темата. На пример, праска од класа 2 (пониска класа која се стекнува чисто заради визуелни причини, а не хранливи) вреди само една третина од цената на праска од класа 1. Само по себе ова е доволно да не се исплати да ја собираш и да ја оставиш да скапе. Па има за супермаркетите, за датумот на траење...
Едно крајно мотивирачко видео посветено на сите ситуации во животот кога си паднал и кога требало да се вратиш. Ние имаме далеку пократкорочни цели и амбиции, па видеово го посветуваме на сите што се заглавени во летнава горештина - ќе има пиво, ќе има таратор, ќе има лубеница... бирај што ќе те води. Само замени "живот" со "лето" и издржувај.
