Во сеопштата војна против нарко-дилерите на Филипини убиени се 5.617 криминалци, од нив над 3.600 се убиени од улични осветници, другите илјада и кусур од полицијата. Дутерте во изборната кампања најави дека ќе убие десетици илјади криминалци, притоа повикувајќи ги луѓето да убиваат нарко-зависници. Кога дојде на власт, се што вети почна да остварува, а овие над 5.600 луѓе се убиени од 1-јули годинава. За Божиќ тој испрати срцепарателна порака до целата нација - гледајте ова да не ви е последниот Божиќ.

Веројатно прв симптом - си почнал да кликаш на видеа за тоа "Кога е време да дадеш отаз на работа".

Поштен човек ќе се воодушевува на технологијата и инженерството зад нејзе. Криминалец ќе се воодушевува на способноста на машинава совршено да напише кој било потпис и одма ќе бара кој може да му ја донесе (по можност без царина).

Супермоќта што ќе ја поседува овој праведник е на луѓето во лице да им кажува дека "серат", и соодветно на ова тој ќе биде познат како - Булшитмен. Најдобриот дел од целата работа е што ликот, супермоќта и името се дело и желба на - Карл Пилкингтон, богот меѓу луѓето. Плус, сака да лета.

Тоа што не ти бараат пари за да користиш нешто не значи дека луѓето не заработуваат пари од тебе, а оваа алхемија на правење пари од податоците од своите посетители Фејсбук ја има совладано непоправливо добро.

Иако пред некој месец сами се спасија од миграцијата, сценариото само по себе е британски кошмар: полски пензионер кој успева за кратко време да да научи англиски јазик и трга за Британија. Ај сега да видите како така црно сценарио може да се направи неодолива божиќна реклама.

Првиот снег секогаш е посебен сеир кога ќе зафати делови од планетава што снег имаат видено само на Зимска Олимпијада, ама не и за луѓе што редовно се потрупани со снег, како жители на Монтреал. Во нивна одбрана ова се случува на удолница.

Од комоцијата што ја доби откако речиси го уништи бизнисот на физичките продавници, Амазон фати да иновира на тема продавници / супермаркети и реши во погон да пушти гранап (горе-доле) без каса. Идејата е на влез се чекираш со телефонот, и после само полниш во торба, кеса, џепови, а они сами знаат што си земал и колку да ти наплатат.

Дали знаете што била Клеопатра а не е Египќанка? Дека е Македонка пред многу години тврдеше и Џони Штулиќ (кога за првпат помисливме дека полудел) и таа теза води до лозата на иранскиот шах Пахлави. Кому му е тоа интересно, нека буричка наоколу. Видеото не е од некој опскурен извор туку од National Geographic.

Може не е тешко како да снимаш цел филм, ама вакви монтажи прават да имаш стравопочит кон луѓето што монтираат трејлери (и тие околу нив што ги трпат). Нормално, изборот е речиси скроз од американска продукција, подфолдер "блокбастери".

Без разлика што изгледа дека сме преплавени со најразлични приказни претворени во филмови, книги и серии, всушност постои само една единствена приказна која цело време се вергла. Без разлика дали е 18-то продолжение од Умри машки, Ѕвездени војни: Нова надеж или романтична комедија.

Носот го одморивме, сега е ред на раката. Не, ова не е гаџет за Порнхаб и екчуали, изгледа како корисна работа. Ние ќе чекаме поголема верзија, за ајвар.

Хилари за време на кампањата ги нарече гласачите на Трамп `deplorables` (отприлика: несаглам). Рози Одонел, жената немесис на Трамп, деновиве излезе со шпекулација дека малиот (10 години) Барон Трамп можеби е аутистичен. Демек она се секира, демек би било супер за свесноста околу ова прашање. Нема она гајле што шпекулира околу здравјето на дете. Заради вакви работи, покрај другите утки, демократите изгубија.

Има нешто што по основа на географско потекло и пракса се вика "холандско посегање" и иако звучи како име на многу конкретен фетиш, всушност е потег кој ќе помогне околу еден од најголемите стравови на секој градски велосипедист - да не му отвориш врата од кола пред нос.

Бројките се американски, праксата не е исклучиво американска или и кај нас локално непозната.

Може не е интересно за работа, ама за гледање е магично. Исто така многу објаснува и за тоа како низ светов им успева „сè да им е чисто ко вчера да е правено“.

Изборната ноќа ја преспал и утрината сфатил дека ништо не му фали што не знае. И оттогаш одбива да дознае, избегнува секакви медиуми а кога е надвор, става слушалки и носи плочка со напис "Не ми кажувајте кој победил". "Многу е мирно во моето балонче на незнаење," вели зен мастерот.

Се нашле тие двајца, ама, на салата. А со салата не започнало ниедно успешно сојузништво во историјата. 

За тие што не го знаат, Нејт Силвер е страшно добар статистичар, кој спектакуларно многу утна годинава на претседателските избори, и ова не му е прв пат. Неговата одбрана е "јас ги земам бројките од анкетите, не ги правам анкетите". Прашањето од Ноа е, па што земаш глупи бројки.

После видеово, бабата во вас ќе си помисли "Дејвид сине, што не учеше школо да не треба вака да се мачиш?"

Човеков со голи раце и без заштитна опрема чисти улични шахти и одводи од куќите, и без разлика колку е нечовечка и понижувачка работата во земја со над милијарда луѓе тој не може секој ден да најде ангажман, делумно и затоа што неговиот занает (во идентични услови) во земјата го работат уште 1,3 милиони луѓе.

Минатата година еден лик на интернет (успешно) се обидува да направи седнвич со пилешко од нула. На крај за целиот овој подвиг му требаат 6 месеци и 1500 долари (сè правеше од нула, од одгледување правење брашно за лебот за сендвичот до сушење на морска вода за да добие сол). Истиот овој сендвич инаку се продава за околу 2 долари (стотина денари). Бонус, британска репортажа од 70-те, за генерацијата Американци што никогаш нема да го осетат вкусот на вистинско пилешко.

„Либералите беа бесни на Трамп и го искажаа својот бес во сајбер-просторот. Тоа немаше никаков ефект бидејќи алгоритмите се погрижија тие да им се обраќаат само на луѓето што и онака се согласуваа со нив“, порачува Адам Куртис во својот документарец за Бибиси, Хипернормализација. Филмот е излезен во октомври, кога сè уште никому не му се верува дека Трамп воопшто е републикански кандидат за претседател на САД.

Клучно за снимката е што е направена на остров кој толку нема контакт со човечка цивилизација, што животните се уште немаат научено да се плашат од луѓето, па човек може да ги снима сред работа. Втора клучна работа е бебе игуана кое мора да мине преку змијско гнездо за да дојде до своите родители.