Пред скопјани да почнат да се бунат и да објаснуваат дека најубаво е нивното село: ова е избор на Форбс. Тие го прогласија Бајбури за најубаво село на светот за 2025 година. Се наоѓа во руаралната област Котсворт во јужно-централна Англија. Идиличен предел со куќички од камен во боја на мед, пасишта, мрзлива река, патки, пастрмки, раат. Ех, раат. Сега кога ќе нагрнат туристи.....

За фотографиите и снимките од Украина: Ужасни сцени на кои никој не може да остане рамнодушен и важно е да ги нареќеме воени злосторства. За фотографиите и снимките од Газа: Не е паметно политичар да гледа фотографии и снимки и веднаш да суди за нив. 

Чујте ги предупредувањата на ланскиот добитник на Нобелова награда за физика, Џефри Хинтон за вештачката интелигенција: Наскоро со неа ќе може да се создаваат ужасни нови вируси и смртносни оружја кои сами ќе одредуваат кого да убијат. Никој нема идеја дали ќе можеме да ја контролираме но знаеме дека ако тоа им се остави на компании кои бркаат профит....  

Оваа мисла од римскиот историчар и полиитичар Тацит совршено одговара за постигнатиот мир во Газа и договорот за кој Трамп залудно се надеваше дека ќе му донесе Нобелова награда за мир. Од седми октомври Израел има фрлено околу 200.000 тони експлозив врз Газа, што е еквивалентно на речиси 13 бомби од Хирошима.

Американско -израелскиот AIPAC е најмоќната и најбогата лоби организација во САД која во раце го држи Конгресот, американската надворешна политика и што уште не. Единствените се кои не мора да се регистрираат како странска лоби организација а нивното влијание добива митски димензии. На нивна донаторска одиш со име и баркод, ако им се бендисаш, одма те скенираат, како да набавиле месни нарезак од рафт.     

И таму стигаат лоши времиња, парите не стигаат ама реакциите им се различни. Во градот Швабиш Гмунд, локалните власти се пожалиле дека градскиот буџет е под притисок па школите и учениците мора да помогнат. И ене ги сега, после часови дечкине метат, проаѓаат со џогер и празнат канти. Ние ќе се удавиме во ѓубре. Ама па и тие, како не им текнува да се прашаат зошто државата нема пари за чистачки а има за илегалци?

Стриминг сервисите како Нетфликс, Дизни, ХБО, доживуваат пад поради фрагментацијата на содржината (треба да се претплатиш на неколку за да го најдеш она што некогаш го имаше само на една), скриените трошоци, проверките за споделување лозинки.... Во такви услови пиратеријата експлодира. Лани пиратските сајтови биле посетени 216 милијарди пати, со милијарди долари штети за индустријата и десетици илјади отпуштања. Трендот го предводат Ген З. 

Русите со (first-person view) дрон го надлетааа украинскиот град Краматорск и го збуцаа во празна кола, чисто да покажат до каде може да стигнат. Овој дрон не е подложен на системите за оневозможување на сигналот бидејќи наместо со радиоврска, се контролира со оптичко влакно со кое дронот директно е поврзан со операторот. А може да тегне десетици и десетици километри влакно.     

Бидејќи културниот и интелектуален простор на екс Југославија одамна е парцелизиран и затворен во малите балкански трла (овде само шундот не признава граници), Мухарем Баздуљ зборува за четири важни регионални интелектуалци чија работа не треба да се пропушта. Еден (спојлер: една) е од Македонија.

Тоа што никогаш не закачил ковид, најбогатитот доктор на светот доктор Сун-Шионг го препишува исклучиво на неговата стратегија за јакнење на одбранбените Т-клетки и имунолошкиот систем кој се базира на таа клеточна заштита. И да добие коронавирус, тие клетки би го уништиле и би го исчистиле организмот. Фаучи и другите одиграле поинаку.

Без разлика на кој јазик зборува во моментот, Сергеј Лавров секогаш го разбираме што сака да каже, за разлика од Урсула, Борел и другите ЕУ Езоповци. Значи вака: ако руски дрон забега во туѓ простор, домаќините имаат право да му прават што сакаат. Ама ако странски дрон забега на руска територија, некој ќе зажали (додуша, Русите бааги се цапнаа во Украина ама тоа е долга приказна).

Перјаницата на воук левицата во американскиот Конгрес, Александрија Оказио Кортез, и натаму е трауматизирана од нападот и упадот во Капитол на 6-ти јануари 2021 година. Вели дека дента била смртно уплашена не само дека ќе биде убиена туку и силувана. Фан факт: Кортез не била физички присутна во зградата на Капитол тој ден.  

На Волстрит и во неколку други градови во САД и Европа неодамна осамнаа слики од најмладите жртви во Газа. Изложба како како суров и директен потсетник за тековниот конфликт и пустошот наметнат врз невините животи во Газа, особено врз децата кои претрпеа огромни жртви и трауми. Никој не останува рамнодушен. Освен оние што не треба да се рамнодушни.

Првпат во историјата на Квебек, на тројца мажи кои живеат заедно во полиаморна врска им било дозволено да посвојат дете. Надлежните служби им дале тригодишно девојче. Двајца од нив веднаш добиле правен статус на родители а третиот започнал процедура за истото. Во меѓувреме, може да биде вујче. Или вујна, ако така се осеќа човекот.

Под притисок на едногодишната истрага на упорниот конгресмен Џим Џордан, Гугл призна дека цензурирале за време на администрацијата на Бајден, особено за време на пандемијата и изборите. Пишавме дека скинале над 8.000 канали и илјадници „штетни и погрешни“ видеа за изборите, па да додадеме уште една бројка - во координација со Бајден и Фаучи, имат снемано МИЛИОН ковид видеа.

Илан Волков е прочуен диригент кој бил и главен и гостин диригент на многу познати оркестри во светот. „Доаѓам од Израел, живеам таму, го сакам, тоа е мојот дом, но она што сега се случува таму е монструозно и ужасно, надвор од секоја замисла“, кажа тој на настап во Ројал Алберт Хол повикувајќи го светот да интервенира бидејќи „Израелците, Евреи и Палестинци, нема да можат сами да го сопрат тоа.“

Насловот можда е „клизачи“, ама сцената е тажна до небо. И тој некогаш бил дете.  И тој некогаш сонувал дека ќе прави големи работи во животот. Во којзнае кој момент влегол во лош круг и не излегол од него. Еден од илјадниците наркомани во САД, зависни од синтетички дроги, особено фентанил, кој па уште го мешаат со транквилизатори за успивање животни што ги води во неприродни кататонични пози. Ах бе дете....  

Во Авганистан сегрегација меѓу мажите и жените е толку ригорозна што повторно цвета една стара практика наречена „бача бази“. Возрасни мажи се забавуваат со млади момчиња облечени како женски, пошто таквиот контакт идиотите го сметаат за помалку неморален отколку со жени. Адолесцентите, најчесто од сиромашни фамилии, се принудувани или уценувани за да ја играат таа улога а некои од нив се држат и како сексуални робови.  

Со СМС- и, објави на социјални мрежи или со фамозното „тропање по кров“ (мала граната паѓа на кров на некоја зграда, што на луѓето во неа им дава до знаење дека објектот ќе се рекетира), израелската војска „хумано“ известува дека нечиј дом ќе го нема за неколку минути. Па што спасат - спасат.  Етет така се „живее“ во Газа.

Екс- офицер на ЦИА ја кажува следнава приказна: како американски државен секретар, Хилари Клинтон го прашала првиот човек на Вселенската патријаршија дали би ја признал Украинската православна црква за автокефална. - Не можам, тие цел милениум се под јурусдиција на Руската, рекол Вартоломеј. - А 20 милиони долари ќе помогнат ли?  

Безалел Смотрич, заедно со Итамар Бен-Гвир, се најекстремниte израелски министри но од нив зависи судбината на кабинетот на Нетанјаху. Игнорирајќи ги чудовишните страдања на луѓето од Газа, Смотрич вика дека идејата е со Газа да се наплати војната која скапо ги коштала. Бизнис планот за (пост-геноцидна) Газа веќе е на масата на Трамп, а сега биле во најскапата урбанистичка фаза- рушењето.    

Шпанскиот надреалист цел живот ги има обожувано носорозите, сметајќи ги за небесни суштества. За нивната кожа тврдел дека има „божествена гранулација“ а особен фетиш му бил рогот и неговата „совршена спирална конструкција“ која во источната митологија се поврзува со сексуалната потенција. Во основно најверојатно би добил кец по ликовно, затоа што „ја утнал темата.“ 

Позната е онаа ваа библиска рефренца за „словото“ како светлина. Душа дало за зафрканции. На пример, ако немало ништо па по наредба на врховниот одеднаш се појавила светлина, тоа ваљда значи дека и натаму немало ништо, ама сега тоа ништо било, хмм, осветлено. Шала на страна, што ако воопшто не се зборува за почетокот на светот туку за почетокот на човекот?  

Повикувајќи се на проценки на полицијата, Гардијан јави дека на протестите организирани од Томи Робинсон (начелно за одбрана на слободата на говорот а во суштина против миграцијата), имало 110.000 присутни. Хеликоптерска снимка покажуваа побајаги луѓе. Нa пример, Вембли собира 90К. Замислете Лондон да изгледа вака после секој голем фудбалски натпревар или концерт.