Дечки од Виетнам посветуваат 365 дена за да направат свој Бугати Широн со помош на глинени калапи. Се наредија зналци дека кола од глина ќе се распука како вазна на првата тумба и дека ќе треба вагон бензин за да го движиш тоа кабасто глинено чудо. Полека.

Од рубриката „размазени сте затоа што немате видено полошо“, сообраќајот во Виетнам од птичја перспектива. Не дај Боже да да дојде време ние вака да се разбираме во сообраќај, ќе треба НАТО да интервенира на секоја една раскрсница низ градов.

Си го возиш камионот и одеднаш - цап! - му пука осовината! Ништо де. Викаш пар другарчиња и викаш, фатете малку да ја вадиме, ќе ја носиме кај човек што има машини и електроди. Чиста работа. 20 минутно видео.

Сме виделе тесни премини за кола во тоа глупите новоградби (во Кисела вода, на пример), ама ваква рационализација на бројот на чекори потребни од кола да стигнете до дома, немаме видено. Единствен начин да му ја украдеш колата на стариов е прво да му провалиш дома. 

Се работи за видното поле на камионџија, и ова е многу важно да го погледнат: пешаци, велосипедисти, луѓе на електрични скутери, луѓе на веспи и останати категории. Бонус категорија, возачи на коли кои возат многу залепени пред или зад камионот.

Конечно на инаку килавата видеотека на Прајм на Амазон стигнува нешто возбудливо. Пандемиска епизода на Гранд тур, со Џереми Кларксон. Триото стварно ги знае сите финти за да ве задржи пред екран, дури и да немате фетиш на коли.

Не да гори, пржи. Притоа, изгледа како да ги компензира сите штетни гасови кои не сте ги пуштиле во атмоферата кога сте го возеле него наместо некој стар дизелаш. Ова е некој Хрват, огорчен што тротинетот му изгори пред очи, ама па и малку среќен што не му бил оставен во кола.

Во некоја припиздина во рурално Кентаки, имало крстопат на кој се случувале бааги сообраќајни незгоди. За да го решат тоа, ставиле кружен тек. Ене ги, уште вртат.

Да разубавуваш Ламборгини се чини како ерес еднаков на идејата на летна манџа да ѝ ставаш јајце но баш тоа му е ќеиф на Шиничи Морокоши од Токио кој има изградено империја од правање кастом Ламборгинија (customised e заеднички збор во македонскиот и јапонскиот јазик). Ги зема и ги прави џиџани, со штрасови, светки и сè што дополнително вришти, за кога ќе те сопре полицаец, да не те праша за возачка и регистрација туку дали може да се слика со него.

Важно човекот заврши работа и ова лепи пасент, па поуката не треба да биде „е затоа плаќаш 30.000 евра повеќе“, туку „а и вака можело?“, ама вие како сакате.

Добредојдена е и нè весели секоја функционална и апликативна вредност на нашите браќа од истокот која нема да се сведе на дрвење, плач или стрвост по Македонија. Што би фалело на еден ваков бугарски апдејт во автомобилската индустрија? Па нека си бидат с'шт народ, во многу коли.

Како прво, треба да одвоите еден милион долари, а знаете како е со денешните плати, што попорво. Потоа решавате да ја префарбате во боја која ви се бендисува. Но, тоа е само почеток.... Спојлер, ергела најскапи спонзоруши е поевтина опција.

Да беше видео игрица, лесно ќе се раскажеше. Возиш најлабаво на свет во своја лента, одеднаш нешто те учукува и те враќа едно ниво подолу. Само што, за жал, не е видео игрица.

Прославениот возач на Формула 1, Рикардо Патрезе, ја зема својата сопруга „да ја сврти крукче“. Вози Хонда сивик. Кутра жена.

Во една мото трка човек има три опции: да не падне, да падне и да падне и притоа да го изгуби моторот.

Дечките слушнале дека со Лада Нива не можеш да заглавиш па запукале по ниви и полјани. Заглавуваат во една ама упорно турираат. Два часа подоцна, ни Ладата ни нивата веќе не можеш да ги запалиш. Пошто веќе се.

Изумителите имаат (правна) потреба да нагласат дека нивниот гаџет не е поврзан ниту поддржан од Тесла. Ќе видите зошто.

Деветмина кондиционо спремни велосипедисти поштено педалат 20 минути за на Тесла да ѝ дадат струја доволна за -  2 километра. А ако сакате да наполните Тесла со иста брзина како брзите полначи, потребни ви се преку 1.300 веосипедисти.

Кога ќе наидеш на некој абдал кој пијан заспал на волан сред улица, логично е да помислиш дека треба да го разбудиш. Ама па за него е логично да продолжи да тргне кај што застанал пред да заспие. 

Поучно видео со неколку корисни финти за тоа на која далечина треба да го подесите своето возачко седиште, на која висина да е воланот и потпирачот за глава,

Лошо, полошо, дечково. Во снимањето на видеото повредени се стотици цигли, луѓето ок се.

Да не знае човек на што попрво да се одушеви: на спектакуларните вештини на Фабио Вибмер, на одлично скоцканото видео или на тоа какви раат градови има за возење точак.

Откако Тесла отиде на Нурбургринг да го руши рекордот на комплетно електричното Порше, и доживеа дебакл, заминувајќи си без да сподели ниту една статистика, Топ гиар реши да ги проба двете коли на права писта. (Да, Поршето е два пати поскапо од Теслата, ама сега не броиме тоа.)

Ако постои курс по анатомија на руски видеа на интернет, ова видео го пуштаат на прв час како успешен пример за клип што ги опафтил сите елементи: лошо паркирани коли, тенк, сообраќајка...