Време на подготовка:
15 мин.
Време на готвење:
15 мин.
Вкупно време:
30 мин.
Порции
20 лица
Состојки
- 200 гр. путер несолен
- 85 гр. шеќер
- 85 гр. кафеав шеќер
- 1 јајце
- 225 гр. брашно саморастечко
- 50 гр. црно чоколадо
- 50 гр. бело чоколадо
- 100 гр. вишни (може замрзнати)
- сол
Подготовка
Загрејте ја рерната на 200 степени. Чоколадото и вишните исецкајте ги на крупни парчиња. Со миксер изматете го путерот, шеќерот и јајцето додека не добиете еднолична смеса. Додадете го брашното, чоколадото, вишните и половина лажичка сол. Промешајте со лажица додека не се изедначи смесата. Од оваа смеса ќе добиете околу 20 колачиња. На плех ставете хартија за печење и со лажица формирајте кружни форми. Колачињата треба да имаат простор помеѓу нив, бидејќи во текот на печењето може значително да пораснат. Ставете го плехот во рерна и печете 10-15 минути додека колачињата не добијат златно жолта боја. Извадете го плехот и оставете ги колачињата да се изладат пред да ги послужите.
