- Jун Олаф Фосе (1959) е добитник на Нобеловата награда за литература за оваа година. Роден е во Хагезунд, Норвешка. Сериозна несреќа на седумгодишна возраст кога бил соочен со речиси сигурна смрт имала големо влијание врз неговото подоцнежно творештво. Завршил компаративна книжевност. Неговиот дебитантски роман „Црвено, Црно“ бил објавен во 1983, а првата драма „И никогаш нема да се разделиме“ била изведена и објавена во 1994.
- Нобеловата награда согласно соопштението на Кралската академија му се доделува „за неговите иновативни драми и проза кои го изразуваат неискажливото“.
- Неговото име непосредно пред соопштувањето беше на врвот на списокот на можните добитници на обложувалниците.
- Вчера, 12 мај, беа доделени британските телевизиски награди БАФТА. Најголемо изненадување беше признанието за Тимоти Спал за главна машка улога (за серијата „Шестата заповед“). Во својата категорија тој ги победи Брајан Кокс за „Сксешн“ и Доминик Вест за „Круната“.
- „Шестата заповед“ доби БАФТА и како мини-серија. Најдобра драмска серија е „Top Boy“ (Нетфликс), а меѓународна серија „Class Act“ (Нетфликс), во силна конкуренција на „The Bear“, "The Last of Us" и "Succession". Серијата за британското кралско семејство не доби ниту една од наградите за коишто беше номинирана - четири актерски и уште неколку во другите категории.
- БАФТА за најдобро реално шоу доби „Сквид гејм: предизвикот“, а за настан во живо минатогодишниот Евровизиски пренос од Ливерпул.
- Несекојдневен музички настан организиран од Амбасадата на Република Полска, по повод Денот на Уставот, којшто ќе се случи на 11 мај (сабота) со почеток во 12 часот .
- Во Градскиот парк, на „Школка“, македонскиот пијанист Дино Имери ќе одржи рецитал на кој ќе изведе дела од големиот романтичар, полскиот композитор Фредерик Шопен.
- Идејата е и Скопје да се придружи на традицијата на реализирање на концерти на отворено какви што се случуваат во Полска, близу Варшава, токму кај споменикот на Шопен и неговото родно место, од страна на врвни, светски пијанисти.