Во Барселона игра нашата Наташа Андонова, а во Гинтра Универзитатес од Литванија девојките кои не чуле за она „моја“, кога повеќе од една оди на топка. Ај што загубија 6:0, што е најголем пораз во женската ЛШ, ама резилов поради кој не постигнаа почесен погодок е многу голем.

Стефан Спарања од Боависта толку многу се ушепртља што успеа место топката да влезе во гол. Ова негово промашување на годината во Португалија влијаеше и на резултатот. Неговиот тим загуби 3:2 на гости против Тондела.

Роберто Баџо не треба воопшто да тагува за трагичниот пенал против Бразил, бидејќи пред себе имаше голман. Несреќников е од Холандија трета лига.

Тагнувањето важи за сите вие кои имате другари кои обично во маало играле во одбрана, а вие во напад и често ви мрчеле кога не сте можеле да дадете гол, па се обиделе да ви покажат.

Милос Пибецки од Полска реагираше како секој нормален напаѓач што би реагирал кога има игра еден на еден со голман, но замислете тоа што го направи потоа да беше клучна акција за решавање финале во Лига на шампиони или Светско првенство? Па нема да смееше од дома да излезе.

Борна Петровиќ има само 19 години, игра во хрватскиот второлигаш Лучко, напаѓач е, ама има време може и ќе му ја сменат позицијата на игра.

Томас Андраде е 20 годишен фудбалер на Ривер Плејт кој или не е зрел или е несериозен. Абе земи искини му ја мрежата, не е ова балет.

РНК Сплит и Хајдук Сплит викендов одиграа 1:1, но резултатот можеше да биде во корист на домаќините ако Амер Дуповац не се посрамотеше од неколку сантиметри. Ова е потешко да го утнеш.

Постојат утки и утки, а ова на Сабри Сароглу од Галатасарај спаѓа во оние најлошите, кога некој може да настрада во публика, а сите останати ќе му пукнат сеир за ударов.

На волку важен меч кој може да биде еден од клучните за титулата, необјасниво е како може играч како Фирмино кој игра во одлична форма, да гаѓа во небо, од ситуација која беше како измислена за гол.

Видете вака. Ние можеме да направиме топ листа на 50, а можеби и на 100 најголеми промашувања со видеа кои сме ги објавуваме на сајт, ама никој нема да може да му парира на дечково од српскиот нисколигаш Локомотива за кој ќе чуе и ќе го види цел свет.

Во ситуација кога имаш златна шанса да искористиш грешка на противникот, стануваш најголем лузер на мечот.

Мао Биао го има најсвежиот пример на ситуација во која е потешко да се промаши отколку да се даде гол.. Се работи за меч од кинескиот куп и шанса при водство на неговиот тим од 7:1 во која не е работата до резултатот, него до тоа што успеа да и ја земе улогата на топката.

Аубрај Нгома после оваа утка треба за казна да му дадат на тренинг 100 пати да ја изведе истава акција, ама на мали голчиња. Неговиот тим губеше 2:1 и после промашувањето го израмни резултатот, ама израмнувањето требаше да биде во овој напад.

Доминих Строх е ликот кој не спиеше изминатиов викенд после порзот на неговиот тим Дармштад од Фортуна Диселдорф, бидејќи со левата реагираше аматерски. Тоа не потсети на најјаката завршница со лева нога.

Голем дел од најдобрите голгетери доаѓаат или играат во Јужна Америка, но и тие знаат да се посрамотат. Ова се десетте најголеми јужноамерикански утки за изминатава година.

Борусија Дортмунд се намачи против Олимпик Марсеј и се провлече дури на три минути пред крајот, а работата можеше да биде многу поедноставна и завршена многу порано ако Роберт Левандовски не се посрамотеше на овој начин.