Четворица македонски навивачи на Лацио ја видоа во живо перверзната голманска реакција на Иван Проведел, кој во стил на врвен специјалист со глава, му донесе голем бод на Лацио во ЛШ против тврдиот Атлетико Мадрид. Велат дека тоа било земјотрес, исто како на градското дерби 2011-та, кога Мирослав Клосе ја расплака Рома во 93-та минута.

Голманот на Лацио стана само трет во историјата кој успеал да постигне гол во Лигата на шампионите. Не му е прв во кариерата. Истото го стори и во дресот на Асколи во 95-та минута и му донесе бод на својот тим на мечот против Јуве Стабија.