Турција и Грузија го одиграа најинтересниот меч од стартот на Еуро2024. Паднаа четири гола а можеа уште толку. Турција славеше 3-1 а два од три гола им беа чуесија од евроголови. Арда Ѓулер, бисерот од Реал Мадрид го даде најубавиот погодок на цел турнир.

Во соседското дерби меѓу Украина и Романија, Романците први стигнаа до водство. По една грешка на украинските фудбалери капитенот Николае Станчу постигна страшен гол од далечина за делириум на трибините кај што се романските навивачи.

Шпанија уште во прво полувреме ѝ одржа лекција на Хрватска и водеше со 3-0, резултат со кој на крај и заврши мечот. Коцкестите го одиграа можеби најслабиот меч на големите турнири во последните дваесетина години а тоа ги погоди нивните навивачи.

Барселона со Чави полека се врати кон своите извори, во Ла Масија, школата од каде излегоа најголемите бисери на клубот. Од таму неодамна во прв тим стигнаа и Ламин Јамал, во моментов најталентираниот млад фудбалер на светот и стоперот Пау Кубарси. Двајцата буквално од школски клупи одат да играат на највисоко ниво летово.