Со оглед на тоа како изгледаат нашите градови, гарант и кај нас има стотина вакви баби штеточини кои шпартат дење-ноќе и прават белји. Само што нашиве мора да се нинџи па се невидливи. 

Се вика Тармо Круусимае и е пратеник во естонскиот парламент. Несвесен дека му доаѓа ред да дискусија и дека во таа ситуација, оди во директен пренос, колегите го фаќаат во опуштена атмосфера: во кревет како пафка од вапот и слуша музика, лефтерно следејќи седница.

Денот на австралиската воена морнарица бил одбележен и со денс група на згодни девојки кои им тверкале на ветераните и другите присутни. Кај нас генерал крши керамиди со глава. Еј животе, достоинство теракотно.

За сите оние кои познаваат некого кој порано бил лут металец а подоцна животот (домашни забави, шабански кафани, пијани слави) го натерале да забега во нешто похардкор, еден прекрасен богохулен мешап од Дип Парпл и Аца Лукас. Миксот првенствено е посветен на тој непознат пријател но нека слушнат и оние силни активисти кои се испозакачија на буџетски ухлеби, како на нормално уво му звучни нивното шизофрено препелкање.

Од ланскиот октомври, њујоршката полиција почна чат-пат на терен да ги вади своите нови службени кучиња кои наместо со гени, инсктинкти и тренинг, се опремени со камери, светла и сензори. Почетна цена на џукелата е 75.000 долари, ама ако те види, има засекогаш да те запамти со сите твои пиксели. За „дај рака“ се доплаќа.

Можеби не ја знаете, а можеби е време да се потсетите. Реклама за ЈАТ. Со кој сè не.

Утешно е кога ќе чуеш дека дури и на Џегер му е исто како на тебе во пандемија па братски сочувствуваш кога ти се исповеда дека од досада учел ТикТок денсови, почнувал да готви и го пиздел фејк звукот од трибини на спортски утакмици (и немал што да облече?). Сето тоа спржено со гитари, бас и бубњеви на Дејв Грол. Eazy Sleazy, пандемискa соло песна на 77 годишниот рокер, првa после 2017.

Со музика за 60 филмови, 50 серии, 600 спотови и 300 часа телевизиска музика, звукот на Зоран Симјановиќ е чипиран во сите оние кои растеле или следеле југословенска кинематографија. Со музиката за „Сјај во очите“ добива награда во Монте Карло, победувајќи го Енио Мориконе. Во 1983 година, заедно со Ив Монтан, станува почесен граѓанин на Валенсија. Симјановиќ почина во Белград, заразен од коронавирус. 

Зошто одиш со колути напред? Што знам, така научив уште во прво-второ одделение.

Нели беше најден глушец во храна од наш маркет па сите се згрозивме. Некој на заебанција кажа: ако глушец имало во КАМ, што ли има во Рептил?. Одиме во Тајван, во еден тамошен дуќан. Брр....  

Доаѓа време кога синот ќе порасне па редно е татко му да му објасни некои работи од светот на возрасните. Порано можеби на децата им било малку незгодно да слушаат како татко им зборува за секс. Денес е таа сцена доста поинаква.

Новата ѕвезда на бугарската политичка сцена, го имаме регистрирано уште на он.нет, кога се пробуваше како певец. Му објавивме видео спот за кој го пишавме ова:

Добро бе, па на никој ли не му дојде да паркира малку на тоа црвеното, со четири жмигавци да почека некого, „одма ќе дојде“?  Или набрзинка да скрати преку црвеното? Како воопшто живеете такви? Можеше да побараме каде е ова, ама повеќе сакаме да веруваме дека е некоја измислена земја со измислени луѓе.

Ноел Галагер од Оазис, за неприлагоденоста на својот брат Лијам има кажано: „Во свет од супа, тој е човекот со виљушка.“ Тек овој да му беше брат.

Расел Џонс од Британија, не само што сјебал нога па морал во гипс, туку забележал дека и неговото куче почнало да куца. После 300 фунти дадени на ветеринар, сфаќа дека со песот сè е во ред и дека куца од чиста солидарност со него.

Жена снимила како нејзиниот вујко го вакцинираат на жими мајка. Сестрата го боцка човекот ама не му вбризгува ништо. Нејасно е зошто воопшто би го правела тоа (ја чува вакцината за свои луѓе?) ама службите ја признале грешката. Веста е од Мексико. Значи, не може наш човек да отиде некаде а да не ги научи домаќините на некоја вештина.

Репортажа од Каракалпакстан (три пати треба да прочиташ за да видиш дали добро си напишал), автономна област во северозападен Узбкистан (имаат право на вето). Нè мавна флешбек, изгледа провинциски и запуштено баш како ние (Скопје, Македонија) во 90-тите години. Не дека ние сме пркнале а тие не, туку што ни сега сме провинциски запуштени и на многу потрагични начини. 

Србија дочека момент да ја има на CNN а тоа да не биде за бомбардирање или некоја друга беља. 10 минутен прилог за државата која стана регионален хаб за вакцинирање. Значи, можело и така.

Пуштете звучници на јако за да осетите како звукот на Тројка и нивната изведба на „Македонско девојче“, барем за кратко ги пополнува сите пукнатини и фуги кои ни ги прави општата мизерија во која живееме.

Наместо да се пробудат „морните копачи и копачки - на трудот црн народ“, како што се надеваше Рацин, ние дочекавме да се пробудат, разбудат и освестат саде токмаци и лајави крелци. Еве ја неа, наставничка во основно, излегла на ТикТок за да го претстави најновиот доказ за постоење на белите привилегии - ханзапластот. Дабоме, бојата на ханзапластот.

Знаете како изгледа лист хартија од А4 формат. И дека тој лист има два А5 листа а тие имаат по два А6 листа. И обратно: два А4 се еден А3, двојно поголем е А2 па доаѓа А1 па А0. Е сега, одиме кон универзумот.

Да видите само во каков совршена хармонија е светот на алкохолот. Само мало пореметување на тој префинет баланс и отиде све у мајчина. Тоа човек го знае од искуството со онаа непотребна „ај по уште“. Овде тој „џинџер дисбаланс“ го имаме хардверски.

Језиво кога ќе помислиш дека за некои деца (и тоа во цивилизирани земји) и ова е брутална реалност. Сцена од минувачка која случајно спасува англиска ученичка која бива одведена од школо за орално да го задоволела монструмот. Ретко објавуваме вакви вознемирувачки содржини ама заради памет во глава; да не заборавиме во каков свет живееме. 

Во Советскиот сојуз имало кривично дело паразитизам за кое се одговарало заради неправење ништо корисно ни за себе ни за другите. „За такви нема место во нашата заедница!“,ќе порача државниот спикер. Вака изгледало судење на еден таков лик кој денеска би бил легитимен твитерџија, инфлуенсер или регуларен кмишач на социјални мрежи.