Мора да продолжиме да купуваме нафта од Русија бидејќи ако не купуваме ние, Русија ќе ја продаде таа нафта на други и така ќе дојде до нови пари. Со други зборови, никој друг не убедивме да не купува од Русија.

Поо повод полициското претепувањето на Родни Кинг во далечната 1991 година, настан што беше повод за големи расни протести во цела земја кои се сметаат за зачеток на БЛМ, Џо Бајден, тогаш сенатор, се исчудува како тоа признание дадено под ќотек од полиција, не се смета за валидно на суд. „Море, беси го!“ ќе каже денешниот лидер на слободниот свет.

Азовстал не е железарница или челичарница, туку е „металуршки комбинат“ кој во себе вклучува неколку челичарници и железарници, плус железница и којзнае каква сè инфраструктура, и оваа монструозност се простира на над 11 километри квадратни или во наши мерни единици цел Центар и Чаир заедно (7,5 + 3,5 километри квадратни).

На 37 годишниот професионален сурфер приликата му се погаѓа во португалски води во октомври 2020 година. Биле потребни 18 месеци тоа да биде верифицирано од група научници и експерти од Гинисовата книга на рекорди и признато како највисок бран по кој човек досега сурфал. 26 метри. 

Како дел од нула-ковид борбата 25-милионскиот Шангај е под целосен карантин од почетокот на април. Дозволен излез имаат само „клучните професии“, полиција, готвачи, медицинари и слично. Одржувачите на паркови не се меѓу клучните.

Оклопно возило на украинската армија пред или за време на бараж на руската артилерија и авијација ги товари своите соборици раштркани околу патот и гледа да фати некоја ладовина под шума. Давај, давај, давај, давај...

Аудиција за главната детска улога во филмот на Спилберг „E.T“, од 1981 година. На ред е Хенри Томас, тогаш 10 години (денес 50). Неговата аудиција не завршува со стандардното „Ќе им се јавиме на твоите родители да ви кажеме што сме решиле“ туку со „Добро е мали, ја имаш улогата.“ До толку е добар.

Тенковски гранати полнети со по 1.000 летки со детални упатства за предавање (и зошто да се предадат и како да се предадат) секој ден се испукуваат кон украинските позиции на фронтот во Луганск. За сега не се знае колку вршат работа.

Генерално на политичари мислиме, особено овие инфлуенсериве. Еве го чика Бајден, му треба маска додека сам се симнува по авионски скали, ама затоа истата ја вади веднаш штом се сретне со луѓе да се поздравува и муабети. Логика.

Арон Краскал не може да се издоначуди, а богами ни ние. Една млада, тенка Азијатка, јаде некои огромни краставици, јаде дузина варени XXL јајца, срка една преполна здела супа со тоа нивното фиде. Што јаде, бута бре! Пазете го него колку е искрено фрапиран од оваа стварно неверојатна сцена.  

Тоа вртење по некоја друга додека одиш со својата е една од оние ситуации по кои обично следува дрвење, пошто жени тоа непотребно го драматизираат а притоа покажуваат и верско непознавање (што је лепо и богу је драго). Кога за тоа ќе се пожалат на поискусни другарки, тие обично ги тешат: „Уште е млад бе, ќе му помине тоа“. Да, а?

Перфектна манифестација на моќта на потсвеста (особено кога е во колизија со дискредитирана свест), совршено материјализирана во изјава на еден американски претседател. Џорџ Дуплове реши да проговори за руската воена акција и „одлуката на еден човек да започне неправедна и брутална инвазија на“... погодете кого?

На предавање пред полн амфитеатар на МИТ, Стив Џобс изваден од памет од мнозинството консултанти меѓу присутните порачува: Ако ги немаш лузните од грешките направени како сопственик на нешто, си научил само делче од тоа што има да се научи.

Руското министерство за одбрана објави дека од понеделникот вечерта до денес над 950 борци од опколената челичарница во Мариопул им се предале на руските сили. Информацијата до сега не е потврдена од украинските власти. Се уште не е познато колку вкупно украински војници има во Азовстал.

Вован и Лексус, пранкерите кои го возеа Заев дека зборува со украинскиот претседател Порошенко, за утре, 19 мај, најавуваат нов видео-заеб, овојпат со 43-от претседател на САД, Џорџ Буш помладиот, човекот за кого на Он.нет имавме посебна рубрика „Бушалаштини“. Како наоѓаат да удрат сè на генијалци?

Ако сте од „тимот Амбер“ (има ли воопшто такви?) фаќајте сеир како ќе преживува Џони ако го изгуби судскиот случај против неа (тој ја тужи за 50 милиони, таа контра за 100). Ако сте од негова и верувате дека поротата ќе сконта колку е она фејк, тогаш лабаво: пазете како овој цар маестрално го има скинато манирот на Џек Спероу.

Американско пропагандно видео од 1939 за Финска. Освен што не е во 4К туку во црно-бела техника, останатото е копи-пејст исто ко денес. Запад нуди помош, Америка дава чекови, се спомнува питомиот народ и големите личности кои ги изнедрил. Сè е факинг исто, а што очекувања имавме од овој 21 век. 

Мешана штафета на атлетското првенство во Доха. Мешана по системот две машки, две женски, и секој бира по кој редослед ќе ги пушти. Полска, за разлика од сите други почнува со двајцата мажи, па за крај ги остава двете жени. Благодарејќи на ова, во последната измена влегува со 5 секунди предност.

Принцип на рамноправност и несметање гласи: никој не те запира да јадеш трева, немој и ти мене да ме запираш да јадам месо.

Повикувајќи се на украински извори, Ројтерс јави дека украинските војници кои го бранат Харков до толку жнеат успеси на бојното поле што успеале да стигнат до руската граница! Русите викаат, чекајте, имаме видео за тоа. 

Мат Волш направил филмче околу прашањето кое и инаку го поставува кога дебатира со транс-родови лица, на што обично одговараат дека „жена е сè она што го подразбираат оние кои се чувствуваат како жени“ (патем, тоа е логичка грешка позната како „циркуларна дефиниција“). Еден дедо бива прашан: Како знаеш дека си маж? Одговорот на стариот е олдскул.

Пошто пак се разгорува темата за абортусот, да споделиме едно мислење кое е по наша мерка. Ако сте верници, треба ги имате сите слободи да ја практицирате вашата вера. Меѓутоа, кога против абортусот ќе потегнете аргумент дека „така пишува во Библијата“, бидете спремни да дознаете дека не на сите им е гајле што пишува во Библијата. Јасно?

Тазе исфарбан со црвена боја пред споменикот на Советските војници во Полска, рускиот амбасадор Сергеј Андреев е пречекан од полски новинари со прашање на готовс за него: „Вие сте облеани со крвта на украинскиот народ, како се чувствувате?“

Швајцарија ја укина својата неутралност и отворено се стави на страната на анти-роштиљ глобалната оска. По повод Ѓурѓовден, наши („ајне Југославиен“) фатиле да вртат јагне во дворот на својата куќа во Швајцарија во која живеат веќе неколку години. Од никаде се појавува швајцарски екстремист со ПП апарат и алпинистички копач во рака. Судирот не завршува среќно за јагнето и за гостите.