Добро, се чудевме ние истото и кога им беше Џорџ Дуплове Буш (на Он.нет имавме рубрика „Бушалаштини“) и кога го изгласаа Трамп, ама сега, кога секојдневно гледаме во каква когнитивна кондиција им е Џо Бајден, не може а пак да не се запрашаме: Како е можно од цела онаа Америка, баш тој (уште) да им биде главниот?

Оние што ги маваш на бадмингтон а кои не знаеме како се викаат, треба да се аеродинамични, така? Е, така, ама како се постигнува тоа? Компјутерски, со софистицирани машини, со ОпенАИ? Не, седи една теткица и гледа кое перце со кое друго треба да ги сменат местата. Како во тоа успева, е, тоа е правата мистерија.

Одамна немаме видено експеримент од животинскиот свет кој толку директно и брутално го опишува нашиот свет. Ставете болви во тегла и оставете ги таму. По извесно време, тргнете ја теглата: никоја од нив не излегува од физичките границите на кои навикнала. Датуми за ЕУ, пруги кон Бугарија, кладилници, Звезде гранда, Фејсбуци... тегла си е тегла.

Бил Бур се зезаше дека жените фабрички се љубоморни на мажите затоа што можат да бидат среќни со мали и едноставни нешта. Ѕирнете една машка дружба после која ајваните дома тешко ќе објаснат на што тоа толку заглавиле синоќа и дека не е тоа што госпожата го мисли (види наслов). Фан факт: најкласично машки гледавме до крај, за да видиме кој ќе победи.

На најгледаниот водител на вести му се случува епифанија од типот „Данас отварам очи након свих ових година.“ „Замислете цел живот да сте во медиуми и одеднаш да сфатите дека сте дел од апарат кој служи за контрола на масите“ вели Карлсон и порачува: медиумите не постојат за да информираат туку да ѝ служат на мала група луѓе кои управуваат со светот.

Фан факт: Просечната брзина на рефлекс на мачка изнесува меѓу 20 и 70 милисекунди, што е побрзо од просечната реакција на змија која изнесува меѓу 44 и 70 милисекунди. Така да, нема што змија да ѝ се курчи на мачка. Само што, на ова уште не ѝ беше јасно, дур не ја пошљакаа.

Чак Норис посакал да погали некојси тигар. Само што се наведнал и почнал да го гали, ѕверот почнал непријателски да ржи. Дресерот издал упатство: „Стани многу пополека и повлечи се“. Да ви кажеме спојлер? 

Ако ваквиот наслов ви е нејасен и не гледате никаква логика во него, единствено алиби би ви било ако штотуку сте се разбудиле од долга кома и сте се нашле во оваа ера на родови флуидности и бескрајни самоидентификации. „Ако само треба да обзнанам како се чувствувам, без никому ништо да објаснувам, зошто не можам да бидам црна лезбејка?“ праша Морган една гостинка.

Светови кои меѓусебе можат да се сретнат само на фотографија. Колажно видео кое ефектно ја покажува шизофреноста на реалноста во која се живее на оваа планета. Што би рекла Калиопи, неком сузе, неком бисери. 

Мажите се, особено ако ги прашате жените, куп мани во движење или почесто, во седење или лежење. Фрлаат чорапи кајшто ќе стигнат, штотуку исчистена кујна знаат да ја избербатат за ништо, кај што јадат оставаат ронки зад себе.... Но, затоа тие имаат една тајна моќ која им овозможува да преживеат и тие и нивниот нервен систем. 

Смислиле кул сценарио за спектакуларна снимка. Едниот се затрчува, другиот веднаш по него, снима со ГоПро. Се доаѓа до работ на една провалија и се фрла во море, од застрашувачка висина. И првиот и вториот. Само не им текнало дека долу во водата можеби има некој кој нема да знае кому попрво да му се израдува од нив двајца.

Од еден обичен ден на еден ревносен инспектор за безбедност на детските игралишта. Ако пресериозно го сфатите видеото, следниот пат ќе им затворате очи на вашите деца кога минувате покрај некое такво катче. Особено што кај нас тие често имаат дополнителни замки кои можат да ги преживеат само мали нинџи.   

Бидејќи тој и таа (he/she) се малку, битието ќе ве научи како се користат заменките зи/зем/земселф. ВНИМАНИЕ: зи/зем/земселф се разликуваат од другата колекција „зи“ кои гласат зи/зер/зерселф. Објаснува нешто и за птиците ама тоа не го најразбравме, освен дека нејзиниот кластер не само што не се од еден од двата рода, туку не се и докрај луѓе (Олади ме птичурина! - Душан Ковачевиќ). На крај вика - лесно е. Џизс.

Стариот се има направено дрво, цајканот го фаќа во таква состојба и ваљда му вика да не мрда, додека тој отиде по дрегерот. Ова дрвово некако проценува дека сега е моментот за да се здаде в спектакуларно бегство и тргнува со трчање. Но, за среќа, во него е алкохолот кој го враќа на правиот пат.

Цајкан застанува возач на комбе кој го сомничи дека носи некаква дрога. Овој негира ама цајканот му вика, седи така, сега ќе го донесам службеното куче за да намириса. Не знаеме што точно помислил возачот ама требало загадочно да му каже: Птичар да не ти кучето?  

На планината Сан Бернандино во јужна Калифорнија цела минатата недела паѓа снег, а слична е прогнозата и за оваа недела. Тамошните жители и туристи веќе апелираат за помош, некој да им однесе храна и вода или барем да ги извади од таму. Пред само една недела, на крајот на февруари, 85% од Калифорнија беше во суша.

Германскиот амбасадор во Намибија му се пожалува на претседателот Хаге Геингоб на доминацијата на Кинезите во таа земја. Ги имало четири пати повеќе од германската дијаспора. Геингоб го истресе ко ќилим на шипка пред зграда.

Репортажа на Вајс за тоа како украинските нацисти ловеа „сепаратисти“во источна Украина. Се работи за личната пара-полициска единица на Олег Лијашко која успева да го најде и лиши од слобода про-рускиот Виктор Рибалко, кој организираше референдум за независност на Луганск. Па потоа Лијашко му се тура на шефот на регуларната полиција: Сакаш сега да те стрелам или подоцна?  

„Ова“ е воена машина за поддршка на тенкови под име Терминатор, меѓудругото опремена со 2 30-милиметарски топови. Тоа другото е некогаш здрава и исправна ѕидана куќа.

Кога Русија и Кина (Азија) ќе почнат меѓусебе да плаќаат во рубљи и јуани и ќе го баталат доларот. Кога доларот ќе престане да биде општа валута, тоа ќе биде знак за војна бидејќи е тешко да се види Америка како не управува со светот со санкции и сите оние полуги кои ги користеше последните 150 години. Сега сме до 40 посто.

Тој е Норман Гери Финкелштајн, професор од Принстон. Таа е сензитивна девојка од публика, длабоко погодена од неговата критика на изрелската политика кон Палестинците, па низ солзи ќе му каже дека не е потресена кога така да се зборува за Евреите кои имаат толку пропатено низ историјата. Така ли? Елај да ти каже чичо нешто за себе и своите.

Кевин Бриџис (многу ни прави ќеиф со маалскиот шмек) објаснува неколку правила до кои треба да се држи нормален човек кој се вози со автобус во неговиот град. Може да фаќа сеир ако патник и шоферот почнат да се ценкаат околу картата, ама ако стане озбилно, негово е да сврти поглед, да се загледа во некоја рандом точка на подот и да си дозволи да биде одведен на некое „среќно место.“

Колку треба да си арогантен па да веруваш дека заслужуваш да проживееш така што никој нема каже нешто со кое ти не се согласуваш или не ти се допаѓа?  Сакам да престанат да викаат „оваа заебанција е навредлива.“ Сакам да почнат да викаат „Оваа заебанција МЕНЕ ми е навредлива“.

Даблинерката Клер Дали е еден од ретките гласови во Европскиот парламент што упорно и доследно им прави незгодно на воинствените колеги кои галантно би гинеле до последниот Украинец. Потсетува дека лани на маса беше предлог по кој Русија ќе се повлечеше. Ама не, дотрча Борис Џонсон за да им порача да се тепаат.