Џими Кимел го има најјакото обезбедување на свет. Решил да ја реметат жената така што секој дента ќе и прави "да пукне". А таа - неприкосновена господарка на дружељубивоста! Или можеби е со нерегулиран престој па си вика: Ќути жено, може овде е така.

17 минутно видео за тоа како се прави Хефнер вилинскиот бас, оној што го познаваме по Пол Макартни (а го свиреа и Тина Вејмут од Talking Heads и студискиот цар Роби Шекспир). Рачно, занатски, со љубов, со знаење. Бтв, еден наш локален мајстор за инструменти го прашале како се прави ќемане. Тој им рекол: Еми, фанеш едно дрво, извадеш сè што не е ќемане и - остане ти ќемане! 

Знаеме дека животот ја имитира уметноста ама мораше ли на нашиве животи да им се паднат баш Симпсонови? Во Спрингфилд доаѓа скулптурата на Давид од Микеланџело. Загрижените мајки (Марџ им е потпарол) оценуваат дека ремек делото е максимално вулгарно и дека треба да му се облечат фармерки. D'oh!

Пренапалени активисти (за која било кауза) знаат да бидат најдосадните тролови на планетава. Не опасни, не одвратни, туку баш така, досадни. Затоа што она што прво им го убива каузата (национална, сексуална, асексуална) е смислата за хумор.

Еден од најпознатите готвачи на светот, Гордон Ремзи, на некој добротворен натпревар во Англија. Против него, легендарниот Теди Шерингам, кој во 25 години кариера нема направено ваков фаул.

На 31 март 2012-та година, едни од најдобрите гласовни таленти на планетата Земја се собраа за да ја оживеат трилогијата Star Wars. Саат и и дваесет минути, тотално уживање во една фантастична радио драма.

Иако поштуеме добра тепачка (нема ништо подобро од добар нокаут, освен можеби Тифани Томсон), главно на сајтов не ги објавуваме, да не се напнуваме непотребно. Правилото важи - сè додека на наидеме на ваков удар! Прецизен како ласер и неминовен како божја казна! Бам!!! Топаловиќи би рекле: Убиј ѓубре!

Нам глупите никогаш не ни е јасно што може ново да се смисли на светов. Ќе не препознаете по тоа што стално прашуваме: Леле, бе, што ќе им биде следно? И после, кога ќе го извадат тоа "следно", викаме: Да беее, како не ни текна! Е па, не ни текна затоа што сме глупи. Да, имаме видео "од едно следно".

Уште едно јавно запросување на кое и најголемите мрчатори (=оние кои поседуваат универзална дефиниција КАКВО ТРЕБА ДА БИДЕ запросувањето) тешко ќе му најдат мана. Шармантно, амбициозно и весело! Да сум жена, вака би сакал да ме запросат. Само со друга песна, да ги видам сите можни блиски како ми глумат спот на Марјан Стојановски.

Обожавател го замолува Бил Муреј да му даде автограм. Овој го одбива, и наместо тоа се согласува да глуми во неговиот краток филм.

Без резултати, без победници, без шампиони, без губитници, без дискфалификувани. Спорт, пуштен на полека.

Неделава имаме филм за еден претседател и неговата девојка, уште еден Бонд, филм за тоа како настанал култот на Скиентологија, Големиот Гетсби и документарец за силувањата во американксата армија.

Научници од МИТ произвеле некаков лубрикант за подмачкување шишиња кој, без разлика на густината, на течностите им овозможува совршено да лизгаат. Проценка на пазарниот потенцијал на нивниот изум - 17 милијарди долари.

Документарецов е нешто како најстрашниот маалски мубает што некогаш сте го чуле. Почнува со потрага по најстрашната дрога во светот (во Колумбија), продолжува со приказни за вистински случаи, па сведоштва на луѓе, до (за малку) пробување на дрогата. А има и интересни ликови по пат. По видеово, Авганистан ќе ви изгледа како детска градинка во која нонстоп делат бајадери.

Ова беше неминовна историска средба. Беше само прашање на денот кога двата сензибилитета ќе се намирисаат, ќе сфатат дека се слични и ќе пробаат заедно. Босанскиот музичко - текстуален чемер го среќава едвај- чекам- да- се- натажам американски блуз. Персонализирано: Дарен Џонс ја пее "Ej, oткад сам се родио" од Синан Сакиќ. Место на средбата: Њујорк (отпосле дознаваме, наш Апостол да ти бил вмешан во сето ова).

... да не гледа, да не забележува, туку да угодува, на шефовите мисли да им чита, ништо да не прашува туку да знае, што сака газдата да чуе, па ќе напредува...

Сте го гледале The Men Who Stare at Goats? А мора, ако за ништо друго тогаш заради Џорџ Клуни и сцената со "sparkle eye technique". Туку, вака некако почнале јунаците на филмот?

Тоа што мислиме дека милион евра за ограда на мост е ретко глуп потег, не значи дека ќе си ја стегаме душата да споделиме дека "туристичкиот серијал" ни е баш ок. Оние со Словенецот кој го глуми Стив Ирвин така - така, ама онаа со тренинг центарот е тотално по наш ќеиф. Затоа што способноста да се зезаш на своја сметка е основа на секој здрав хумор, особено националниот. И заради Мони Дамевски кој е маестралeн во спотот.

Го земаш првиот пик на драфтот 2011-та и дебитант на годината во НБА, Кајри Ирвинг, го маскираш во старец што мрчи (дека на дечурланава им биле важни само патиките и слично) и им го пушташ на некои маалски додека играат баскет. А сето ова го снимаш под алиби дека правиш документарец за некој друг маалски играч (Кевин - внукот).

Пред легнување, запамтете си ја околината бидејќи наутро може да биде поинаква. Кинезите дигнале зграда за само 9 дена. И доцнеле 8 дена!

Црепов заебал работа, на пијано ја преварил девојка му Сара и сега сака тaa да му прости и да му се врати. Како еден кретен мисли дека се докажува љубов и каење? Така што ќе се понижи "заради неа" и ќе се измоча во гаќи пред цела улица! Ах, колку е глуп!!!!

Оланд ја заврши полесната задача, да го победи оној гмаз Саркози. Сега му претстои потешката - да учи протоколарни процедури. Му се падна строга ама праведна учителка, Ангела душо, Ангела Меркел.

Автентична снимка од една мала сообраќајна незгода од Баку. За среќа, нема повредени. Од извори блиски до азербејџанското МВР дознаваме дека добриот камионџија стопирал извесна претставничка на Еуросонг која брзала на проба. Ја качил во кабината а таа по некое време почнала на чист англиски да му дава инструкции каде да вози.