Ватикан ја беатификуваше, Македонците ја сакаат, Албанците веројатно уште повеќе, Скопје се гордее со неа а слушаме дека и Водњанска ќе и отстапи место. Кристофер Хиченс во 1994-та година имаше нешто поинакви мотиви да се занимава со ликот и делото на Мајка Тереза.

Филмов никогаш не би требало да се случи. Како прво, заради тоа што оволку познати на едно место, Оскар не може да собере, како второ, изгледајте го трејлерот.

Не е толку маестрален како "Чварци и кавурма", ама и ова е сосема легитимна одбрана од изнудувачи на изјави, нагалено наречени репортери. Запамтете некоја ваква формулација и слободно шетајте по град, ништо нема да ви можат.

Ако некогаш дојдете во директен контакст со јасновидец, гатач, некој што на кој било начин може да ја предвиди иднината, топло препорачуваме вака да ја испробате неговата вештина.

Пред да ја намрштите фацата кога ќе го видите тамбот, треба да знаете дека ова е стварно добро. Тема: Како да го направиш најдобриот ремикс на најпопуларната песна на сеозната? Извади ја музиката.

Во обвивка од киндер јајце, му ставаат вистинско јајце. И малиов им вика, не можам да гризнам, а тие - можеш, можеш. Што ти значи да растеш во здрава средина на возрасни луѓе.

Две жени во студио, на тема, пениси. При што едната зборува за тоа со речиси религиозен занес, а на другата не и се верува. 

Архангел feat. Коџобашија, unplugged

Причина број 3: Убавицата во спотот, инаку ќерка на узбекистанскиот претседател. Причина број 2: Даниел Илабака е паркур махер. Причина број 1: Пејсажите и старата архитектура на Узбекистан се фасцинантни!

Луѓево успеале да најдат еден куп деца што никогаш во живот немаат пробано сладолед и го снимаат нивното прво искуство. Повеќе радост ретко кога имате видено.

И тоа не обично, туку буре за Џек Даниелс. Целиот пат, од штица до комплетно оформено буре товарено во камион.

Забранетата реклама за Хјундаи Велостер. Оно, има логика, ама, кој купува нешто заради логика?

Што ако Грција и Германија беа пар. Toj е Грција, таа Германија. Тој не работи, таа е Германка. Комшика им е Шпанија, а Британија е некако чудно залижана.

"О, не, не уште едни избори!" си мрси во брада Хомер Симпсон и оди да избира меѓу Обама и Ромни. За кого гласаше и како заврши?

Ако мислите дека кај нас е комплицирана целата шема со локалната власт (еден ти прави улица, друг ти зема пари за паркинг), чекајте да видите што се случува во Лондон. За почеток има Лондон (она на што сите мислиме кога ќе кажеме Лондон) и City of London, што му доаѓа нешто како автономна територија во рамките на овој првиот.

Ако ние сме ја слушнале песната "Call me Myabe," тогаш вие 100 посто ја знаете. Само што ние имаме 1.000 пати подобра верзија! Предизвикот до сите нејзини фанови е да пробаат нашата верзија да ја отпеат во еден здив.

DMX, феноменално постојано лутиот рапер, се соочува со некои од предизвиците на модерното време. Како на пример, користење лаптоп или пребарување на Гугл. Плус, многу го нервира кога слуша музика "и она, на сред екран, ќе почне да му врти."

Еден дечко со туретов синдром пробува да отпее песна на караоке. Побогу, секоја песна вака звучи подобро! Особено нашиве добиваат одлични, фак, верзии. Ќе пробаме?

Една од најголемите паради на Ферари автомобили што сте ги виделе. Речиси 1.000 ѕверови, на иста писта во Силверстон. И на крај, кога ќе ја видиш смешната донација од четири илјади и кусур долари....

Точно на време за сезоната чекање редови пред Епл, Самсунг со продолжение на својот сеир за предностите на Галакси С3 во однос на Ајфон. Плус, дополнително ругање од типот – "телефон за стари," "го мрднаа влезот за слушалки," и "може ќе ти треба нов адаптер, ама па прават одлични адаптери."

Жените во расправија се комплетно логични и до крај ја тераат целата дебата на конкретната тема - ако се во право. Ако не се, тогаш расправата се расплинува, таа ќе ти каже нешто лошо, ти ќе и кажеш нешто уште полошо и на крај завршуваш поразен. Фората е да знаеш точно, крајно прецизно, во стотинка од секунда, да забележиш кога ќе изгубат и после сè е твое.

После долго време налетуваме на технолошки изум со човечки лик и во функција на неговите базични потреби. Се разбира, пуканки не нè интересираат. Ова треба да функционира со кебапи!

Информации за вино за мажи, без тие "нота на ..." или "жичка на ..." и фала богу не предлага кафе со виното. Плус, некако страв да те фати ако не купиш од кај него.

Негативните кампањи не се ништо ново. Избор од 22 клипови од американски претседателски кампањи во кои се напаѓа противникот а истиот ни дава увид во стилот и стратегиите на кандидатите во изминатите 6 децении.