Зошто жените во просек живеат 8 години подолго од мажите? Тоа Господ им го надокнадува времето изгубено на паркирање. Еве ја, таа која ја гледате секој ден, на разни улици, паркинзи, семафори... Веројатно само еден пред да земе возачка.

За Антонио Ристески и неговите таленти навиваме одамна. А неговата приказна фино се развива: По претставувањето на интернет јавноста, го дознаават и дечките од Дубиоза Колектив и посакуваат заедно да снимаат. Доаѓаат во Скопје и цепаат една акустична верзија на нивна песна. Да ве потсетиме како можат да изгледаат и да звучат два бенда заедно.

Пораката до целото човештво е - затвори ја чешмата кога миеш заби. Пораката до секоја девојка е - затвори ја пастата (и ако може да не ја стискаш на средина).

За да ги адресира проблемот на недоверба на корисниците, загриженоста за приватноста и сомневањата дека шуруваат со зезнати служби и агенции, Гугл го објави ова симпатичпно видео во кое објаснува во кои случаи се дават информации и какви сè филтри постојат попат.

Додека ние слушаме предизборни Поточиња, во Алжир се збираат 60 пејачи, фудбалери, актери и ја прават оваа песна, како поддршка на Абделазис Бутефлика. 70тина години, се кандидира за четврти мандат.

Ако ова може да биде туристичка атракција на Бахамите, тогаш има надеж и за нас. Предлог слоган: "Додека не најдеме делфин, прасето е кралот на пливачите" - Македонија брокулес.

Има една фаза во животот на машкото која настапува во периодот помеѓу кога мајка ти престанала да ти купува алишта и додека да научиш сам како треба машко да се облекува. Во овој период си крајно самоуверен дека тоа што го носиш и како изгледаш е врвот, и дека се останато околу тебе што те критикува е крајно неписмено за мода. Па дури и ако тоа се 30 сингл девојки кои дошле на ТВ за да најдат дечко.

Две работи: 1. Никој не може да каже дека е "мртов гладен" туку најмногу што може е "да чувствува глад," и 2. "Жените не се подобри од мажите, туку мажите се полоши од жените." Атеизам, Господ, девојки...

Нил Деграс Тајсон е астрофизичар но и еден од најпознатите јавни амблеми на научното размислување. Го има по телевизии, по дебати, на интернет. На некои им било досадно цело тоа мудрување па решиле да ни покажат како би изгледал и звучел кога би бил учинет. И го пукнало на Њутн.

Маршал и Барни од Како ја запознав мајка ви, како Валжан и Жавер од Клетници, по основа предизвик од публика да повторат еден свој претходен импровизиран настап на едно тв шоу.

Продолжуваме со непланирантие часови по маркетинг. Пред некој ден имавме како се прави генеричко видео за бренд или компанија. Сега имаме како маркетинг агенциите ви се бутаат во мозок и од таму продолжуваат накај новчаникот. "Дали рекламирањето фукнционира? Американските компании годишно трошат 170 милијарди долари на маркетинг, па тие изгледа веруваат дека функционира."

Не дека не си правиме огромен ќеиф откако решивме наши пријатели да ви пуштаат музика, ама се запустивме самите. Е па неќе моќи! Брус Спрингстин во Бризбејн, февруари, годинава.

Ако сме искрени оние видеата со водопади, шума, река, море, никогаш не нè опуштале, таман ќе се ставиш во филм и ќе фатиш да ги мислиш да не ти заврне или да не си заборавил нешто дома. Ова е сосема друго, нема никаква тензија, главниот лик знае што прави и лагано те води низ целата приказна и те опушта.

Од трите работи што ќе ги кажат луѓево, двете вистини им се случиле нив, лагата е нешто што му се случила на некој друг од групава. Материјал за трауми и за неверување колку сакаш.

Имаме на таа тема и подолго четиво ама за оние кои сакаат кратко и јасно, Пен и Телер се мајстори за показни вежби.

Една од оние "бакнежи за подобро нешто" акции, ама комплетно направени за лична корист. Наводно дечково е очаен, па по таа основа бара да му се посвети внимание со бакнежи. Од вас #форевералоун, ние поштените...

Многу корисно видео, за сите оние кои сакаат да бидат во тек со модата и во друштво да ги изговараат сите оние егзотични брендови од тој свет. А да не испаднат морони. Значи Зења а не Зегна, значи ЖивОнши а не ЖивАнши. Не дека нам ни прави разлика, ние и онака си купуваме од пазарче.

Ги има сите елементи: клучни зборови, демографии, социјални групи и скриени пораки од секое можно корпоративно или бренд видео. Затоа што добар дел од народов нема никогаш да го изгледа клипов, може да го користите како шаблон ако некогаш треба да работите на темата.

За тие што се решени и веќе ги тераат Велигденските пости, Мои рецепти склопија плеј листа од 58 посни видео рецепти кои се понапредни од леб и џем или геврек. Останатата публика треба да ги разгледа рецептиве по основа дека има еден куп добри опции за гарнир.

Ауди го зема Рики Џервејс за главната улога во новата кампања за Ауди А3. Проблемот со Рики Џервејс е што е бескомпромисен па или го сакаш или не го поднесуваш, плус треба да им го продадат на Американци. Ауди, поточно агенцијата Venables Bell & Partners му ја наоѓаат совршената улога и сценарио, за сето ова да изгледа совршено.

Навршуваат цели две децении од самоубиството на Курт Кобеин. Клипот што изгледавме нè тера најавава да ја продолжиме во овој правец: Курт Кобеин беше еден чичко кој свиреше и пееше во една група што се викаше Нирвана. Група е кога неколку луѓе прават и свират иста музика. Свирење е кога имаш инструмент па на него произведуваш тонови по свој избор. Инструмент е парче хардвер на кој човекот му се софтвер. Ете така. Одиме сега да го соочиме чичко Кобеин и Нирвана со новите генерации, да видиме каде тоа нивно музичко семе паднало на плодна почва а каде завршило на модерен плексиглас.

Хепи на Фарел доби интересни, забавни, тажни, добри, моронски, нечовечки глупи и "уби ме туѓа срамота" верзии на видеото. Ова е ништо налик нив, ова директно се пакува во кутија "легендарно."

Сеат во најскоро време вади нов модел на Купра, ама има фанови што не можат да дочекаат и цело време прават тензија за да го пробаат новиот модел. Сеат им објаснува дека колата не е готова за тест, ама ако сакаат можат да дојдат да го пробаат симулаторот на овој модел.

Во лондонска катедрала, босански глас, ерменски дудук и македонска песна. Инџој.