Ние не трчаме и имаме многу јаки причини насобрано за тоа: немаме време, воздухот во Скопје е загаден, патеката на Вардар или е преполна или нема жив петел, зимно време е ладно, летно време е полно со мушички. Дечкото на видеото скроз поинаку од нас. Ама, нему му е лесно, тој има време, воздухот не му е толку загаден....

Нашата страна во постапката ќе оставиме да ја застапуваат овие пет видеа од Карт Ноaр (патроните за еспресо). Вашата страна не е релевантна.

Најголемиот дел од човештвото не му верува доволно на колегата ниту да му дозволи да им одбере доручек, а не па дека колегата со чеканот ќе биде синхронизиран со тебе во дел од секунда. Овие двајца колеги се Јапонци.

Она што деновиве си го правиме меѓусебе не е ништо во споредба со омразата и масакрите кои со децении си ги правеа Ирците. Ваљда и овде ќе дојде ден кога ќе нарачаш пиво и ќе чуеш некој ваков шанкер кој никој не ни помислува да го прекине. Пссст, тој ја пее Bright Blue Rose.

Директорот на фотографија на мега популарната серија за Френк Андервуд и заврзламите на вашингтонската политика има сосема едноставен трик како да го креира кадарот. Ќе видите колку е тоа едноставно смирување на сцените а тие сепак да имаат потребен контраст. Дај плаво. Дај жолто. Акција.

Проклетството на некои е што не изгледаат паметно дури ни кога ќутат, други пак можат да бидат бескрајно забавни и драматични и без ниту еден кажан збор. Ова се Оскарите без дијалог.

Работна недела во Јапонија. Почнува во понеделник, завршува во сабота навечер, а ти изгледа како да трае пола месец. Помеѓу, јадеш мусли.

"Драги Грци, се предаваме, земете ни ги сите пари!" Тоа е поентата на оваа одлична германска заебанција на "своја сметка" во која ги опеваат сите  стеротипи кои за нив кои ги имаат Грците.

ЕА спортс прави игрица со ММА борачи, и како што е ред ги лиценцира ликовите и ги вика самите борачи да се видат како изгледаат во играта. Еден он нив не е задоволен од перформансите на неговиот виртуелен лик. Целата работа ја поднесува во многу ММА стил.

На вечерта на враќањето во Тимбервулфс, Кевин Гарнет беше дочекан од еден од неговите највпечатливи фанови, и еден од првите вирални херои на интернетот. И Тимбервулфси уште го памтат човекот.

Што толку цел интернет се напали за тоа каква боја бил фустанот? Па одговорот е толку едноставен.

Во програма од 1982-ра, Нимој го дава своето мислење и сеќавањата за првата генерација (неговата) од Ѕвездени патеки.

Прва грешка што можеш да ја направиш е да помислиш дека си на негово ниво (кој и да си), втора грешка е да не го ислушаш ова. Советите на Андервуд од првите две сезони од Куќа од карти.

Нема ништо лошо во видеово, лошо е што 80% од овие од прва ни се познати. Провери колку клипови ќе препознаеш, па многу работи ќе ти станат појасни околу тоа на што си ги изгубил последниве 10 години. Монтажата е од некои од највиралните видеа што се појавиле на ЈуТјуб.

Малиов му рекол на татко му дека го закачало некое дете. Овој сетил за што се работи па му оддржува една таква лекција која веројатно нема никогаш да ја заборави. А и да ја заборави, ја има кај нас.

Иако навиваме за рускиот Левијатан, за најдобар странски филм беше прогласен полскиот Ида. Излегува режисерот Павел Павликовски. По 50-тина секунди од неговото заблагодарување, продуцентите на шоуто почнуваат да го бркаат со музика. Ама, Павликовски упорен, сè додека командантите на Оскарот не го признаа поразот и отсвирea повлекување.  

На почетокот имате една чиста лента и една лента полна со снег. Минува надлежниот чистач и ситуацијата станува обратна.

Цртаниот на Дизни што доби Оскар за најдобар краток анимиран филм, на тема како кучето му е најдобар пријател на човекот, и како жена може сè да расипе. И прокељ и магдонос.

Оскар немаат добиено легенди како Гери Олдман, Роберт Дауни, Ралф Фајнс, Едвард Нортон, Ди Каприо.... Ама затоа во алејата на бесмртните актери, со Оскар за најдобра машка улога, штотуку влезе Еди Редмејн. Ху? Игзектли. Во 90 секунди сè што треба да знаете за него. Доста му се, засега.

За оваа средба пишуваше Борис Дежуловиќ во постхумното сеќавање на трагично загинатите браќа од Шарли Ебдо кои во полн состав (Шарбоние, Волински, Тињус...) во 1994-та ја посетуваат редакцијата на Ферал Трибјун. Овојпат имаме видео за обратната страна, за тоа како на Шaрлиевците им изгледала таа посета на воено трауматизираниот Сплит.

Замислете свет во кој не постои 15 до 3 или 9 и 25. Како човекот успеа да го скроти времето истовремено станувајќи негов господар и слуга. Кога престанавме да јадеме кога сме гладни, туку го правиме тоа кога е време за јадење.

.mp3 беше револуционерна компресија и њојзи хвала. Ама во таа компресија изгубивме детали кои најчесто не ги ни забележувавме а кои ни ја осиромашија калоричната вредност на она што го слушаме. Студент од Харвард покажува што испуштаме кога слушаме една позната песна во емпетри фајл. 

Толку нема кој уште да слабее бидејќи сите се веќе во тој филм, останаа уште пополнетите фанови на Дејвид Брн да се издефинираат. "Stop making sense and star burning calories". Добра заебанција, следни се фановите на Канго.

Ги водиме како документарци, ама многу повеќе се репортажи за "вести од светот" што никако да најдат ред и да се појават на вести и дневници. Изборот е од околу дваесетина вакви репортажи.