Човеков не може да види предмет а да не го стави на кант. Тура камче на под и балансира додека не успее да му ја наде точката на балансот. И како и во животот, сè е во прекрасна рамнотежа сè додека не ти заѕвони некој.
Комедијата и хуморот денес на Запад не го убиваат диктаторски или автократски пориви туку сеприсутната метастазирачка политичка коректност. Ова е расистичко, она е сексистичко.... Можеш да се зезаш со газовите на Ким Кардашиан, но не и со цицките на нејзиниот очув. Мала лекција како се прима виц од Бил Мар. Значи, има и за муслимани.
Ова реклама на Икеа наголемо се врти наоколу, а нема ни попусти ни каталози. Наместо на Дедо Мраз, деца им пишуваат писмо со желби на своите родители. Швеѓаниве мама си тракале. Кога ќе освоиш нечие срце, за џебот е лесна работа.
За секое "колку добро сè им е средено на Саудијциве, сè во мермер и сјае," има едно тивко некажано "ах да ве фати еден дожд, па ќе ве видам со ова мермериве."
Земаш автомобил и го фрлаш во машинава, цел, сосе мотор, седишта, гуми, осовини и што и да има цел автомобил (да, и кука). Машинава го вади на делчиња (што е поразлична агрегантна состојба отколку "на делови").
Дејвид Мичел е британски комичар кој веројатно не го знаете, и е редовен гостин на QI, британско шоу кое веројатно исто така не го знаете. Сето тоа е ваш пропуст.
Како на човек кој живее во Њујорк, на Кејси Неистат му е јасно дека за се' треба време. На пример дека од дома, во Њујорк, ти треба еден час патување за да стигнеш до стартната линија на маратонот во Њујорк. Не е проблем, сè со ред.
Може агендата не им се оствари баш во формата во која планираа, и може добија неколку зуцки по пат, ама не можеш да им спориш дека и ова не е некаков успех. Ајде Јано...
Едниот го имавме пред некој ден (Бјорнсон), другиот е УФЦ борачот Конор МекГрегор (175 см, 66 кг.). Поуката на видеово е дека не е сè во големината. Поуката на животот е дека ова е точно се додека не дојде време за селење шкафови.
"Кратко ни е времето на Земјата. Имаш датум, тире, и уште еден датум... и ние сме тирето, и не планирам да го минам зборувајќи срања со славни личности."
Што предизвикува зависност од хероин? Хероинот предизвикува зависност од хероин. Ако 20 дена користиш хероин, на 21-от твоето тело веќе има физичка зависност од дрогата. Ама, има и едно "ама".
"Два и два" е кратко и одлично филмче кое пред неколку години беше номинирано за наградите Бафта. Одвојте 7 минути за лекцијата "Колку се два плус два?"
Или ние немаме видено или стварно нема нервозен дрводелец. Ако случајно сме во право и сме уденале дека ова второво е точно, тогаш со подеднакво издржана логика заклучуваме дека мирот им следува по основа на тоа што произведуваат нешто со сопствени раце, и тоа што никој не му се качува на глава на човек со секира во рака. Без разлика колку е ова неточно, едно крајно зен видео за целиот процес на правење стол сред шума. Цел, од стебло до столица.
Инстант сок од портокал, стисни копче добиваш инстант забава, вртиш седум броеви и имаш инстант комуникација, сврти клуч стисни педала и имаш инстант превоз... Или на кратко, нема време во историјата кога старите не кенкале како на младите им е полесен во животот.
АТАКА е една крајно забавна ултра десничарска партија која редовно промовира крајно закрепостени идеи на редовни ултра-десничарски теми. И најголемиот дел од паниката што се крева кај нас околу тоа кој во Бугарија што рекол за Македонија, се однесува на изјави кои доаѓаат од АТАКА. Инаку, сама по себе, партијата во Бугарија е смешка.
