Уште да е паметни оние што го направиле фрижидерчето па да сфатат дека подобра реклама за неговата издржливост никогаш нема да смислат....

Дечково има две другарчиња. Едниот за да му ја покаже финтата, другиот за да го снима кога ќе успее. Којзнае во која вукојебина ова се случува ама смеењето и радоста пари им вредат.

Чудесија е овие досетливите на што сè ја посветуваат свјојата талентираност. Мобилен телефон (со копчиња), стапче од сладолед, мутерче, жица и дрвце е сè што ви треба за да направите сопствен алармен систем за безбедноста на вашиот дом и први да дознаете дека некој ви провалува дома. Само ваљда од таму треба да излезете преку џам.

Сетете се на ова кога животот ќе ве потклекне, кога проблемите ќе ви се чинат преголеми и кога ќе бидете на чекор да се откажете. Ако и ова не ви помогне, тогаш не знаеме што луѓе сте вие уопште.

Џон Клиз за сите оние со вишок способност за чувствување навредени од што и да е: Луѓето што не можат да ги контролираат сопствените емоции, треба да престанат да се обидуваат да го контролираат однесувањето на другите луѓе.

Артикл: Ууни. Што е Ууни? Преносна печка на дрва за пици, лебови и сè што може да ви текне кога веќе еднаш ќе имате печка во двор. Бонус за сите што им останаа вишок пелети од зимава - работи на пелети.

Лавицата се вика Сирга, човекот се вика Валентин. Пред неколку години Валентин ја има најдено Сирга истоштена и на неколку часа пред умирање. И става ифузија која е мешавина од крем, млеко, јајца и витамини. Двајцата одамна се немаат видено.

Појаснување околу роковите, кој е за траење, кој е за продавање, кој е за користење и слични изрази што само звучат како да се однесуваат на нешто исто.

Ако на улица видите некој како се клати и со главата прави осмици, не го прогласувајте одма за луд или за жртва на лоши дроги. Можеби само не сте го виделе трикот од почеток.

Секој занает е златен, ама овој особено. 14 минутно видео за тоа како во Јапонија се изработуваат тенките (до проѕирност!) златни ливчиња кои се користат во архитектурата, уметноста па и во гастрономијата. Најрачно, најаналогно. 

Германски програмери развиваат софтвер на кој му треба веб-камера и 15-секунди од Јутјуб клип со тебе за да направат реалистична видео копија од тебе, која ќе каже и ќе прави се што тие ќе и наредат. До сега успеале да направат копија од сите, освен од Путин.

Кога дете ќе си ја заглави главата меѓу решетки а татко му не може да му помогне. Па ќе мора да си помогне сам. 

Ова би било крајно смешно видео околу тоа како можеш да прелажеш пациенти со вода и шеќер, кога не би ти текнало дека има цела гранка на алтернативна медицина која е мега-успешна во својата убедливост и која се базира на вода и болест.

Парче улица кое треба да биде закрпено. 2 метра на 4 метра, отприлика. Во други земји би домкнале тешка механизација, ваљаци, маљаци. Но почему, кога може тоа и поинаку, некако почовечно.

Таа крилатица дека сите луѓе се исти паѓа во вода кога во равенката ќе ставите Јапонци. Овојпат, претставник на останатото човештво се Мексиканците. Како се фаќа метро во Јапонија а како во Мексико?

Најамериканската ситуација е: кутро маче се качило високо на дрво па му е страв да се симне. Најруското решение ќе го видите сами.

Видеото кое сериозно ќе ги промени работите во американската политика, и кое не е, не е, не е, бескрајно не е прво-априлска шега. Освен кога е.

Ако денов ви е тргнат на лошо, пуштете си го видеото, тек да видите дека секогаш може полошо.

Најголемата фуфка и за човештвото во Вестерос и за гледачите на Игра на тронови. Тимска работа од 4 недели за да се направи шасијата, па 6 часа да се монтира на човек па 10 часа снимање со Белиот јавач за поправки и одржување на маската. А какви грдотии од луѓе има по светов, можело тоа и полесно да помине.

Го памтиме најмногу по Џекес а беше и професионален скејтер, каскадер, музичар, актер, филмаџија.... Но, не сме го виделе доволно за да знаеме колку Бам во меѓувреме се има распаднато.

Да не јадеме бабури и да не кобиме, ама со оглед на темпото со кое овде се градеше и општиот јавашлук со квалитетот и контрола на квалитетот, хмм....

Фина илустрација за она што го пренесовме во извонредниот текст "Како 'Friends' ја иницираа пропаста на западната цивилизација". Пар сцени од самата серија, меѓу оној што се измачува со својот интелект и онаа што ужива дека е таралајка. На тема еволуција, Фиби, како репрезентативен претставник на сите кафански полемичари на светов, перолесно го растура оној што нешто знае на темата. Просто, непобедливи се таквите.

Како се прави кампања за опасностите од користење телефон додека се вози? Крв, летање преку шофершајбна, крв, каење, солзи, крв. А може и поинаку.

Сцена од еден универзитет во Сан Франциско во која на бел студент со дредлокси не му даваат да помине затоа што "нејќеле луѓе со таква фризура". Зошто не? Затоа што белец со суканки правел "кражба на египетското културно наследство". Значи ова грчкиов ген насекаде го има.